شرح بسيط للفصل السابع .. محاسبة متوسطة

[cool_girl]

شكرا على الموضوع ...

بس انا حابه اسال عن طريقة الوارد اولا الصادر اولا وكمان الوارد اخيرا والصادر اولا ...

لاني بصراحه ماني فاهمتها ....

بالذات لمن نطلع السعر حق الرصيد ...

[mis-rose]

السلام عليكم ,ممكن احد يشرحلي كيف اطلع قيمة الرصيد فب المتوسط المتحرك الله يوفق من يرد علي وفي الاختبار بيجي صح او خطا او لا

[تاتلين]

شوفي ياحلوه..انا بشرح لك على المثال الثاني اللي حله الدكتور نزلت الحل في الموضوع الثاني امشي عليه وخلي المثال قدامك عشان تفهمي وان شاء الله تفهمي..
بعد ماتسوين الجدول..
اول شي مخزون اول الفتره ينزل زي ماهو في الرصيد..

بعدين بتاريخ 6/1عندنا مشتريات ننزلها في خانة المشتريات بعدين نروح للرصيد في الخانه الاولى راح

نجمع كمية الرصيد الاول اللي هو 40 مع كمية المشتريات اللي هي 360 يطلع لنا 400 نحطها في

الكميه في الرصيد. الخانه الثانيه خليها فاضيه تبع السعر .روحي للخانه الثالثه تبع القيمه نحط فيها

قيمة المشتريات اللي هي 3240+قيمة الرصيد في اول الفتره اللي هو 320 يطلع لنا 3560نحطها في

خانة قيمة الرصيد.طيب الحين عندنا الكميه موجوده والقيمه موجوده في الرصيد بس السعر لا عشان

نطلع السعر في الرصيد لازم نحسب المتوسط المتوسط ذا تحسبينه كذا تقسمين القيمه على الكميه في

الرصيد يطلع لنا السعر يعني نقسم 3560/400= 8,9.

عندنا بعدها مبيعات في تاريخ 12/1 بقيمة 140

نحطها في خانة المبيعات والمتوسط راح يكون نفس اللي طلعناه في المشتريات 8,9نضربيها ببعض

يطلع لنا 1246بعدين في الرصيد بما انها مبيعات راح ننقصها من كمية الرصيد اللي طلع لنا في

العمليه اللي قبل اللي هي 400 تصير 400-140 =260 والمتوسط راح يكون نفسه 8,9.والقيمه

ننقص كمان قيمة المبيعات من قيمة الرصيد اللي طلع في العمليه اللي قبل 3560-1246=2314.

بعدين عندنا مشتريات بتاريخ 19/1 ننزلها في خانة المشتريات ونروح للرصيد نجمع الكميه اللي طلعت

قبل مع كمية المشتريات 260+120= 380 وخانة السعر نخليها فاضيه نروح للقيمه نجمع القيمه

اللي قبل مع قيمة المشتريات 2314+1152= 3466 حلو وعشان نطلع السعر نطلع المتوسط

المتوسط قلنا نحسبه بقسمة القيمه على الكميه يعني 3466/380= 9,12 ...

هههه تعبت احس صعب الشرح كذا ماادري تفهمي او لا وكملي حل التمرين نفس الطريقه وفي كل

عملية شراء جديده نحسب المتوسط بنفس الطريقه اللي قلت لك وفي المبيعات ننزل المتوسط اللي طلع

لنا في عملية الشراء اللي قبل..

وبس بالتوفيق ياااارب..

[تاتلين]

[QUOTE=cool_girl;5603684]شكرا على الموضوع ...

بس انا حابه اسال عن طريقة الوارد اولا الصادر اولا وكمان الوارد اخيرا والصادر اولا ...

لاني بصراحه ماني فاهمتها ....

