استثمار- المحاضرات والتمارين محلولة لعام 1432/1433 - استاذة نسمة حشمت

[دانة رجب]

المشاركة الأصلية كتبت بواسطة gardenia حبيبتي دآنه مشكوره ياقلبي على إهتمآمك :) ومبروك على الدرجه الحلوه ولاتزعلي نفسك هم كدآ دايما لآزم ينقصو فرحتنآ الله يسامحهم .. بصرآحه يآدانه أنا تفآجأت لما قولتيلي "خديجه حريري" ..!! أنا عندي قصه مأسآويه مع دآ الإسم للأسف :( أخدت معاها مالية شركات وغبت يوم الإختبار وإختبرته بديل وجلست 3 أسابيع إلين ماحنت علينا ونزلت الدرجه!! ولمآ نزلت كانت f .. ='( والله إنها أسوأ تجربه في حياتي كانت مع د - خديجه حريري .. .. طبعا أنا مآ أبغى أقولك إني خرجت من الإختبار ضامنه الآي بلس! لكن ماكنت متوقعه أجيب أقل من 80 لأني عارفه نفسي خبصت في سؤآل كامل وكآن سؤآل الموازنه النقديه ماأقدر أنساه أبدآ :( لأني ذاكرت في ظروف سيئه وماذاكرت كل الماده وسؤال الموازنه النقديه على ما أذكر كانت حاطه عليه تقريبا مو أقل من 15 درجه !! لكن الباقي كله حليته ولله الحمد :( والله يادانه إني دعيت عليها من قلبي ولو كانت ظالمتني ربي ياخد حقي منها :( والله الـ f قلبت حيآتي وخسفتلي معدلي اللي كان وقتها جدآ عالي :"( وخلتني أكره الجامعه واليوم اللي دخلتها فيه :( ورحت عشآن أراجعها ومالقيتها وقتها قالولي سافرت وهي ماتراجع أصلا الأوراق .. وقتهاطلبت ربي يعوضني خير وياخدلي حقي منها !! .. أنا الحمدلله من يوم مادخلت الجامعه ماعمري جبت في ماده علميه أقل من a والماده الوحيده اللي جبت فيها a كانت الإقتصاد الجزئي ولله الحمد موادي العلميه كلها آي بلسات .. اللهم لك الحمد .. تجي هآدي في الماليه تعطيني f :( بس الحمدلله ربي عوضني خير وأخدتها مع سحر مهران وجبت فيها a+ ولله الحمد والشكر .. لكن المعدل خلآااااااااااص إيش يرجع يطلعو مره تانيه :( سآمحيني طولت عليكِ وكلامي مره كتير بس والله ذكرتيني بدون قصد منك بشي قاهرني وتجربه سيئه لآزالت معلمه في قلبي :( الحمدلله من قبل ومن بعـــد .. حبيبي أنا حضرت معاكم الإستثمار سنترا بس للأسف لما نزلتلي درجة الماليه إضطريت أحذفه وأضيف الماليه.. صرآحه شرحها جدا حلو وماشالله عليها تفهم خطوه خطوه .. بالنسبه للماليه انا ذآكرت من محاضرات نسمه السنترا لكن إختبرت عند سحر والحمدلله ماكان في فرق:) ربي يكتب الخير ومدري على الأغلب رح آخدها مع سحر على الأقل ملزمتها معروفه هي عطر الغلا لأني حسيت انه كنتو حايسين في ملزمة نسمه !! شويه تطلع فيها آخطاء مطبعيه شويه في شي ناقص !! أما بالنسبه لخديجه فـ تووووووبه آخد معآها ولو الماده مانزلت إلا معاها مارح آخدها أسآسا !! على العموم الله يكتبلي الخير ويآكم يآرب ويسهل علينا الأترام الباقيه ويوفقنا جميعاً =) حبيبتي دانه كفيتي ووفيتي وماقصرتي في المعلومات الله يجزآك خير ويوفقك ويرضيكِ آللهم آمين :)

آهلا عزيزتي غريبة تجربتك تختلف جدا عن تجربتي
والله تمنيت الاستثمار ينزل معها عشان اخذ المادة عندها !!
آنا كنت في المالية أروح لها ساعاتها المكتبية بعدين أعطتني إيميلها وصآرت تشرح لي عن طريق الإيميل والله حتى أيام الاختبارات كانت ترد عليآ
وذكرتيني والله العظيم سؤال الموازنة النقدية بالكآمل وفيه يمكن أكثر من 10 فقرآت ما حليته لضيق الوقت
وناديتها وقت الاختبآر قالت لي اتركيه انا حطيت اسئلة كثير لمساعدة الطالبات
طلعت من الاختبار زعلآنة أول مرة اترك اسئلة بدون ما أحلها تخيلي إعطتني 100 وفوق كذآ أرسلت لي إيميل ثاني يومـ تبآرك لي بالدرجة وربي هأذي أول دكتورة تتعامل معآي بهاالتواضع عشآن كذا حبيتها
ع العمومـ إنتي طآلما جربتي سحر وأخذتي عندها درجة حلوة فخليك معآها لا تغيري
ومثل ما قلت لك الاستثمار أسهل بكثير من مالية شركات بس الاسئلة النظرية مدري كيف حسيت نفسي مو فاهمة المادة ومع ذلك الحمد لله جبت 94 بس انقهرت لو زادتني درجة كآن المعدل ما نزل ^^

