دفعه 12 , مابين الحقيقه والخيال !

[قاهر الاحزان]

بالنسبة لبعض الاخوان !!! انا لا قصدي احطم ولا شي !!

لكن فعلا احنا انظلمنا ليه نسكت عن حقنا ؟!

اكيد نجتهد بالجاي والمرحله الجايه جدا مهمه لانها اختبارات نهائية , لكن هذه الحقيقه !

وبالنسبة لموضوع التحطيم , ياخوي تتحطم من بدري وتعرف انك ما بتدخل هالكلية من بدري ولا انك تقعد على امل بعدين تنصدم تلقى نفسك منت مقبول , لا تضحكون على انفسكم !

انا عشان كذا ابغا هرجه واضحة , اي او لا ! المشكله حتى الجامعه غامضة ماهي عارفه تعطينا هرجه صحيحة

الشروط فيها كثير من الرعونه والركاكه !

يعني مثلا يقولون الكليات ما تهتم الا بالنسبة الخاصه فقط , والحين اسمع لي اخبار تقول , انهم راح يشوفون النسبة الخاصه بعدين راح يرجعون للنسبة العامه يشوفون من اعلى وياخذونهم

طيب وش ذنب اللي شد حيله بالمواد المطلوبة وترك المواد الثانيه وطاح معدله بسببها ؟! هل هذا عدل بالله ؟! وش بزورة احنا يقولون لنا كلام وبعدين نسمع كلام ثاني ؟!

[Anas Alharbe]

انا شخصيا ما اشوف فيه ظلم
احياء مافيها تست بانك صحيح
لان التست بانك لم يعاني من مخرجاته السلبيه الا الكليات الطبيه خلال الكم سنه اللي فاتت
انا بصراحه لا اطمح لتخصص طبي شخصيا
لكن في نفس الوقت اتمنى ممن سيكونون اطباء وطبيبات المستقبل ان يكونوا اهل لتخصصهم لذلك اتوقع ما راح يصمد ويشد حيله بتست بانك او بغيره الا اشخاص يرغبون الطب لذاته ليس فقط ليكمل " الاستايل مع الكوفي مق وفرفره وترزز في ممرات المستشفيات لانه للاسف هذا اللي انا شخصيا شايفه كنسبه كاسحه

وبعدين ترا الرازق هو الله سبحانه وتعالى واحنا نعمل الاسباب ولو حصل وظلمنا فالدنيا ليست دار عدل والعدل في الآخره ان شاء الله

[shox2]

لا تدرون لعله خير لكم
الحمد لله على كل حال و قدر الله ما شاء فعل
عسى ان تكرهو شي وهوا خير لكم و عسى ان تحبو شي وهو شر لكم

لا تدرون لعل الله يعوضنا في التسكين و ترتفع نسبه القبول في الكليات عن دفعه 11

[Mohammed Al-sulmi]

حسبنا الله ونعم الوكيل

[thamer070]

ممكن سؤال :
وين الظلم؟

[اكوس نفرر]

اول شي ,, جامعة رابغ ..

تقريبا لهم سنة ويفصلوها عن الجامعةة .. يعني انا كنت متوقع في اي وقت يفصلوها

وبعدين هرجة التست بآنك !!

عندي سؤال لكل من يبي يدخل طب ويقول ليش مافي تست بآنك ..

انت الحين شفت احياء 110 واتجننت .. هذا كلو ومسهلين الاختبارات .. يعني الجزء اللي اختبرناه

ننسآه !!

كيف تبغآ تدخل طب وتبدع فيه ؟!

النقطه الثآنية .. انت تقول بدآية السنة كنت مهتم بس في النسبة الخآصة ع كلامهم وتركت العآمة !!

ي حبيبي من بدآية السنة وكل النآس عآرفة انه النسبة الخآصة كرت عبور .. والعآمة للتثبيت

وانا احب اقول .. احمدو ربكم انكم تدرسو تحضيرية هنآ .. ما ذقتو اللي ذآقوه عيال جامعة ام القرى

وفآلكم التوفيق ي رب

[Mr.midooo]

المشاركة الأصلية كتبت بواسطة anas alharbe انا شخصيا ما اشوف فيه ظلم احياء مافيها تست بانك صحيح لان التست بانك لم يعاني من مخرجاته السلبيه الا الكليات الطبيه خلال الكم سنه اللي فاتت انا بصراحه لا اطمح لتخصص طبي شخصيا لكن في نفس الوقت اتمنى ممن سيكونون اطباء وطبيبات المستقبل ان يكونوا اهل لتخصصهم لذلك اتوقع ما راح يصمد ويشد حيله بتست بانك او بغيره الا اشخاص يرغبون الطب لذاته ليس فقط ليكمل " الاستايل مع الكوفي مق وفرفره وترزز في ممرات المستشفيات لانه للاسف هذا اللي انا شخصيا شايفه كنسبه كاسحه وبعدين ترا الرازق هو الله سبحانه وتعالى واحنا نعمل الاسباب ولو حصل وظلمنا فالدنيا ليست دار عدل والعدل في الآخره ان شاء الله

