ولادتي بتكون نهايه الترم الجاي يعني وقت الاختبارات وش الحل

[Angelitta]

حبايبي أنا كنت زيكم السنة اللي فاتت ، وكنت شايلة هم الاختبارات مررا ..

من بداية الطلق كنت أدعي ربي يختار لي الخير لو خير ليا أختبر أو أولد قبل الاختبارات وما أختبر ..
لإنو كان صعب عليا أذاكر مع الطلق لإنو بدأ قبل الاختبارات بيومين ..
وولدت سبحان الله في أول يوم اختبارات ليا بالزبط 8 ونص وقت ما بدأ الاختبار :)
راحت عليا كل الاختبارات طبعا لإني كنت تحضيري وهوا واحد أسبوع ..
الحمد لله في مادة اختبروني هيا بالزبط بعد أسبوعين من الولادة أرسلولي مسج وعادولي الاختبار واختبرتها ..
كانت أصعب مادة ومررا حليت فيها كويس الحمد لله وكمان شكلهم ساعدوني وما دققو في الاجابات ..
أرتحت بعدها الاجازة كلها الحمد لله وأول أسبوع في الدراسة اختبروني باقي المواد ..
طبعا ما خصصوني لإنو قفلت التخصصات على بال ما تنزل درجاتي بس أخدت مواد عامة وحرة والحمد لله ..
ما أنصحك تأجلي أبدا لإنك حترتاحي إن شاء الله 3 شهور ..
وترى ربي رحيم وإن شاء الله تتسهل لك اختباراتك وولادتك وتقومي بالسلامة إنتي والبيبي ( وكمان Sugar Lips ) ..

وإذا ولدتِ وقت الاختبارات بالسلامة يا رب خلي أحد من صحباتك يروح لدكاترة المادة ويديهم صورة من تقرير الولادة ..
وبداية الترم أول أسبوع اللي ما ندرس في شي بس التحضيري يدرسو تعالي وشوفي في مبنى الجوهرة يعلقو ورق بأسماء البنات اللي انقبلت أعذارهم وموعد اختبارهم ومكانو كمان ..
لإنو أنا لقيت كتير أسماء لبنات كلهم اختبروا معايا بس مو تحضيري والتحضيري كنت بس أنا وبنت تانية ..

الله يسهلكم ولادتكم ويرزقكم الطفل السليم المعافى حسن الخُلُق والخِلقَة ويقومكم بالسلامة يا رب ..