ادري موضوعي في وادي والمنتدى في وادي ثاني بس نخيتكم ساعدوني

[ام اوس]

السلام عليكم

ماراح اطول نخيتكم ساعدوني اعطوني حل في مشكلتي هذي

انا كنت طالبه في كلية التربيه قسم انجليزي ولمن وصلت ثالث استنفذت

انا متأكده مليار فالميه اني ناجحه في ماده وتظلمت ورمو تظلمي وجحدوني
حسبي الله عليهم وقالو راح وقت التظلم خلااااااااااااص

ااااااااه قلبي محروق مابقيلي الا هالسنتين وارتاح وللمعلوميه

انا والله لمن كنت بأولى حملت مادتين ولمن جيت امتحنها في الصيف لقيت اسمي ناجحه بعد ايش
بعد ما اخذت مدرسات وتقطع جيب ابوي الله يحفظه فوق ال17 الف راحو

شسوي قوليلي بمووووت حسره في حل؟؟
في واسطه؟؟
دلوني ارجوكم

[ام اوس]

[حلم الطفوله]

والله مااعرف ايش اقول لك
ادعي ربك وصلي وادعي ربي ينصرك

واكثري من الاستغفار

[(قاهر)-(الاميره)]

والله انا مفهمت موضوعك هل انتي راسبه بالماده ولا محرومه ولامطرود ولاوش السالفه وش الي استنفذتيه بدون نظرية الخروف الي اكل الاسد ولو احد عنده واسطه ماشفتيه يرز وجهه في هالمنتدى واسطته بيجيبله الاخبار والادوس حقه بالتلفون عموما لك علينا الدعاء اختي وعلى فكره حنا لساتنا نونو لسى سنون ماطلعت لنا وانتي راكضه يم ثالث ماشاء الله عليك حنا متوهقين في نتايجنا

[(قاهر)-(الاميره)]

من شفت النخوه فزيت من سريري على بالي مضاربه رجال تبينا نذبحه بنت مضايقتك تبينا نشيل راسها ونركب غطاكوكا كولا بداله على فكره مفهوم النخوه عندك خطا

[ام اوس]

المشاركة الأصلية كتبت بواسطة حلم الطفوله والله مااعرف ايش اقول لك ادعي ربك وصلي وادعي ربي ينصرك واكثري من الاستغفار

جزاك الله خير اختي على التذكير بس قلبي محروق

[ارق احساس]

والله انا مثلك
كنت انجليزي في جده بالتربيه
وعدت سنه اولى بس مانجحت وانفصلت
والحين انا كملت دراستي بالجامعه بعد سنتين قعده في البيت وبعد ماختمو عالشهاده
يعني اقعد منتسبه لا يحق لي بالانتظام الله لا يسامحهم لانهم بجد ظلموني
يعني حاولي تكملين
الله لا يوفقهم مدري كيف يجيهم قلب يفصلونك وانتي ثالث انتي المفروض يكونون لك لجنه يعني تعرض حالتك لمجلس الكليه
عشان انتي حاله خاصه يعني ثالث ورابع مايستنفذون بهذي السهوله
اعرف واحده فصلوها وهي ثاني وقعدت سنتين تداوم في الكليه رايحه جايه
ماسحبت ملفها
وقدمت شكاوي لامراء والله انها كافحت بس سنتييييييين
والحين رجعت تدرس في الكليه
الله يجبر بخاطرك ويعوضك خيييييييير

[الحربية999]

هو الحال كذا يأاختي الله معاك ومع الكل لوبيدنا شي أفدناكي

اما انت ياقاهر صراحة ههههههههه مرررة فااااايق...هذا كله من الأوديوس

[ام اوس]

المشاركة الأصلية كتبت بواسطة (قاهر)-(الاميره) من شفت النخوه فزيت من سريري على بالي مضاربه رجال تبينا نذبحه بنت مضايقتك تبينا نشيل راسها ونركب غطاكوكا كولا بداله على فكره مفهوم النخوه عندك خطا

لاااااا اله الا الله خخخخخخخ

وبعدين وش شايفني اسناني اطول مني

بعدين كلها سنه بيني وبينكم
اصلا دخلت المدرسه بدري <<< ترقيعات الحريم خخخخ

واذا الشغله فيها ذبح فالله لايهينك عندك العميده حقتي وبعطيك ريال الكوكاكولا

[حلم الطفوله]

طيب ماتقدري تحولي الجامعه
واذا صعب من حيث الماديه حولي كلية المتوسطه
لكن لا تقعدي في البيت تموتين ترى << مجربه سنه قعدت البيت وملييت