..{ تجمع بنات الاحصاء اعمال 271 لعام 1433...

[دومينيك]

بالنسبة للسؤال الاول:
الفقره الاولى
تفتحي الاكسل وتكتبي عامود جديد مثلا A وتكتبي تحتوx وتحت ال x تكتبي قيم number of hours الي معطيكي هيا
الخطوه الي بعدها تكوني عامود جديد برضو جنب الاول مثلا B وتكتبي تحتو F وتكتبي تحت ال F التكرارات الي معطيكي هيا Frequency وولما تخلصي منهم يكون عندك كل رقم وقدامو التكرار حقو زي الجدول الي اعطاكي ياه

الخطوه الي بعدها تروحي عند اول مربع تحت اخر تكرار انتي كتبتيه في عامود B وتكتبي فيه =sum (وتحدددي عامود التكرار كامل ) وبعدين انتر راح يطلعلك التوتال حق التكرار ولاتنسو تحطو الاقواس


الخطوه الي بعدهاحنسوي عامود ثالث جنبهم وحيكون مثلا C تكتبي تحتو( p(x
حنستخدم في دي الفقره قانون ال probability الي هو p(x= ال f ÷ سيجما ال f
نرجع لعامودنا الجديد c ونبدا نطبق القاعده بحيث نكتب في اول مربع =واضغط على اول مربع في ال f واحط علامة القسمه بعدين اضغط على المربع الي فيه التوتال حق التكرار الي هو f تضغطي انتر وراح تتطبق عندك
وتكرري العمليه على باقي التكرارات وحده ورا الثانيه وانتبهو لا تسحبو المربع على تحت عشان البرنامج يطبق القاعده لان النواتج حتتطلع غلط
طبعا بعد دي الخطوات حيكون عندك 3 اعمده وبكذا تقدري تحلي اول فقره في السؤال الاول وحتكون b



يتبع

[دومينيك]

الفقره الثانيه حيكون حلها فقره A
الفقره الثالثه طالب ال mean حنروح نعمل عامود رابع وحيكون مثلا D ونكتب تحتو ( x p(x طبعا في دا العمود راح نستخدم قانون ال mean الي هو سيجما x ضربp(x
نرجع لعامودنا ال D ونكتب في اول مربع = واحدد اول مربع في ال x الي هو عامود A وبعدين احط علامة الضرب الي هيا كذا * واحدد بعدها اول مربع في ال P(x) الي هو عامود c واضغطي انتر راح يطلعلك الناتج بس طبعا هذا الناتج مو هو ال mean لانو لو ركزتي في القانون حتلاقي مكتوب سيجما فحنكمل الجدول
تقدري بعد اول عمليه سويتيها تسحبي المربع على تحت وهو حيكمل القاعده بعد مانطلع كل النتايج يبقا نطلع التوتال حق ال mean فحنكتب تحت عامود D =sum ( ونحدد العامود كامل ) ونضغط انتر فحيسير عندنا ال mean ويطلع الجواب لفقره 3 هو b


طبعا صبايا ياريت تتاكدو بنفسكم دا الحل عملناه في السكشن

يتبع

[دومينيك]

الفقره الرابعه طالب ال variance حنستخدم هنا القانون دا سيجما x^2 ضرب p(x) ناقص M تربيع طبعا ال m هنا معاناها ال mean الي قد طلعناه في الفقره الي قبلها
لما نجي نحلل القانون حنقدر نفكو ويسير بالطريقه دي x ضرب x ضرب p(x) ناقص m تربيع
طبعا انا عندي عامود قد سويتو من اول فيه ال x الي هو عامود A وعندنا x p(x) الي هو عامود D
فحنسوي عامود جديد وحيكون مثلا E ونكتب تحتx^2 p(x ونكتب تحتهم =ونضغط على اول مربع في ال x وبعدين ضرب الي علامتو كذا * واضغط عى اول مربع في x p (x)jواضغط انتر واسحب المربع على تحت عشان يكملي نتايج باقي الجدول بنفس الطريقه
بعدين في اخر العامود راح نكتب = sum ( واحدد العامود كامل ) واضغط انتر راح يطلعلي التوتال
طبعا كذا القانون ناقص
حنكمل
راح نضعط على خانه جديده باي مكان في الاكسل مو مهم وين واكتب =واضغط على التوتال حق عامود E ناقص وافتح قوس واحط ال mean الي طلعتو من قبل واقفل القوس واحطو اس 2 وحيطلع الناتج
حيكون فقره c


