اللي ذهبو للمؤتمر اليوم؟

[بنوته لزوزة]

الكليات الصحيّة ماحددولها نسب و لا معدلات

قالولنا كلو يعتمد على الدفعة و اقبال البنات على التخصصات هادي ..

أهم حاجة المواد العلمية b+ و قالوا طبعا الأفضلية للي جايبين a ..

غير كدا قالو ابذلو كل جهدكم لأنو تقريبا الكل يبغى طب و من بين ألف طالبة رغبتها الأولى طب , الي حينقبلو 120 طالبة على حسب الموزونة العالية :)

و نقطة مهمة برضو إنو الي حاملين مواد مستحيل يتسكنو في كليات صحية ..

و في بنات سألو عن الـ f وقالت حاولو أبداً ماتجيبوها لأنها بتأثر في المعدل بشكل كبير !

قالولنا تقريبا المعدلات في الاقتصاد و الادراة طالبين 4 مو 4.50 تختلف حسب التخصصات الي جوا الكلية نفسها ..

و برضو أول مابدأو يتكلمو عن الكليات قالو لحد يسأل عن الهندسة لأنو كلام جرايد وما وصلهم أي خبر !

آممم كمان اتكلمو عن آلية التحويل و إنو ممكن تحولي بعد فصل دراسي كامل بشرط يكون معدلك فوق الـ3 , لكن برضو على حسب الطاقة الاستيعابية للكلية الي تبغيها ممكن يكونو طالبين 4 أو 4,50 ..

مش ممكن البرنامج دا كلو و مايكون مفيد , غالباً بيكون ممل بالنسبة لينا عشان ماشاءالله كلنا قرأنا من قبل عن كل الي نبغاه و سألنا , بس بصراحة الجامعة تعبو على برنامج اليوم و جزاهم الله خير , حتى الاختبار الي عملولنا هوا كان روعة