{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[white rose]

عبير العسيري
بالنسبة للترم الصيفي كان مفتوح لنا زمان بس بشرط تنزلين 3 مواد ب9 ساعات كأقصى حد وما كان فيه دورة تأهيلية نهائيا بس تجين تسالين المس تبعتك وقفلوه من 2007 وللحين ما انفتح نتمنى على وجه رئيس قسمنا الجديد يرجعه لنا لو حتى يمسكونا اساتذة لو الاساتذات مشغولين المهم نخلص على خير ونتخرج نقول ودعواتك يوصل صوتنا له .

المشاركة الأصلية كتبت بواسطة nour al3mr سامحيني فوت ردك هههههههههههههـ لا مو صعب بالعكس مواضيعه رائعـــــة بس يبغاله حفظ السيمانتكس مادة أجمل على حسب الأستاذات قرروا وربي يفتح عليكم :)

يعطيك العافية نوري ربي يحميك ويسعدك
وان شاء الله خلي الاسماء تنزل ونقرر وربنا يعيننا على الحفظ هالترم

المشاركة الأصلية كتبت بواسطة الملاك الأبيض السلام عليكم جميعا . مرحبا صبايا مساءكم سعادة وهناء .يعطيك العافية ياام حمدان ويجزاكم الخير على مجهوداتكم في التسهيل علينا انتي ونور وكل الاخوات وعليكم السلام ملوكة الحلوة عام جديد وبداية جديدة ياااارب يامسهل . امين يارب لو سمحتو لي صبايا عندي كم سؤال ياليت تجاوبوني عنها : اولا هل ممكن ننزل مادة اللغويات الاجتماعية مع اللغويات التطبيقية في ترم واحد ولا ماينفع ؟ ينفع حسب قدرتك الاستيعابية رغم اني شايفة انهم دش مرة ويجننو لكن اهم شي ساعاتهم ما تتعارض سوا مادة السيمنار فيها بحث زي مناهج البحث ولا لا ؟ فيها بحث زي مناهج بحث تمام اصلا هيا سنة بحث وسنة ما فيها بحث حسب حظك وهالترم ما فيها ولها متطلب تكوني خلصتي سوسيو ونحو مكتبة الجامعة توفر كتب مصورة ولا بس اصلي ؟ ساعات فيه مصورة لو كانت ملزمة لكن كتاب لا بس اصلي اذا تبغي مصورة عندك مكتبة الاصلاح او الامين يوفروها لك وفي الكتب المتقدمة انصحك بالمصورة عشان لمن تجي تخططي وتقراي خطها اوضح لانها تتكبر عكس الكتب ما فيها مساحة تكتبي فيها وبرضو يرجع لراحتك ينفع لو وحدة مافتحت عندها مواد الادب لانها مااخدت الادب ليسا , ينفع تضيفها من عند المرشدة ولا لازم تخلص الادب اولا ؟ علما انو مابينزل عندها الا مواد لغوية ومواد الادب معللقة . لا ما ينفع الا اذا كانت شالت الريدنغ اكثر من مرة ساعتها تروح تكلمها وتتفاهم معاها مرات توافق المرشدة ومرات لا حسب المرشدة مين تكون انصحك بنفين افضل اخر شي ايش رايكم اخد سينتاكس ولا مناهج البحث مين الاولى والافضل ؟؟

خذي مناهج بحث خاصة لو مسكتها نجوى لا تفوتيها ابدا نصيحة والسينتاكس مدحو في منال الترم اللي قبل الماضي وبالنسبة لمين الاولى يرجع لمين استاذتها احسن من وجهة نظري لا تستعجلي انتظري الاسماء وبعدين قرري يا عسل ^_^