شرح بسيط للفصل السابع .. محاسبة متوسطة

[mis-rose]

السلام عليكم ,ممكن احد يشرحلي كيف اطلع قيمة الرصيد فب المتوسط المتحرك الله يوفق من يرد علي وفي الاختبار بيجي صح او خطا او لا

[تاتلين]

شوفي ياحلوه..انا بشرح لك على المثال الثاني اللي حله الدكتور نزلت الحل في الموضوع الثاني امشي عليه وخلي المثال قدامك عشان تفهمي وان شاء الله تفهمي..
بعد ماتسوين الجدول..
اول شي مخزون اول الفتره ينزل زي ماهو في الرصيد..

بعدين بتاريخ 6/1عندنا مشتريات ننزلها في خانة المشتريات بعدين نروح للرصيد في الخانه الاولى راح

نجمع كمية الرصيد الاول اللي هو 40 مع كمية المشتريات اللي هي 360 يطلع لنا 400 نحطها في

الكميه في الرصيد. الخانه الثانيه خليها فاضيه تبع السعر .روحي للخانه الثالثه تبع القيمه نحط فيها

قيمة المشتريات اللي هي 3240+قيمة الرصيد في اول الفتره اللي هو 320 يطلع لنا 3560نحطها في

خانة قيمة الرصيد.طيب الحين عندنا الكميه موجوده والقيمه موجوده في الرصيد بس السعر لا عشان

نطلع السعر في الرصيد لازم نحسب المتوسط المتوسط ذا تحسبينه كذا تقسمين القيمه على الكميه في

الرصيد يطلع لنا السعر يعني نقسم 3560/400= 8,9.

عندنا بعدها مبيعات في تاريخ 12/1 بقيمة 140

نحطها في خانة المبيعات والمتوسط راح يكون نفس اللي طلعناه في المشتريات 8,9نضربيها ببعض

يطلع لنا 1246بعدين في الرصيد بما انها مبيعات راح ننقصها من كمية الرصيد اللي طلع لنا في

العمليه اللي قبل اللي هي 400 تصير 400-140 =260 والمتوسط راح يكون نفسه 8,9.والقيمه

ننقص كمان قيمة المبيعات من قيمة الرصيد اللي طلع في العمليه اللي قبل 3560-1246=2314.

بعدين عندنا مشتريات بتاريخ 19/1 ننزلها في خانة المشتريات ونروح للرصيد نجمع الكميه اللي طلعت

قبل مع كمية المشتريات 260+120= 380 وخانة السعر نخليها فاضيه نروح للقيمه نجمع القيمه

اللي قبل مع قيمة المشتريات 2314+1152= 3466 حلو وعشان نطلع السعر نطلع المتوسط

المتوسط قلنا نحسبه بقسمة القيمه على الكميه يعني 3466/380= 9,12 ...

هههه تعبت احس صعب الشرح كذا ماادري تفهمي او لا وكملي حل التمرين نفس الطريقه وفي كل

عملية شراء جديده نحسب المتوسط بنفس الطريقه اللي قلت لك وفي المبيعات ننزل المتوسط اللي طلع

لنا في عملية الشراء اللي قبل..

وبس بالتوفيق ياااارب..