ادخل او اقراء الموضوع [ رأيك يهمني ]

[آهات إنسان]

السلام عليكم

كيفكم جميعاً بدون استثناء

أنا من سكان الرياض و مسجل في الجامعة انتساب .
هذا اول ترم لي في قسم الادارة العامة ولا اعرف شيء :(

سددت الجامعة و نزل جدولي هذا ..

1_ مبادئ الحاسب
2_ مبادئ القانون
3_ الثقافة الاسلامية ( 2 )
4_ مبادئ الادراة العامة
5_ اخلاقيات العمل


مجموع الساعات عندي 13 بعد حذف مادة اللغة الانجليزية الي رسبت فيها في السنة التحضيرية

جيت ابي اضيف ماده ثانية طلع لي مربع مكتوب فيه

[ باضافة هذه الماده سيفوق عدد الساعات الجدول الحد الاقصى لعدد الساعات المسموحة لك ]

مع العلم مكتوب تحت الحدى الاعلى لعدد ساعات جدولك 15 ساعة






س1 / وش رايكم في الجدول ؟ و ايش تنصحوني اضيف و احذف ؟

س2 / اقدر انزل اكثر من 15 ساعة ؟

س3 / [ ابي مكتبة في الرياض موجود فيها كل الكتب الي ندرسها ]




لا تحرمونا من خبرتكم و لا تحرمونا من اي فائده لديكم

و ارجوا تعاونكم معنا و لكم الاجر و الثواب و الدعاء لكم بالتوفيق و النجاح

و تحياتي لكم جميعاً

[فهد العنزان]

جدولك ممتاز وإذا رغبت في اضافة مادة ليكمل الجدول 15 ساعه بحسب المتاح لك أخي بحسب المعدل
عليك اضافة مادة إدارة الخدمة المدنية pad311 بيكون جدولك متناسق ، المكتبة بالرياض لكتب عندك المهندس قبل جامعة الملك سعود تقريباً على طريق الملك تركي الرقم 4833338 الموظف اسئل عن صلاح محترم وخدوم مرة
موفق

[آهات إنسان]

المشاركة الأصلية كتبت بواسطة فهد العنزان جدولك ممتاز وإذا رغبت في اضافة مادة ليكمل الجدول 15 ساعه بحسب المتاح لك أخي بحسب المعدل عليك اضافة مادة إدارة الخدمة المدنية pad311 بيكون جدولك متناسق ، موفق

ما اقدر اضيف مادة مبادئ علوم سياسية ؟؟

اذا اضفة مادة علوم سياسية تصير 16 ساعة فرق ساعة بس

المشاركة الأصلية كتبت بواسطة فهد العنزان المكتبة بالرياض لكتب عندك المهندس قبل جامعة الملك سعود تقريباً على طريق الملك تركي الرقم 4833338 الموظف اسئل عن صلاح محترم وخدوم مرة موفق

هذي جيتها مره طلبت منهم كتب عطوني ملخصات و ملخصاتهم اغلبها فيها اخطاء .!!

انا ابي كتب ما ابي ملخصات :(

اخوي فهد العنزان

اشكرك من أعماق قلبي ع ما أفدتنا به

[ثامر البراق]

لو تحذف اخلاقيات العمل
وتضيف مبادئ العلوم السياسيه أفضل

لأن هذا المستوى يتطلب منك إنهاء مواد المبادئ
وبكذا يكون عندك 14 ساعه كافيه

وحاول تسير على الخطه الدراسيه لقسمك
سواء عام .. أو تنظيم وتطوير إداري .. أو خدمات صحيه

والنظام ما يسمح تسجل أكثر من 15 ساعه
لأن عدد الساعات حسب المعدل

وصراحه خليك مع الكتب من البدايه أفضل ..
والملخصات تقدر تحملها من المنتدى للمساعده

انت إذا ثبتّ جدولك .. تقدر تطلب الكتب من مكتبة خوارزم .. وهم يوصلونها لك
أو إذا تعرف أحد في جده يشتريها لك ويرسلها .. حسب المفردات
http://fea.kau.edu.sa/Show_subs.aspx...www.kau.edu.sa

