طالبة مستجدة << نصيحتكم لي ؟

[asoma312]

شكرا lelou بجد افدتيني
طيب في الخطة الدراسية في مادتين فيزياء 202 و203
ابغى اعرف المادتين سهلة وممتعة ولا كيف ..

معليش يا قلبي تعبناكي معانا كثير

[LeLou]

المشاركة الأصلية كتبت بواسطة asoma312 شكرا lelou بجد افدتيني طيب في الخطة الدراسية في مادتين فيزياء 202 و203 ابغى اعرف المادتين سهلة وممتعة ولا كيف .. معليش يا قلبي تعبناكي معانا كثير

العفو ..
//

فيزياء 202 تتكلم عن الكهرومغناطيسية..
منهج حلو صراحة بس أنا ما كنت أفهم على الدكتورة فبالتالي كنت أكره المحاضرة و ما كنت مهتمة بالمادة..
و درجتي فيها مقبولة شوية مقارنة بأني ما كنت أفهم..

أما 203 فيها مواضيع كثيرة..
أول حاجة ديناميكا الموائع،، بعدين الحركة التوافقية البسيطة،، بعدين الموجات و حيكون في تعمق شوية في الموجات الميكانيكية و موجات الصوت،، و مقدمة بسيطة في الديناميكا الحرارية،، و آخر حاجة جزء بسيط في البصريات..

المنهج ظريف و حلو و حبيته خصوصًا جزء الموجات و الصوت و البصريات كان مرة حلو..
أنصحك في المادة دي و مو بس فيها،، في كل المواد أنك تداومي على الحضور..
لأنك لما تغيبي يفوتك كثير و كل محاضرة مرتبطة باللي قبلها..

بالنسبة للسهولة و الصعوبة،، أي مادة لو فهمتيها و التزمتي بالحضورة راح تكون سهلة..
أنا إذا استهترتي أو كنت ما تفهمي شي طبيعي حتكون صعبة..
//

و عادي لا تعب و لا شي،، بالتوفيق يا عسل||~