ممكن شرح المدى في الرياضيات ؟ [عنوان مبهم]

[M!SS Lara]

اهلا حبيبتي زي ماقالت الأخت لينا ..
الرينج الأسهل تطلعيه من الرسمة ..
والطريقة انو مثلا عندنا دي الدالة y=x+1
فإنتي تروحي تفرضي اعداد من مخك وهي بالطبع اكس ..

مثلا دحين فرضنا اعداد للأكس X=1.2.3.4
فتبدأي تعوضي بكل عدد بالداله الي فوق والناتج الي يطلع لك هو y وبكده حيكون عندك زوج مرتب (x,y)
فترسمي انتي المستوى أكس اكسس والواي اكسس وتعلمي عليها الازواج المرتبه الي طلعت لك وتشوفي الرسمه ..
واظن تعرفي كيف تطلعي المجال والمدى من الرسم لانو في درس كامل عليه ..
لما تبغي تطلعي المجال من الرسمه تطالعي في الأكس اكسس وإذا تبغي تطلعي المدى ، تطالعي في الواي اكسس ..

ملاحظة : الأفضل لما تعوضي بأعداد بالداله انو تشمل على الصفر وأعداد موجبه واعداد سالبه لتطلع لك رسمة الدالة كاملا .


وعموما في الاختبار مايجي إلا سؤال واحد ع المدى ويكون سهل وأفتكر جانا مدى بس لداله معروفه :)
بالتوفيق