بالذات لمن نطلع السعر حق الرصيد ...[/QUOTE


طيب بحاول اشرحها لك بس ماادري تفهمي او لا صعب الشرح كذا بس كمان خلي حل التمرين اللي حله الدكتور قدامك عشان تفهمي..

طريقة الوارد اولا صادر اولا:
اول شي المشتريات ننزلها نفس ماهي في الرصيد..

بعدين مشتريات بتاريخ 6/1 نحطها بخانة المشتريات ونروح للرصيد في الكميه نجمع ال40 مع 360

=400 في السعر عشان يكون واضح الحل حطي بين اقواس كل العمليات اللي قبل اللي هي تبع اول

الفتره 40*8 وتحتها وتبع المشتريات 360*9 طيب بعدين القيمه اجمعي القيمه اللي في اول فتره مع

القيمه اللي في المشتريات 320+3240= 3560 او لو تبغي تجمعي ذي اللي حطينها بين الاقواس

عادي تطلع لك نفس النتيجه.



الخطوه اللي بعدها مبيعات بتاريخ 12/1 عندنا في ذي الطريقه الوارد اولا صادر اولا في الجرد

المستمر تحسبي المبيعات من الاول يعني من اول قيمه طلعت بين الاقواس(في الوارد اخيرا صادر اولا

ابدأي من آآآخر قيمه طلعت بين الاقواس ان شاء الله تفهمي النقطه ذي مع الحل) يعني عندنا هنا

المبيعات 140 تشوفين اول قيمه طلعت فوق بين الاقواس كانت 40*8 ناخذها كلها يبقى لنا من

140 100 لان الاربعين اخذناها من اول شي طلع عشان نكمل 140 لازم ناخذ من اللي تحت اللي

تحت بين الاقواس 360*9 ماراح ناخذ الاا اللي ناقصنا اللي هو 100 يصير عندنا بين الاقواس في

المبيعات 40*8 وكمان 100*9 اذا جمعتيها ذي مع بعض يطلع لنا 1220 اللي هي القيمه..بعدين

نروح للرصيد ننقص كمية الرصيد من كمية المبيعات يطلع لنا كمية الرصيد 260 وفي السعر يطلع لنا

260 *9 كيف جات ذي من العمليه اللي قبل كان بين الاقواس تحت بعض 40*8 و360*9

طيب ال 40*8 استخدمناها كلها في المبيعات وال360*9 اخذنا منها 100 يعني راح تصير 360-

100=260 صارت 260 *9 والقيمه+2340..

في اللي بعدها مشتريات بتاريخ 19/1 طبعاا اول شي ننزلها في خانة المشتريات ونروح للرصيد نجمع

260 اللي قبل مع 120=380 والسعر نحط العمليات اللي قبل بين الاقواس اللي قبل هي 260*9

وكمان تحتها العمليه الجديده 120*9,6 ونطلع القيمه=3492.



اللي بعدها مبيعات بتاريخ 21/1 المبيعات بقيمة 320 قلنا نبدأ من اول قيمه طلعت لنا بين الاقواس

القيمه الاولى 260*9 والمبيعات 320 يعني راح ناخذ 260*9 يبقا لنا من ال320 60 ال60 ذي

ناخذها من القيمه اللي تحت ناخذها من 120*9,6 تصير 60 *9,6 ونطلع القيمه=2916

وبعدين لما نروح للرصيد ننقص الكميه في الرصيد من كمية المبيعات 380-320=60 وفي السعر

نشوف العمليات اللي قبل ال 260*9 راحت لاننا اخذناها في المبيعات والثانيه كانت 120*9,6 ال

120 ذي اخذنا منها 60 في المبيعات باقي لنا 60 راح ننزلها في السعر 60*9 ونطلع القيمه =

576
وعلى نفس الطريقه تكملي المثال..

ماادري حسيت الشرح ملخبط شوي شرحت على السريع بس ودي اوصل لك المعلومه ان شاء الله تكوني فهمتي..