استبيان عن المتغيرات التي تؤثر على الطالب داخل الفصل (باللغة الإنجليزية). فزعتكم

[مستنسب]

ربي يعطيك العافية اخوي ويوفقك .. وبالفعل هذا الاستبيان في محله خصوصا بعد البرابيس في موقع الجامعة في هالوقت الحرج من السنة

كنا حلوين وماشي حالنا ليش التغييرات الي مالها داعي ؟!

يعني خلصت التطورات مالقو إلا الموقع يغيرون ويبدلون فيه بهالوقت ؟!

مدير هم موظفين قسم التقنية في الجامعة يبون يشخصون عند مدير الجامعة ويسوو أنفسهم شغالين ومو نايمين .. بس كله على حسابنا الشكوى إلى الله

آسف أحس اني طلعت عن الموضوع لكن أكبر تغيير شدني وآذاني هو التغيير المسمى (تطوير) في موقع الجامعة وخصوصا موقع الخدمات الالكترونية

والله ويعلم الله اني دخلت اكثر من مرة احاول أضيف مواد إلى الآن ماني عارف كيف وأشعر بإحباط من شفت التغيير الي ماله داعي في الموقع ..!!

يكفي اني بعد سداد الرسوم جلست اسبوع وأكثر أشيك في الموقع القديم ألى عند جدولي (طالب غير مسدد) ..

أدري انها فترة وتعدي بعدين نتعود على الموقع وكل شي تمام ... بس والله مب وقته الفلسفة هالحزة ...


أعتذر للإطالة لكن من حر ما شفت من هالجامعة حسبي الله ونعم الوكيل

بارك الله فيك اخوي

وياليت أحد يترجم الاستبانة أو إعداد استبانة عن التعديلات بالموقع ... والنتايج .. كأني ألمح شبه اتفاق على سخف الخطوة

ولله المشتكى ..

شكرا لك أخي يوسف
ربي يوفقك
وش نقول بس؟؟ ما أقول غير حسبي الله ونعم الوكيل