أفيدوني يااهل الخبرة

[ليلى قروش]

بنات أنا معدلي 2.24
وعندي مواد محمولة
انجليزي المستوى الثاني/ ورياضيات
ومحتارة بينهم وبين مواد التخصص
الي هي
الشباب وقيم المواطنة/مقدمة في العلوم/ وثقافة3/احصاء اجتماعي / نظريات اجتماعية/علم اجتماع السكان/مناهج البحث/وعلم الانسان
وماعندي للأسف غير 15 ساعة
بايش تنصحوني أنا مرره خائفة ومابغى معدلي ينزل الانجليزي العلة نزل معدلي
تكفون ساعدوني

[عزتي بإسلامي]

علم انسان مادده خفيفه وسهله وحبذا مع رقيه فتيحي اسئلتها مقاليه وخفيفه واستاذه متعاونه

المواطنه والشباب بعد ماده خفيفه وسهله تعتبر تجديد معلومات بالتاريخ وماده الوطنيه الى عند الاولاد وحبذا مع حنان الصومالى برضوه استاذه متعاونه واسئلتها واضحه

الثقافه ماده عامه وماسبق اخذت المستوي الثالث لكن الترم الجاي ان شاء الله اضيفه لان الثقافه بجميع مستوياتها اعتقد انها ماتشكل مشكله ومايفرق مع من تأخذيها لانها عامه كما سبق وقلت

الاحصاء نفس احصاء التحضيري ببعض الفروق البسيطه وماده سلسه وبسيطه ولها ملزمه ولسنا مطالبين بالكتاب واستاذه ابرار فلاته عسل وتعامل راقي جدا


مناهج البحث سهل زي المكتبه بالثانوي لكن يحتاج له تركيز حتى ماتلخبطي بالمعلومات

النظريات ابعدي عنه الحين لانه ماده مره دسمه وحوسه وانتى تحتاجين ترفعين معدلك

السكان برضوه حلوه لكن بعد يبي لها تركيز

مقدمه العلوم ماسبق لي ودرستها فمالى حكم فيها لكن اشوف افضل تأجليها لانها ماده جديده خليها لما تشوفي تجربه غيرك فيها ومن الاستاذه الافضل وتشوفي اسئله لها بعدين تقدري تضيفيها


يعني نصيحتي لك هالترم اذا عندك استعداد تضيفي الانقلش وقادره تركزين فيه اضيفيه اذا مستصعبته خليه بعدين هو والرياضيات

حطي علم انسان +مواطنه +ثقافه +احصاء اجتماعي+مناهج
واذا حابه تضيفي الانقلش شيلي المناهج

اتمنى اكون ساعدتك

ويمكن غيري تكون نظرته غير لكن النظريات ابعدي عنها هالترم ^.^<<جننتها الماده

[ليلى قروش]

يسلمك ربي طمنتي قلبي

[abo-yazad]

شكراً للأخت عزتي بإسلامي على الافاده الأكثر من رائعه...

لو المعدل نازل والأنقلش محمول الأفضل حذفه لآخر ترم لك بالجامعه...موفقه