علاقتنا مع الآخرين مبنية على ماذا ؟

[‘مـُـٍـُـٍرقآآآآب‘]

اهلا بالاخ العزيز دارس ..موضوع جميل واشكر لك رفعه ..


علاقاتنا مع الاخرين مااعتقد راح يحكمها نمط معين لوحده ..بحيث ان زيد مبالغ فالمثالية وعبيد (اخربها)..

حيث ان زيد يبي عند مايحتاج الوقفة عند الضيق يمر عليه الي سماهم الاخرين وهم يشملون الاطياف كلها من اهل واخوان واصدقاء وغيرهم .. انهم بس يمرون عليه وكلن يدفه بابتسامة وانتهى وضعه ..!!والله ان يجيب اخرتهم لاشافهم اجل ابتسامة بس

وهذا بعد يعكس كلام زيد ..لان الاخلاق النبيلة والتعامل الحسن يؤدي للمنافع المتبادلة ..منها ابتسامة منها تحفيز ..منها توجيه ...منها وقفة ..او خدمة او اي امر ... وهذي كلها مااتت الا من دافع المحبة والاخوة ..

وعبيد اخربها وجاب المطمة ..انه مايهمه في الاخرين الا قضاء المصالح فقط ..يعني على مايقال بايعهم لاانتهى وضعه ..! الله لايكثر عبيد وربعه

والمشكلة اللي وقع فيها زيد وعبيد التعميم بهذا الشكل ..بحيث مثل مانقول ..ماكل شخص ترجي منه خير ..! فيكفيك منه تعامله معاك وكافيك خيره وشره ثم تستمر كعلاقة سطحية فقط
..
اما من ناحية الاخوان والاهل الاصدقاء بالمفهوم الحقيقي للصداقة .اللي ماجمع بينكم هذا المسمى الا بعد وجود التعامل الحسن والاخلاق النبيلة اللي اوصلتكم الى قضاء حوائج بعض والوقفات فالضيقات وعسر الامور اللي تمر بالانسان وهذا شي طبيعي ..

فالانسان يحتاج عزوة ..تعينه بعد الله في امور دنياه من جميع النواحي .. سواء مادية او معنوية ..

ويحتاج بعد للمعارف بحيث انه يجتمع معهم على الطيب والوفا ومن بوادر الوفا والطيب مساعدة بعض ..وهذي تسمى مصالح ومنافع متبادلة لكن اهم شي ان العلاقة مايحكمها ابدا هذا الشي ابدا ..

بمعنى ثاني عادي اطلب من واحد طلب معين في امر بسيط من امور الدنيا مثلا زميل دراسة ..وتبدا معرفتنا بهذا الشكل ويبقى يسود عليها الاحترام والمحبة في كل وقت ماهو بمجرد الاحتياج ..

لكن الخباثة اللي تبنى العلاقة على مصلحة اللي هي ان فيه ناس تخطط للتقرب من فلان عشان عنده وعنده وعنده ..!! نقول هنا الخبث والدناءة .. وهذي اللي مستحيل احد يرضاها على نفسه ..

والانسان الطيب اللي يهمه ماء وجهه مايرضى على نفسه يتقرب من انسان ماعنده لااخلاقيات ولا غيره عشان تقضى له حاجة ..!! فهذا ذل ومهونة

ولايرضى بعد ان يكون محور حياته فالعلاقات مع الناس ان تحكمها المصالح ..!

وهذا الموضوع ممكن نتشعب فيه كثير لان الاخرين هم الاهل والاخوان والاقارب والاصدقاء والمعارف وغيره ..بحيث مايحكمهم تعامل معين ..لكن ان يكون اللي يحكم اي علاقة كانت المصالح والمصالح فقط هذي ماهي اخلاقيات ابدا ..


اتمنى اكون وصلت فكرتي اخوي دارس ...

شاكرلك ..