نقل اخبار الدورة التأهيلية للمستويات 3-4-5-6 (طالبات انتساب سنترا)الفصل الثاني 2012

[الملاك الأبيض]

مناهج البحث ميس نجوى

كملنا تشابتر 3 وقالت ذاكروه من السلايدات بس راجعو الكتاب للفقرات الموجودة في السلايدات في حال كانت هناك اي معلومات ناقصة . واخذنا تشابتر 4 وكان يتكلم عن تحرير ورقة البحث وكيف نعمل الخط والهوامش والاسطر والتاريخ وغيره . ورتنا ملف عندها على الوورد وكيف نعمل التنسيقات والاعدادات الصحيحة للورقة حتى تصير بالشكل المرغوب , طبعا لازم الكتابة تكون بخط رومان حجم 12 , وكمان التاريخ والاسم ومعلومات اخرى , ارجو الرجوع لتسجيل المحاضرة ولسلايداتها على موقعها الخاص نظرا لاني لن استطيع حصر كل المعلومات هنا ,,

شيء اخر بالنسبة للبحث , للي يسألو عن الخطوة الرابعة :

هي عبارة عن دعم الموضوع بالمصادر >>هذه المصادر ممكن تكون من الكتب او مقالاات على النت او تحليل من النت او غيره , هذي المقالاات والكتب مو شرط تكون عن الكتاب نفسه ولكن عن الثيم , مثلا اذا وحدة فكرت تكتب عن ثيم الحب والزواج في قصة جين اير , فلما تيجي تبحث في النت او في المكتبة تكتب ثيم الحب والزواج في جين اير وراح تطلع لك مقالاات وكتب عن هذا الموضوع ونقد الكتاب فيه وانتي تقدري تستفيدي منها , او ممكن تستفيدي من دراسة ثيم معين في بحثك من خلال احدى الشخصيات وهنا راح تستعيني ببعض التحليل لشخصيات معينة من مواقع او كتب مختلفة .

في الليتريتشر ريفيو المطلوب من الطالبة انو تكتب بارغرافات على شكل ايساي وكلها تدور حول الثيم المطروح في المقدمة يعني حاولو تركزو على الموضوع المطروح , وتقدر الطالبة تكتب رأيها وكلامها وبعدين تجيب اقتباس او سومري لكلام كاتب او ناقد معين من اي كتاب او مقال يتكلم عن نفس الموضوع وتحطه حتى يدعم كلامها , واهم شي لازم تركزو عليه هو توثيق المصدر بشكل جيد عشان مايطلع عندكم سرقة ادبية لأنو بتنكشفو مهما حاولتو فاتحرو الدقة ,,,

تستمرو بكتابة البارغرافات في كل بارغراف فكرة معينة , مثلا زي ماقلنا الحب والزواج في قصة جين اير مثلا انتي بتتكلمي عن هذا الثيم من خلال شخصية جين تروحي تكتبي رايك في شخصيتها وبعدين اقتباس من تحليل الشخصية . مثلا بتتكلمي عن الاشياء الي كانت تمنعها من الزواج بادوارد >>اسمه ادوارد على تذكري :) ,,
وتجيبي وجهة نظر المجتمع . وممكن تكتبي بارغراف عن وجهة النظر الدينية , وبارغراف عن وجهة النظر الاجتماعية , وبارغاراف عن الشخصية ,,, وهكذا ولكن المهم ان تكون كل هذي البارغرافات تصب في صالح الثيم الي بتتكلمو عنه ...

وهذي هي الخطوة باختصار ياعزيزاتي اتمنى اكون وفقت في شرحها بطريقتي المتواضعة , وياليت تتطلعو على موضوع البروبوزال للاخت ليتل ستار وان شاء الله بيفيدكم