أسئلــــة عن موضوع التخصصات وآلية التسكين ؟

[Mawadda]

السلام عليكم ورحمة الله وبركاته


كيف حالكم بعد النتايج << حيجيها كفين

أول شي مبــــروووووووكـــ لكل الناجحين واللي جابوا المعدلات اللي يبغوها ،، وكل اللي ما نجحوا في بعض المواد او كلها لا تفقدوا الأمل ان شاء الله ربنا يعوضكم خير، و الله ما حيضيعلكم تعب ..

حبيت أحط هادا الموضوع لـ اللي عندو اي سؤال بالنسبة للتخصص اللي يتمنى يدخلوا، وحتى لـ اللي حابين يتطلعوا ويستفيدوا من أسئلة الأعضاء
وان شاء الله تستفيدوا من هادا الموضوع وتفيدونا

أول سؤالين ابغى اعرفهم:-

ســ1ــؤال: لمن نتخصص ياخدوا الطلاب حسب المعدل ولا حسب النسبة الموزونة ؟
لأني سمعت كلام كتير عن دا السؤال وما فهمت.

ســـ2ــؤال: في الطب وبعض التخصصات لازم تكون جايب في مواد معينة b+ و اعلى، هل لاااااازم أكون جايبة في دي المواد زي ما هما طالبين ولا عادي بعض الأحيان ياخدوا بالموزونة او المعدل وخلاص؟

أتمنى يكون الموضوع عجبكم وتستفيدوا منو

[بترولي مآكل هوآ]

حسب اللي انا فاهمه واللي اعرفه :

1 / المفاضلة بين الطلاب تكون في النسبة الموزونة .

2 / بعض التخصصات تطلب ما يُسمى بالنسبة الخاصة .. يعني :
الطب مثلاً يشترط عشان تدخلي ضمن المفاضلة انو درجاتك في الفيزيا + الاحياء + الكيميا + الانقلش = 85
^
طبعا مو كل مادة تحسبينها لحالها ..
تجمعين درجات المواد هذي كلها وتقسمينها على عددها .. ويطلع لك النسبة الخاصة ..

اتمنى اكون افدتك

[Mawadda]

بترولي شـكــــــــــــــــراً الله يعطيك الف عافية

[Mawadda]

طيب بالنسبة للطب

طالبين انجليزي ليفل ١ - ٢ و انا دخلت ٤ على طوول
كيف أحسب النسبة الخاصة ؟ احط درجتي في ليفيل ٤ ولا ايش ؟

[بنت الضحى]

^
طالبين المستوى 2 و3و4 لأنه 1 مايدخل في المعدل والنسبة لأن ساعاته بصفر
وإذا دخلتي 4 خلاص يأخذوا 4 بس ما في أي مشاكل ^_^