الفقره الخامسه انا سويت الطريقه بس الناتج ماطلع من الاختيارات
اول شي اضغط على اي خانه فاضيه مو مهم مكانها واضغط = واكتب SQRT واضغط على ال variance الي هو الناتج الاخير لو مو كل عامود ال variance
واضغطي انتر



باقي اخر فقره رقم 6
طبعا احنا من اول قاعدين نسوي اعمده
اتكون معانا جدول
نروح عند عامود ال x ونشوف عند رقم 5 ونروح عند عامود ال probability ونشوف كم القيمه
انا طلعلي الجواب فقره A

السؤال الثاني الصبايا حلوه ماقصروا
والثالث انا ماعرفتلو
الرابع كمان حلوه
الخامس فقره B
السادس C
السابع A
الثامن D
التاسع D
العاشر D
الحادي عشر < D
الثاني عشر A
الثالث عشر A
الرابع عشر D
الخامس عشر ماعرفتلو

اتمنى تكونو فهمتو من شرحي وإن شاء الله ربي يوفقنا كلنا راح احط صورة الجدول بعد ماحلينا كل الفقرات عشان تتوضح عندكم الصوره

دعواتكم

[Nusa]

المشاركة الأصلية كتبت بواسطة دومينيك بالنسبة للسؤال الاول: الفقره الاولى تفتحي الاكسل وتكتبي عامود جديد مثلا a وتكتبي تحتوx وتحت ال x تكتبي قيم number of hours الي معطيكي هيا الخطوه الي بعدها تكوني عامود جديد برضو جنب الاول مثلا b وتكتبي تحتو f وتكتبي تحت ال f التكرارات الي معطيكي هيا frequency وولما تخلصي منهم يكون عندك كل رقم وقدامو التكرار حقو زي الجدول الي اعطاكي ياه الخطوه الي بعدها تروحي عند اول مربع تحت اخر تكرار انتي كتبتيه في عامود b وتكتبي فيه =sum (وتحدددي عامود التكرار كامل ) وبعدين انتر راح يطلعلك التوتال حق التكرار ولاتنسو تحطو الاقواس الخطوه الي بعدهاحنسوي عامود ثالث جنبهم وحيكون مثلا c تكتبي تحتو( p(x حنستخدم في دي الفقره قانون ال probability الي هو p(x= ال f ÷ سيجما ال f نرجع لعامودنا الجديد c ونبدا نطبق القاعده بحيث نكتب في اول مربع =واضغط على اول مربع في ال f واحط علامة القسمه بعدين اضغط على المربع الي فيه التوتال حق التكرار الي هو f تضغطي انتر وراح تتطبق عندك وتكرري العمليه على باقي التكرارات وحده ورا الثانيه وانتبهو لا تسحبو المربع على تحت عشان البرنامج يطبق القاعده لان النواتج حتتطلع غلط طبعا بعد دي الخطوات حيكون عندك 3 اعمده وبكذا تقدري تحلي اول فقره في السؤال الاول وحتكون b يتبع

بسالكم كيف نحط علامه القسمه ؟؟؟
حاولت بكذا طريقه مو راضي
الضرب *
طيب القسمه ايش ؟؟؟

[missjoje]

المشاركة الأصلية كتبت بواسطة nusa بسالكم كيف نحط علامه القسمه ؟؟؟ حاولت بكذا طريقه مو راضي الضرب * طيب القسمه ايش ؟؟؟

القسمة هيا اول شيء تحولي الكيبورد حقك انجليزي
وبعدين
تضغطي حرف ال ظ
يطلعلك شكلها زي الشرطة اللي تحت
/