تعديل الجدول

[بنووتة غنووجة]

عندي مشكلة
هذا جدولي

سبت واثنين واربعاء احياء 13 _ 13:50
احد وثلاثاء احصاء 8 _ 9:20
احد وثلاثاء كيمياء 9:30 _ 10:50

تخيلوا انا من مكة يعني معقولة اطلع جدة كل سبت واثنين واربعاء عشان محاضرة ساعة واحدة بس
قدر الله وما شاء فعل
طيب دحين اقدر اعدل جدولي
والله حراااام

[املي بك يالله]

حاولي من اول اسبوع تغيري شعبتك

وان شاء الله تتسهل لك

موفقه

[طموحاتي نطحت السحاب]

ما يغيروا الشعب ..لو رحتي للادارة مح يفيدوكي يقووولولك ان ممنوع التحويل
بس روحي لنفس الدكتورة حقت المااادة وكلميهااا وان شاء الله حتوافق (يا انو تغير وقت المحاضرة نفس الاستاذة ) خاصتا الاحياء ما يحتااج استاذة اصلاا يعتمد على الحفظ فما يفرق اي دكتورة ^_*

[Nahawy]

أنا نفس جدولك و قالت راح اغير جدولي بدايت الترم ان شاء الله
راح أحاول مع الدكتورة نفسها بس في مشكله
ان ما في شعبة يوم الأحد الا الساعة ١ الى ٢:٢٠
مناسبة للجدول ...

و ان شاء الله تقدري تعدل شعبتك :)

[NO K.A.U]

يب يب حاولي أول اسبوع
كلمي لادارة و إذا ما نفع كلمي الدكاترة .
بس أنا أفضل إنيك تكلمي الدكاترة
عشان يتفهموا الوضع أما الادارة تمشوركي
بالتوفيق

[Wa9aif B]

لو لقيتي انو استازتك تبع الاحياء عندها شعب احد وتلوت فما مره كويس تحضري عندها وازا مافي تروحي عند وحده تانيه وتكلميها وتكلمي استاذتك القديمه وهيا تديها حضورك والحكايه سهله

[بنووتة غنووجة]

يعني العمادة مايرضوا يغيرو الجدول
مايراعون الظروفنا
ومشكورين على الرد
جزاكم الله خير

[wejdo_o]

اول شي كلمي العماده اذا مره قالولك ما في امل كلمي دكتورتك وراح تتساهل معاك ان شاء الله المهم اذا نقلتي شعبه ثانيه يوم الأحد والثلوت اختاري شعبه استاذتها ما تحضًّر لأنو الاحياء في الكلاس قراءه يعني خلي اي احد يحضرك
بالتوفيق وان شاء الله تتسهل امورك

[wejdo_o]

نسيت أقولك ان وحده من صحباتي كان البريك حقها ٣ ساعات وكلمت العماده وأعطتهم عذر اي كلام وغيرو شعبتها

[بنووتة غنووجة]

جربت حظي وارسلت معاملة الكترونية امس الساعة 6 صباحاً
وردولي الساعة 11 اعطوني رقم وقالوا اتصلي عليه
وكل ساعة ادق عليهم مايردوا يرفعوا السماعة ويقفلوها في وجهي الله يسامحهم
لكن انا ما راح أيأس وبكرة ان شاء الله انا طابة عليهم وبشوف ايش يقولولي
والله يسهل