[gardenia]

المشاركة الأصلية كتبت بواسطة دانة رجب آهلا عزيزتي غريبة تجربتك تختلف جدا عن تجربتي والله تمنيت الاستثمار ينزل معها عشان اخذ المادة عندها !! آنا كنت في المالية أروح لها ساعاتها المكتبية بعدين أعطتني إيميلها وصآرت تشرح لي عن طريق الإيميل والله حتى أيام الاختبارات كانت ترد عليآ وذكرتيني والله العظيم سؤال الموازنة النقدية بالكآمل وفيه يمكن أكثر من 10 فقرآت ما حليته لضيق الوقت وناديتها وقت الاختبآر قالت لي اتركيه انا حطيت اسئلة كثير لمساعدة الطالبات طلعت من الاختبار زعلآنة أول مرة اترك اسئلة بدون ما أحلها تخيلي إعطتني 100 وفوق كذآ أرسلت لي إيميل ثاني يومـ تبآرك لي بالدرجة وربي هأذي أول دكتورة تتعامل معآي بهاالتواضع عشآن كذا حبيتها ع العمومـ إنتي طآلما جربتي سحر وأخذتي عندها درجة حلوة فخليك معآها لا تغيري ومثل ما قلت لك الاستثمار أسهل بكثير من مالية شركات بس الاسئلة النظرية مدري كيف حسيت نفسي مو فاهمة المادة ومع ذلك الحمد لله جبت 94 بس انقهرت لو زادتني درجة كآن المعدل ما نزل ^^

هلا حبيبتي دندووونه
أحس المشاركآت تفسحت في المنتدى

تعرفي يادآنه أنا هذا اللي مستغربه منه إنه هالإنسآنه أنا لمست فيها التعامل الراقي
وأسلوبها كان جدآ محترم مع كل البنات ..
إنسانه تعلمت برآ وربي أعطاها من العلم وكبيره في السن ومقدره !!
أنا كنت أستمتع معاهآ في المحاضرات كنت أقول أول مره ألقى دكتوره عليها القيمه في جامعتنا الموقره !!
لكن للأسف الشديد بعد الإختبار والله تعقددددت :(
بالرغم من إني كان عندي ظروف سيئه وكنت وقتها خارجه من عمليه ومذاكرتي ماكانت
المذاكره اللي أنا متعوده عليها لكن بالرغم من كده رحت وإختبرت وحليت ولله الحمد أغلب الأسئله صح!
والإختبار كان جدا طوووويل وطريقة التظليل كانت أسوأ أسلوب للإجابه مر عليا
مدري تذكريه ولالأ كان مربع ولازم ترسميه بعدين تظلليه وهذا شي بيآخد وقت أكتر :(

لكن إني في النهايه آخد f بعد كل هالتعب
والله حقدت بعدها من كل قلبي:(

الغريبه إني لقيت معايا في إختبار دآ الترم اللي مع سحر 4 بنات شايلين الماده مع د-خديجه!!!
و2 منهم رسبوا فيها في الإختبار البديل يعني معآيا !!!
وهذآ الشي خلاني أشك إنه أورآقنا أصلا ماتصححت !! لأنه يوم الإختبار البديل كنا 4 طالبات فقط مالية شركات !!
معقووول تصدف انه 3 يرسبو فيها ليه يعني !! بالله مو شي غريب!!
هذآ غير البنات اللي ممكن يكونو شالوها وانا ماعرفهم ولا قآبلتهم أصلا !!

الحمدلله على كل حال ربي كده كاتبلي أمر بهالتجربه السيئه الحمدلله ..
ومبرووووك عليكي الفل مارك ياقلبي والله تستاهليها :)

تصدقي سحرمهران أحس ما أعطتني حقي صحيح الحمدلله أخدت آي بلس لكني كنت خارجه من الإختبار حاطه الـ 100 في جيبي والله !!

لكن الحمدلله إيش حنسوي مافي فرحه بتكتمل بهالجآمعه :(

على العموم ربي ييسرها أشوف مع مين رح تنزل الترم الجاي وأقرر مع مين آخدها :)

مشكوووره حبيبي دانه ماقصرتي ياقمر والله تعبتك معي