][ أَفْكَارُكُمْ مَحَطْ اهْتِمَامِنَا ][كلية الحاسبات وتقنية المعلومات][

[Lulush]

أنا اللي شاغل بالي الفرق بين التخصصات الثلاثة وكل واحد ايش فيه بالزبط
وايش أقدر أسوي أو ايش أكون عارفة وفاهمة بعد ما اتخرج من أي تخصص منهم
( يعني زي لما ينكتب في كتب المدرسة يتوقع بعد هذا الباب أن : ) وزي كذا ..

وجزاكم الله خير :)

[asma'a]

المشاركة الأصلية كتبت بواسطة Lulush أنا اللي شاغل بالي الفرق بين التخصصات الثلاثة وكل واحد ايش فيه بالزبط وايش أقدر أسوي أو ايش أكون عارفة وفاهمة بعد ما اتخرج من أي تخصص منهم ( يعني زي لما ينكتب في كتب المدرسة يتوقع بعد هذا الباب أن : ) وزي كذا .. وجزاكم الله خير :)

شووفي حبيبتي .. نظم معلومات .. انو كيف تستخدمي التكنولوجيا في ادارة المشاريع وهيك .. انا للحين تقريبا انتهيت من تعريف القسم .. هنا .. وان شاء الله حبحث عن معلومات أكثر من مصادر موثوقة ..

علوم حاسب ي قلبي .. مُهتم بالبرمجة بشكل كبير .. وهوا شامل لكل التخصصات .. يعني احنا عندنا معرفة بنظم وبتقنية معلومات ^^.. بس فيه نظري كثير شويتين .. وهذا هوا تخصصي الجميل .. لأن حابة اعرف ع البرمجة بشكل أكبر .. غير انو لو ربي أراد ونويت اكمل ماستر وماتيسرتلي سفرة برا .. يمديني اكمل داخل السعودية ^^.. ع عكس التخصصات الثانية اللي لسا ماتم توفير ماستر لها داخل السعودية ^^.. لأن علوم الحاسب كان هوا القسم الوحيد في كلية الحاسبات وكان تابع لكلية العلوم .. يمكن ع اخر 6 سنين تم فصله .. وصارت كلية مستقلة بذاتها .. وتم تقسيمها لـ 3 اقسام ^^.. <== موضوع تعبير

بالنسبة لتقنية معلومات .. اذا تحبي الاجهزة وصيانتها .. دا القسم حيكون مناسب ليكي ^^.. لأن علوم الحاسب زي ماقلتلك مهتم بالبرمجة والجزء النظري تقريبا .. وتقنية المعلومات مهتم بالبرمجة كمان لكن مو بنفس كثافة البرمجة لطلاب علوم حاسب .. وهنا تركيزهم ع الجانب التطبيقي وع الـ hardware ^^..

وان شاء الله حيتم وضع المعلومات بنفس اقتراحك الجميل

وللمعلومية .. كل الأقسام الثلاثة ياخذو 3 مستويات برمجة اجبارية .. يعني الكل عندوو خبرة ان شاء الله في البرمجة .. بس طبعن كمان فيه الأعلى خبرة ^^..

يعطيكي العافية ي البي وربي يجعل هالفوكيرة في موازين حسناتك ..

بالتوفيق

دمتـِ بخير