مساعدة في اختيار الاستاذات والمواد

[red flower]

المشاركة الأصلية كتبت بواسطة أرنوسية يا بنات علوم الحاسب أنا حابة أستفسر ع مواد المستوى الخامس سهلة ولا صعبة مين أحسن أستاذة تدرسها cpcs204 تراكيب البيانات data structures cpcs212 رياضيات تطبيقية للحوسبة applid math for computing cpcs211 تصميم منطق رقمي digital logic design

204 اخذتها مع د. زينب
من افضل الدكتورات اللي شفتهم في الكليه
شرحها ممتاز .. وطريقتها حلوه
تكتب كل شي على السبوره .. وفي الاختبار تذاكري بس من محاضراتها
والاسئله ابدا ماتخرج عنها
يعني مافي حوسة كتاب

بس سمعت انها صارت تشرح على سلايدات لأنو مسكت معاها الماده ا.هيلين
مااعرف بصراحه كيف صار نظامها

بس على حسب ماشفتها وجربتها كان ممتازه وشرحها حلو
والماده لو فهمتيها كويس مره ماراح تتعبي فيها
وتذاكريها ليلة الاختبار لو حبيتي :)
لأنها فهم ثم فهم ثم فهم
يعني ركزي في المحاضره وافهمي معاها .. تمشي كويس ان شاءالله



اما بالنسبه لـ 212 انا اخذتها مع أ. نهى النهدي
من اسوأ الاستاذات اللي شفتهم في الكليه
اسلوبها اسلوب مدااااااااارس
بس خلاص مسكت الماده استاذه تانيه غيرها
احسن لكم طبعا

والماده مره سهله وحلوه .. ماتحتاج مجهود
يعني احنا كنا نشرحها لنفسنا ومشينا فيها
لأنو شرحها كان اي كلام بصراحه




اما 211 .. طبعا هذه محتكرتها أ.دلال من سنين
بس الحمدلله لما اخذتها كانت أ.دلال مآخذه تفرّغ .. واخذتها مع د.ليلى
الماده بصراحه ماحبيتها
مو عشان صعبه .. لأ صعوبتها عاديه
بس مااعرف انا ماحبيتها ومامشيت فيها كويس
ماكنت فاهمتها كويس
لكن يمكن مع أ.دلال يكون وضعكم غير ..
لأن الماده تحتاج فهم
واحنا مع د.ليلى ماكنا نفهم حرف واحد

أ.دلال ماعمري درست معاها ومااعرف اسلوبها





بالتوفيق