نزول درجة الكفايات

[غـنـى]

المشاركة الأصلية كتبت بواسطة عماد الحسن الاختبار العام الماضي أخذت فيه 81 رغم أني توقعت أكثر لكن هذه المرة دخلت الاختبار للتجربة وأخذت 63 وهي درجة غير مناسبة الاختبار كان صعب جداً وغير معقول ، وظروف القاعة لا تساعد على الإجابة ابداً .الله يعين طلاب العلوم وطالبات الاقتصاد المنزلي وبقية التخصصات

ما شاء الله اذا انت تقول كده اجل احنا اش نقول

انا قابلت وحده من دكتوراتي بالاختبار وكانت دارسة في بريطانيا دورة انجلش مكثفة لمده سنة وخرجت من الاختبار تقول صعب جدا .. اجل احنا الي اول مرا نختبر اش حنعمل اذا الناس الي مستواهم فوق الممتاز بالانجلش هذي درجاتهم و ناس مستواها دكتوراه و غيرهم تخصصهم انجلش ما عدو بالاختبار احنا كيف بنعدي بالحظ مثلا .. !!

يعني فعلا ده اسمة تعجير انا اول مرا اختبر جبت 50 وصراحة مو زعلانة لان مو تقصير مني
الحمدلله عارفة مستوايا وبما ان اغلب الدرجات بده المستوى و الاغلب ما عدى هذا يدل على
شده صعوبة الاختبار و انه ما يراعي الفروق الفردية
وابدا مهو مقياس لكفاءتنا بالانجليزي .. على فكرة احنا مستوانا احسن من كده بكثير و ما لازم نتحطم و لا نيأس الفرص لسى قدمنا كلنا ان شاء الله ..

بس مدري 50 تفيدني بإيش و لا تدخلني ايش انا اختبرت بس عشان لو اني حبيت اقدم على شي اكون مجهزة حالي ولا انا الى الان ما قدمت على حاجة ..
يعني مدري الدرجة كويسة و لا ادخل اختبار شهر 7 ولا اش اعمل ؟!

عموما الله يوفق الجميع و ما ننسى انه كله بيد الله

اجعلوا قولكم ( اللهم اختر لي و لا تخيرني فأنت أخير من يختار )
وخيرة الله للعبد دااائما أفضل من اختياره لنفسه

تحياتي ..