مواد سهله

[989898]

انا اخذت الشباب والمواطنه واخذت الثقافه في المستوى الثالث
ابغى غيرها
جزاكم الله خير ورفع قدركم

[*ام حمودي*]

ع.م
شوفي هذا الرابط فيه اسئله واجوبه عن التخصص ان شاء الله يفيدك
http://www.skaau.com/vb/showthread.php?t=74471
وبالنسبه للاساتذه والدكاتره والله ما افتيك فيهم بحكم ان دراستي انتساب وكمان ثاني ترم ليا بالتخصص يعني ممكن بنات الانتظام وتحديدا اصحاب المستويات المتقدمه يفيدوكي اكثر مني لانهم ع تواصل دائم فيهم ولاني انا بستفيد من خبراتهم الله يسعدهم..
ومن ناحية كيف انك تطوري لغتك الاعتماد الاول والاخر بعد الله ع قوة رغبتك وعزيمتك ع التطور لان لو ما عندك رغبه ما حتتطوري تاني شي انو ما تتركي ولا مصطلح جديد يمر عليكي الا وتحفظي معناه وماتخلي يوم يمر عليكي بدون ما تتعلمي شي جديد
كمان انك تحااولي قد ما تقدري انو تعبري سواء بالمحادثات او بالكتابه(كتابة البراقرافات) حتى لو كانت لغتك ركيكه وكلامك مو مفهوم حاااولي بالبدايه بتحسي بصعوبه وبعدين راح تحسي انك تحسنتي شوفي افلام اجنبيه او برامج والمواقع اللي فيها تعليم للقواعد عشان تعرفي كيف نطق الكلمات السليم وتعودي اذنك ع السماع والفهم استغلي فرصة روحتك لمطعم ،مستشفى،فندق،سوق اي مكان يكون فيه اجانب اتفاهمي معاهم بالانقلش زي ما قلتلك مره ع مره تزيد ثقتك بنفسك وتحسي بطلاقه مع كثرة التمرن والله يوفقك اختي اي سؤال ثاني انا بالخدمه..دعواتك

[*ام حمودي*]

المشاركة الأصلية كتبت بواسطة 989898 انا اخذت الشباب والمواطنه واخذت الثقافه في المستوى الثالث ابغى غيرها جزاكم الله خير ورفع قدركم

حبيبتي الثقافه الاسلاميه مو ماده وحده وبس هي مستويات اللي اخذتيه في المستوى الثالث هذا المستوى الثاني من الماده ورمزه Isls201 اللي اقولك خذيه هذا الترم المستوى الثالث من الماده ورمزه Isls301 وعندك مادة مقدمه في العلوم الطبيعيه تعتبر مراجعه للمواد العلميه اللي اخذناها في المتوسط واولى ثانوي لو كنتي ادبي ومو كل الكتاب معانا فيه اشياء محذوفه وكمان فيه سلايدات تحمليها تعتبر تلخيص للكتاب وموفقه قلبو..