ماعليك إلا تختار القسم مثلاً pad
وتروح للماده اللي تبيها مثلاً مبادئ الاداره العامه
وبالضغط على علامة + رح تحصل الملف المخصص للماده
تتأكد من اسم الكتاب والمؤلف

وأي سؤال تفضل

دمت بخير

[ممدوح حائل]

انا بضيف لك خيار ثالث أيضا بعد آراء الأخوه العنزان وثامر البراق ،،

يعني إذا رغبت تاخذ ( 15 ) ساعة بالتمام
فلا بد ان تحذف مادتين الثقافة الاسلامية + اخلاقيات العمل ،،

وتضيف بدلاً عنهم ( العلوم السياسية + إدارة الخدمة المدنية )
وبكذا يكون جدولك ( 15 ) ساعة ،،،

بالتوفيق للجميع ،،،، .

[فهد العنزان]

المشاركة الأصلية كتبت بواسطة آهات إنسان ما اقدر اضيف مادة مبادئ علوم سياسية ؟؟ اذا اضفة مادة علوم سياسية تصير 16 ساعة فرق ساعة بس هذي جيتها مره طلبت منهم كتب عطوني ملخصات و ملخصاتهم اغلبها فيها اخطاء .!! انا ابي كتب ما ابي ملخصات :( اخوي فهد العنزان اشكرك من أعماق قلبي ع ما أفدتنا به

لاتشتري منهم الملخصات أفضل الملخصات ما يقوم بإعدادها الطلاب وهي موجوده بقسم الملخصات في الاعلى بالقسم ، المكتبة تجلب الكتب من جدة ولكن بوقت متأخر .....!
أطلب الكتب من مكتبة دار حافظ أو الخوارزم وسوف تصلك خلال 48 ساعة
موفق

[asom]

السلام عليكم ورحمة الله وبركاته

انا من راي انك تاخذ

مبادئ حاسب
مبادئ قانون
مبادئ ادارة عامة
مبادئ علوم سياسية
مبادئ محاسبة


لان السياسية والحاسب والقانون تشوفها بحياتك

والادارة العامة والمحاسبة لهم متطلبات حتحتاجها في الفصول الجاية فيكون عندك اساس من دحين
وبكذا يكون لديك 15 ساعة

والله يوفقنا

وبالاخر وجه نظر تعتبر ^^

[آهات إنسان]

المشاركة الأصلية كتبت بواسطة فهد العنزان لاتشتري منهم الملخصات أفضل الملخصات ما يقوم بإعدادها الطلاب وهي موجوده بقسم الملخصات في الاعلى بالقسم ، المكتبة تجلب الكتب من جدة ولكن بوقت متأخر .....! أطلب الكتب من مكتبة دار حافظ أو الخوارزم وسوف تصلك خلال 48 ساعة موفق

طيب كم رقم مكتبة دار حافظ + الخوارزم

[عبدالله بن سليمان]

رأيي تضيف عليها

مادة الخدمة المدنية وعدد ساعاتها 2

تطلع 15 ساعة مجموع الساعات الترم

موفق

[آهات إنسان]

[ فهد العنزان + ممدوح حائل + asom + ثامر البراق ]

أقدم شكري لكم جميعاً ع وقفتكم معي و نصحكم لي و اقتراحتكم لي الذي

استفدت منها الكثير جزاكم الله ألف خير .


بعد التفكير الذي دام طويلاً قررت ان اخذ برأي اخي فهد العنزان واضيف
مادة إدارة الخدمة المدنية و بكذا جدولي راح يكون 15 ساعة .



1_ مبادئ الحاسب
2_ مبادئ القانون
3_ الثقافة الاسلامية ( 2 )
4_ مبادئ الادراة العامة
5_ اخلاقيات العمل
6_إدارة الخدمة المدنية


شاكر و مقدر تعاونكم جميعاً معي