تحليل كمي ...الهوم وورك

[اكسير العشق]

حأقول لكم اللي عرفت أحلو .. طبعا من فهمي يعني مو متأكدة من الحل :
سكشن 1 كلو نظري وبصراحة ما حليتو لأن ما عندي كتاب
بالنسبة لـ section 2
2- راح نقسم الطرفين على 10 ويطلع الناتج 8 فالحل الأمثل هنا 8
3- انا سويتها شي زي الجدول .. حطيت x , 10x وعوضت .. يعني مثلا لما اكس=1 .. 10اكس=10 وهذا الحل مقبول .. وكملت لما اكس= 2 و3 و4 ... 8 كلها الحل مقبول .. وطبعا 8 المثالي .. لكن لما وصلنا 9 راح تكون 10اكس=90 يعني اكبر من الامكانيات اللي عندي وفي دي الحالة انا اخليت بالشرط فيكون الحل غير مقبول
4- المتغيرات الكنترولابل : اكس لأني أقدر أتحكم فيها او هي اللي حأطلعها .. اما الأنكترولابل فهي الأرقام : 20,10,80
5- حيكون ستوكاستك << دا من الجزء النظري

بالنسبة لسكشن 3
2- المارجنال رفينيو المارجنال كوست حيكون التفاضل لكل وحدة فيهم .. يعني الرقم اللي مضروب في الإكس في حالتنا هنا .. المارجنال رفينيو 10 والمارجنال كوست 4
3- البروفيت مني متأكدة منو بس كأنها قالت انو توتل رفينيو نطرح منو توتل كوست .. يعني لو طرحنا المعادلتين حيكون كدا : (حاستخدم س بدل x )
الايرادات = 10س
التكلفة = 4س+6000
طيب .. في هالحالة يكون الربح = الإيرادات – التكلفة
=10س - (4س+6000)
=10س -4س-6000
=6س-6000
4- انا سويته جدول لكل معادلة .. طلعت قيم اكس ورسمت بشكل تقريبي .. طبعا ما عرفت ارسم لأن الأرقام خيالية
طلعت القيمة لنقطة تقاطع الخطين باني ساويت المعادلتين وقيمة اكس هي نقطة التقاطع (القيمة المطلوبة) طلعت عندي اكس = 1000

أتمنى تكونوا استفدتوا منو شي ..
لكن أحب أأكد انو هادا حلي أنا .. يعني مجهود شخصي يمكن يطلع كلو غلط فقبل ما تاخدوه تأكدوا من صحتو وقولوا لي لو كان عندي أخطاء عشان الكل يستفيد

أما سكشن 4 ما أعرف فيه ولا شي
والله يوفقكم ^_^