خلاصة تجااربكم مع سنتنا التحضرية^_^

[سحر الوجدان]

المشاركة الأصلية كتبت بواسطة m-science الكيمياء .. ماده تقريبا أغلب معلوماتها درسناها في الثانويه أذا مو كل المعلومات بس يمكن في أشياء زياده + اللغه والمصطلحات الكتاب خطه ينرفز ما ادري ليه صغير >قاهرني ، بس والله المذاكره أول بأول بالأضافه للتوكل على الله تجيب نتيجه رائعه .. بالنسبه للسكشن أنا ما كنت أحله ودرجاتي في الدوريات كانت ممتازه جدا بس اول سكشن اللي حليته مع الحماس واول الترم وبعدين مافضيت .. عالعموم احس السكشن ماله داعي بس اللي تحله ممكن تستفيد من ناحيه التمرين على الحل والتفكير .. نصيحه نامو كويس قبل أختباره لأنه يبغاله روقان على الورقه .. الأحياء .. من وجه نظري اللي تبغى تآخذه بمتعه راح تلاقي انه رائع واللي حتقول كثير وماراح نقدر نستوعب الكميه هاذي كلها هاذي راح تعاني .. بس أنا من تجربتي الأحياء أول شابتر طبعا ماكان فيه بنك اسئله ولا غيره قالو ذاكروا من السلايدات والكتاتب وأسئله الكتاب ركزوا عليها وحطوا تحتين تحت ركزوا عليها ،اللي صار انه انا ذاكرت السلايدات اللي هيا اصلا اغلبها هرج ومقدمات خاصه الثلاث الشباتر الأولى وذاكرت اسئله الكتاب زي اسمي بس اسئله واجابه حتى بدون ما أترجم بس بالشبه الأختبار كان يوم الخميس وانا ختمت بالضبط الساعه 10 طبعا تختيمه مع مراجعه كل شابتر لوحده آخر شي مسكت ورقه بيضا حطيت فيها كل المعلومات اللي فهمتها من الثلاث شباتر وبس قفلت وبعدين وانا في السياره راجعت بس هاذي الورقه وربي ماتصدقوا اذا قلت انه الختبار جا منها تقريبا والحمد لله .. بالنسبه للدوري الثاني طبعا الكتور قال نزلت بنك اسئله وماراح تطلع الأسئله عنه ، انا من يوم ماقال كذا وقبل ماتبدا الأختبارات بأسبوع مسكت بنك الأسئله وبذأت أذاكره والحمد لله نتيجه ولا أروع طبعا الفاينل حدث ولا حرج اولا احساس بالقهر لأنك راح تضطر تذاكر بنك الأسئله وتفوت كل المعلومات الحلوه اللي ممكن تآخذها لو ذاكرت الكتاب بس لامجال للضمير في جامعتنا ، بدأت أذاكر من قبله طبعا ذاكرت الشباتر الأخيره اكثر شي اللي قالوا 75% منها والباقي قرآئه وبقالي تقريبا 4 شباتر ما فتحتهم بس الأختبار فعلا كان كله من جزئيه اللي قال عليها الدكتور حيجي منها 75% وسؤالين بس تقريبا من بقيه الشباتر الأولى اللي قد اختبرنا فيها . نصيحه : في الأحياء اسمعوا كلام الدكتور ترا كل اللي يقوله يسويه تماما ولا تخافوا الأحصاء : قالوا ماده صعبه ، ومن حسن الحظ اني قابلت وحده اعرفها قالتلي انها تعيده للمره الثالثه تخيلوا بس حجم الأحباط بس مااستسلمت وقلت الناس قدرات وانا راح اتحدى نفسي ، وفعلا مذاكره اول بأول وجديه في حل السكشن وأي شي يصعب عليك اسألي الأستاذه ، وكتاب جيد في اسلوبه يخلي اي احد يقدر يفهم نفسه بنفسه والله الكتاب جدا مميز الأختبار الول كان حلو بس شويه لخبطه عشان يعني لسا مو متعودين على مصطلحات ولعب ولف ودوران بس الحمد لله ماشي حاله الثاني طبعا جزئيه الأحتمالات : قالت لنا الدكتوره الله يسامحها بس انه مافي احد يجيب في الأحتمالات اعلى من الجزئيه الأولى : يعني بالعربي فحطوا ولا تلاقوا نتيجه ، بس برضو يستمر مسلسل التحدي وأقول انا الوحيده اللي اقدر وحوريهم ذاكرت الأحتمالات واللي هوا شابتر 4 ذاكرته مرتين او ثلاث تقريبا وحسيت انه مو ذاك الشي الصعب اللي الكل يمشي ويقول شابتر 4 و4 والله يستر منه ، الحمد لله دخلت الأختبار وكانت نتيجه غير مرضيه تماما بالنسبه لي ، لكن عملوا لنا اعاده وكان افضل بكثير من ناحيه صعوبه الأسئله ومراعاه مناسبتها للوقت بأختصار المذاكره كم مره مفيده بالأضافه انه تخلي خيالك واسع وتفكري باللفات اللي ممكن يجيبوها بس والله انه مو قد ما يقولوا عنها .. بالتوفيق ولي عوده للأنطباعات

اريجااااااااااتوه غوزايمس
ماااا تدري قد ايش حمستينى
وخليتينى اشوف في نفسي امل
وكلاامك ريحنى كثيرر
اريجااااااتوه غوزااااايمس
لا عدمناااك
^_^