الهندسه الطبيه الحيويه ( bio-medical engineering)

[yaman]

السلام عليكم ورحمه الله وبركاته ..

امم ما اعرف مقدمات وكدا ببدا بالموضوع ع طوول ..

حاابه استفسر عن تخصص ( bio-medical engineering) هل تتوقعو راح يفتحو له قسم بالجامعه وللبناااات

لانو قريت عن التخصص دا كتير وعجبتني مواده وحسيت ممكن ابدع فيه بس طبعا راح ادرسوو برا بس اخاف ما القا وظيفه تنااسب

مع العلم انو سنه 2011 فتحو التخصص دا في في جامعه الدمام,,
ابغا مشورتكم عليا هل تنصحوني اترك تخصصي الحالي محاسبه واسافر برا واعمل دي المخاطره ..

انتظر ردودكم ...

[yaman]

وينكم ي مهندسين $:

!

[هم وانطوى]

اذا انتي راغبه في التخصص وتحبي تدرسيه وحاسه انك تبدعي فتوكلي على الله

[vip man]

ان شاء الله يفيدونك الشباب

مع اني سمعت ان ما فيه وظائف لهذا التخصص

[Baf]

اخذت كورس في القسم هذا اسمو : Introduction to Bio Medical Engineering
كمادة حرة بعد موافقة قسمي : قسم الهندسة الصناعية ..
صراحة ما عجبني الكورس .. ولا القسم ..
والكورس يتكلم .. عن دور المهندس في تصميم الآلات الطبية الحديثة وكيفية تطويرها ومن ضمن الكورس كان فيه معمل عن كيفية استخدام بعض الاجهزة الكهربائية الطبية ..

صراحة كورس يدوخ ..

[Baf]

المعمل كان شيء قاااااتل وممل ومطفش .. ما صدقت اني خلصت الكورس عشان افتك من المعمل ( ومدرس المعمل)

[Bo0odiX_3.6]

انا طالب في البيو ميديكال دحين !!

انتي استفسارك انو حيفتحو دا التخصص للبنات ولا لا .. الين دحين ما ندري
لو حيفتحو هندسة للبنات اكيد حيكون دا من التخصصات !!


ولو بتسالي عن التخصص .. التخصص مرررة جيد

بس يبغالو شدة حيل .. لانو احنا ناخد مواد من الكهربا .. ومواد طبية !!
فيها صعوبة !!

ومن المزايا .. انو دا التخصص نادر .. ووظايفو حلوة في المستشفيات .. او الشركات المستوردة للاجهزة الطبية .. او الاعضاء الصناعية


يعني بالعربي كدا .. لو فكو دا التخصص خوشي

[الباش مهندس faisal]

في جامعتنا دا التخصص تابع للهندسة الكهربائية وكما هو معروف الهندسة الكهربائية من اصعب اقسام الهندسة وانا كنت فيها وشردت ولله الحمد ودخلت هندسة صناعيه فالشخص على حسب ميولة اذا كان ميولك في دا القسم فاتوكلي على الله وادخلية لكن في جامعتنا الى الان مافي اخبار مؤكدة عن فتح قسم هندسة للبنات لكن سمعت انوا راح يفتحوا وبالتوفيق يااارب.