مصطفى رقم 1

المشاركة الأصلية كتبت بواسطة shox2 لا تدرون لعله خير لكم الحمد لله على كل حال و قدر الله ما شاء فعل عسى ان تكرهو شي وهوا خير لكم و عسى ان تحبو شي وهو شر لكم لا تدرون لعل الله يعوضنا في التسكين و ترتفع نسبه القبول في الكليات عن دفعه 11

الناس تتمنى النسب تنزل وانتي تتنمين ترتفع ؟؟؟؟؟؟

المشاركة الأصلية كتبت بواسطة thamer070 ممكن سؤال : وين الظلم؟

مصطفى رقم 2

[shox2]

المشاركة الأصلية كتبت بواسطة mr.midooo الناس تتمنى النسب تنزل وانتي تتنمين ترتفع ؟؟؟؟؟؟

وصلتك المعلومه خطأ

يعني يزيدو اعداد الطلاب اللي يقبلوهم وتزداد المقاعد

[ريتشارد]

المشاركة الأصلية كتبت بواسطة قاهر الاحزان 1- ارتفاع في نسب القبول , وعدم قبول طلاب كثير من خريجين الثانوية العامه ! النسب وقفت على 78 = ) 2- السنه التحضيرية (بالانجليزية) طيّب ايش المُشكلة ؟ بالعكس الدراسة بالإنجليزية مُمتعة وتكسبك مخزون لغوي 3- البونص , مقارنه بدفعه 11 ! حنا ايش دخلنا بدفعة 11 ! تتكلم عن دفعة 11 وكأنهم راح ينافسونا بالمقاعد ! تكلم عن شيء معقول ، انت ترمي هذا الكلام جزافا بدون أي منطق 4- التسكين وارتفاع الدرجات المطلوبة , وما يقابلها من تقليص للمقاعد بالكليات , وما يقابلها من إلغاء لفرع رابغ اللذي كان حلم للكثير من الطلاب وتبخر !! إلغاء فرع رابغ كنت اعرف إنه على وشك الوقوع من أول ما دخلت هذي الجامعة هذا الكلام مو جديد ، ولا تأخذ الموضوع من زاوية وحدة انت عارف ان طلاب رابغ للتحضيري حاليا ما عندهم الإ اربع رغبات تقريبا ويتنافسون عليها ! ـــــــــــــــــــــــــــــــــــ طبعا بغض النظر عن ال3 الاولى , باعتقادي النقطه الرابعه هي المهمه بالنسبة لنا في الوقت الحالي بالنسبة لك طيب وش ذنب اللي شد حيله بالمواد المطلوبة وترك المواد الثانيه وطاح معدله بسببها ؟! هل هذا عدل بالله ؟! وش بزورة احنا يقولون لنا كلام وبعدين نسمع كلام ثاني ؟! انا متابع لحاجات كثيرة حصلت لدفعة 11 ودفعتنا كمان ولا عمري سمعت بكذا كلام ! تكلم بالمنطق ، اللي يبغى يدخل حاسب مثلا يجيب a+ فيها ويهمل المواد الثانية وتتوقع ينقبل ؟! من البداية وحنا نحذر من الإشاعات وموقع الجامعة مفتوح كان بإمكانك تدخل وتشوف شروط التسكين بنفسك وبدون لا تسمع كلام فلان وعلان اسمح لي اخوي على الفضاضة بس إذا فيه شخص يحتاج يراجع نفسه هو انت لا تنتظر حد يجيك ويواسيك ويمسح على راسك ويصبرك بكلمتين وهو كذاب ، هذي الغلطة غلطتك . آرائكم ! ملاحظه:دفعه 11 كان مفتوح لهم فرع رابغ وعلى دفعتنا صكوها علينا

الله يسهل عليك = )

[قاهر الاحزان]

ريتشارد

الانجليزي ممتع بالنسبة لك انت , لكن مشكلة كبيرة لغيرك !

ثاني شي بخصوص دفعه 11 , ايوا ياخي هم كان عندهم تست بانك وبونص كثير !!! كيف ما تبغاني انقهر

وبالنسبة لفرع رابغ , انا سامع هالكلام انه بيلغونها كمان , لكن ياخي ليه نخسر 300 طالب كان ممكن يكونون بكليات متميزة ويروحون لكليات تعبانه ؟! هذا مو ظلم ؟!

لا لا لا ماني محتاج احد يواسيني , وش بنت شايفني ؟! ههههههه

ويوفقك !