رايكم بالجدول يا اهل الخبرهـ

[ابو لـيـان]

السلام عليكم ورحمة الله ووبركاته :
اسعد الله جميع أوقاتكم باليمن والخير والمسرات
عموماً هذا جدولي وما خاب من استشار
محاسبه حكومية 3 ساعات
قانون اداري 3 ساعات
اخلاقيات عمل ساعتين
نظرية تنظيم 3 ساعات
إدارة الخدمه المدنية ساعتين
ثقافه اسلاميه 3 ساعتين
كذا 15 ساعه
ومسموح لي 18
افكر اضيف الاقناع ماده حره

وش رأيكم يا أهل الرأي

[النديم]

وعليكم السلام ورحمة الله وبركاته

محاسبه حكومية 3 ساعات / مادة محتاجة فهم ويفضل مدرس في حالة انك في المحاسبة تحتاج دعم لكن هي اسهل
من مبادئ المحاسبة ..
قانون اداري 3 ساعات / مادة حليله بس محتاجة تركيز وبعض الحفظ وتكرار المراجعة ...
اخلاقيات عمل ساعتين / مادة مضمونها سهل لكن ذاكرها بضمير وإذا دكتور المادة المزجاجي ( أهرب )
نظرية تنظيم 3 ساعات / مادة دسمة لكن ليست طويلة لكن دسمة اسماء علماء ونظرياتهم و تحتاج حفظ بتركيز..
إدارة الخدمه المدنية ساعتين / سهلة وتحتاج مراجعة اكثر من مرة بس لا تعتمد على المذكرة اللي موجودة بالمكتبة ..
ثقافه اسلاميه 2 ساعتين / مادة رائعة و حرام تجيب اقل من 90 فيها ...

بالنسبة للإختياري انا ارشح لك ادارة المشروعات العامة افضل من الاقناع بس تأكد من هو دكتور المادة ...
وجدولك ممتاز بس إبدأ من الأن و اشتري الكتب وحدد المقرر و استعن بالله ...

وتأكد بأن الله لا يضيع اجر من أحسن عملا ....

[ابو لـيـان]

الله يسعدك ويجزاك خير اخوي النديم

ما قصرت وش فيه الدكتور المزجاجي اهرب منه ؟
واسماء الدكاتره في الشعب باقي ما نزلت في الاودوس
بالنسبه للحره بس علشان اوصل 18 ساعه وافتك منها بعدين
لأن الاقتصاد الجزئي نشب بحلقي

الله يوفق الجميع

[امـــير الشـــوق]

المشاركة الأصلية كتبت بواسطة ابو لـيـان ما قصرت وش فيه الدكتور المزجاجي اهرب منه ؟ واسماء الدكاتره في الشعب باقي ما نزلت في الاودوس بالنسبه للحره بس علشان اوصل 18 ساعه وافتك منها بعدين لأن الاقتصاد الجزئي نشب بحلقي

اخووووي ابو ليااان ربي يسعدلك اوقااتك
بالاول اخووي النديم ما قصر ويشكر على مشااركته وهوو ذكر كل اللي نبي نذكره ورده عليك كافي ووافي ..

اما بالنسبه لاخلاقيات العمل ودكتوورهاا اللي متجوود فيهاا هوو المزجااجي ولا رااح تنتقل هالمااده لغيره بحكم ان الماااده هوو مؤلف كتاابهاا واسئلته تبنى على مفهوومه وليس مفهووم الطالب لللاسف
فهي مااده شرلابد منه يعني فيك فيك لوو تأجلهااا الى اخر ترم فيك فيك .. ودرجتك من الان فهي في بحر الستين
اما مادة الاقتصاد الجزئي فشووري عليك والقراار لك بأخذها بحكم انك ماشي ع الخطه وهذاا بحد ذاته جيد
المااده متوسطه من ناحية الصعوبه يبيلك مدرس فيهاا والمدرس عندي اذا انت في الريااااض وراح اكلمه لك وبيعطيك خصم يحبه قلبك وباذن لله درجتك لا تقل عن 90 وش تبي بعد

[ابو لـيـان]

ما قصرت اخوي أمير الشوق

ما ودي اجمع بين الحكومية والاقتصااد الجزئي

واذا قررت اني اخذها ما نستغني عن مساعدتك
الله يسعدك

[جامعة المؤسس]

من رأيي لاتضيف مادة حره الان... خلها للاترام القادمه... وجدولك مناسب جدا.. موفق يارب