غليص يحتاج فزعتكم !!!

[farooha]

نظرية التنظيم/ ابدأ بها من اول الترم وركز على حل اسئلة الاعوام السابقة لأنها دسمة بالحيل وعلمائها واجد

انا اخذت هاذي المادة بسس لمن شفت ردك خفت صراحة ياليت تقولي اشش طبيعة المسسائل اللي تجي بهاذي المادة.....؟ يعني علمية والا نظرية ,,؟

[الكحيله]

انت نفس جدولي
وابي انتظر الخبرات مثلك علشان نستفيد

[سلطان الراشد]

المشاركة الأصلية كتبت بواسطة farooha انا اخذت هاذي المادة بسس لمن شفت ردك خفت صراحة ياليت تقولي اشش طبيعة المسسائل اللي تجي بهاذي المادة.....؟ يعني علمية والا نظرية ,,؟

لا تخافين منها ولا شي توكلي على الله لكن اللي لاحظته ان أسئلة الاعوام السابقة هي نفسها بالنموذج اللي اختبرته لكن فيها لخبطة بمواقع الاسئله فقط
توكلي على الله ولا تخافي لكن حاولي تحلين النماذج بنفسك عبر البحث عن الاجابه وراح تحسين انك استوعبت المادة
ولا تنسي تدعين لوالديني لانهم اهم من نفسي
في امان الله والله يوفق الجميع

[امـــير الشـــوق]

المشاركة الأصلية كتبت بواسطة غليــص السلام عليكم ورحمة الله وبركاته وبعد ،،، هلا وغلا بالجميع القهوه يااااااااااااولد محاسبة حكومية قانون إداري أخلاقيات العمل ثقافة إسلامية (2) نظرية التنظيم إدارة الخدمة المدنية إدارة محلية وترا الغدا بكره علي لا حد يحلف لزووووم نعلم الربع بالسلفه والشيخ بعد

يماال العافيه ولا عليك امر اترسلي الفنجاان ترااني خرماان

الحين بمزمز عدل على مواادك خذ عندك ..

المحاسبة الحكوميه //اغلبها قيوود ويمكن ما يتجاوز 72 قيد وهي سهله للي يفهمهااا وعفكره يجي من نماذج الاعوام اللي فاتت تقريبا 60% واكثر بعد اذاا ماهي طبق الاصل بس تغيير طفيف يعني من الحيل درجتك وشووف عيني في بحر 80

القانون الاداري // هوو صحيح غثيث بس في ملزمه لاخت عذاري جده اذاا تبي 90 ذااكر منها واذاا تبي 100 فذاكر من الكتااب وابيك تركز ع نموذج الترم الثاني السنه اللي فاتت لانه هو هو ما تغير على كلاااااااااااااام اخوانك بالمنتدى

اخلاقيات العمل // طبعاً هذي الماده ضاايفهاا المزجاجي بدفتر عايلته وما راح يفكهاا الا اذاا طلق هههههههههههههههههههه الماااده حلووه ولذيذه والاسئله حقت المزجااجي موجوده ومنزلهاا احد الاخوان بس اتحدا ابن امه اذاا هوو يحلهااا والمصيبه ما تدري وش حلك هل هو صح ام غلط عالعمووم ما في احد سلم من المزجاجي وجميع الدرجات في بحر الستين بس محد غااطس تحت

الثقافة الاسلاميه 2// فله في فله كلهاا تتكلم عن الزواج والمهر وشغلات يحبها قلبك ..والاسئله طبق الاصل وابيك اتابع قسم كلية الاداب قبل الاختبار بــ 3 ساعات لانهم ينزلوونهاا الاخوان طبق الاصل ..

نطرية التنظيم// علة الصماادي وعلة نحر ..عندك فووق ستين عالم وكل عالم له نظريه وكل نظريه سالفه وكل سالفه تجيب النووووووم .. المهم الله يعينك عليهاا وعلى استاذهاا طبعا اذاا هي عند الحداد ففي سؤاال مقالي يشخلك فيه شخل ..

ادارة الخدمه المدنيه // حلووه ولذيذه بلذااااذة استاذهااا الله لا يغيره اللي هو السفلاااااااااان ولك حلااااااااااااااااااااااااوه يحبهاا قلبك عند قبل الاختباار بليله وحصريه عندي بس اللي ابيه منك اتصكني مسج ع الخاص اتذكرني

اداره محليه // غثيثه ومعلوماتها قريبه من القانون الاداري يعني بيحصلك نوعا ما لبس ويمكن تفيدك بمعلوماتك اللي اخذتها بالقانون الاداري ..او انك تحذفهاااا وتحط بدالهاا سياسه عامه وصناعة قرار على قولة اخووي ناايف وفي اسئله منزلهاا للدووعان وهي هي الاسئله ما يغيرهااا

اما من نااحية الغداااء فالعذر من الله ثم منك انا مسندلي على ربعن وراااااااااااااك وفنجان القهووه يسد

وابيك ترخصلي وانا اخووك

خشمك خشمك

امواااااااح

يلااا فمان لله

[غليــص]

يعطيكم العافيه اخوواني اللي ردووا
وهذا جدولي الجديد واعطوني رايكم
">

[farooha]

المشاركة الأصلية كتبت بواسطة سلطان الراشد لا تخافين منها ولا شي توكلي على الله لكن اللي لاحظته ان أسئلة الاعوام السابقة هي نفسها بالنموذج اللي اختبرته لكن فيها لخبطة بمواقع الاسئله فقط توكلي على الله ولا تخافي لكن حاولي تحلين النماذج بنفسك عبر البحث عن الاجابه وراح تحسين انك استوعبت المادة ولا تنسي تدعين لوالديني لانهم اهم من نفسي في امان الله والله يوفق الجميع

شكرآ أخوي ماقصرت بس اذا ممكن ياليت اذا إلا الآن انت محتفظ بأسئلة الأعوام السابقة تنزلها لي عشان اخذ فكرة عن طبيعتها ,,

والله يخليلك والدينك ويطول بأعمارهم بطاعتة ويرزقك ويعينك على برهم

[سلطان الراشد]

المشاركة الأصلية كتبت بواسطة farooha شكرآ أخوي ماقصرت بس اذا ممكن ياليت اذا إلا الآن انت محتفظ بأسئلة الأعوام السابقة تنزلها لي عشان اخذ فكرة عن طبيعتها ,, والله يخليلك والدينك ويطول بأعمارهم بطاعتة ويرزقك ويعينك على برهم

جزاك الله خير على الدعاء , لكن والله ما احتفظ بشي من النماذج او الكتاب لأني أعطيتهم لأحد زملائي .. سوي بحث بقوقل وتحصليهم يطلعون بهذا المنتدى أكثر من نموذج . اطبعيهم وتدربي على الحل
الله يوفقك وفآآآلك الدرجات الكآمله