تجربتي مع بحوث العمليات pad351

[أبو دانا]

المشاركة الأصلية كتبت بواسطة مشوار طويل تم تخصيص الموضع لمادة بحوث العمليات... وتم طرحه بوقت مبكر .. لانو بالوقت ذا يكون الواحد فاكر وش اخذ ... والترم الجاي ترم تخرج انشا الله .... دعواتكم الماده اخذتها الترم هذا وعطيتها اكبر من حجمها وهي والله ماتستاهل لانو ركزت عليها واهملت قليلا المواد الاخرى الي معاي ووولاكن الحمدلله اخذت فيها ++100 ولله الحمد وحبيت اذكر لكم تجربتي بالماده ... واتمنى انكم تستفيدون المادة لاتعطوها اكبر من حجمها ... تحتاج الى تركيز فقط وحل تمارين اكثر من مره على كل مسائله الان لديكم وقت للي راح ينزلها الترم الجاي الماده لو تضغط على نفسك يكفيك سبعة ايام حتى تنهيها كل يوم مسائله بس مثل ماقلت لكم عندكم وقت كافي .... يعني كل اسبوعين خذ لك مسئله وطقطق عليها المسائله اذا بداءت فيها ممكن تاخذ منك 30دقيقه بالمره الاوله وعشان تعرف الحل ومرتين تحلها مارح تاخذ منك بعدها الا عشر دقائق واقل وماراح يجي وقت الاختبارات الا وانتا تتحدى الدكتور فيها مهما كان يتلاعب بالاسئله لاكن الحمدلله الماده عند الادريسي ... ومراقبتي لاسئلته من اكثر من سبع اترام اسئلته واضحه ومافيها تلاعب..... ودام الترم ذا جت الاسئله سهله وانشا الله تجي سهله الترم الجاي بعد الترم ذا جاب لنا اربعه اسئله وكل سوال خمس فقرات اختياري أبدا مع مذكرة الطيار وخلي الباب الثاني الي هو الرسم البياني والسمبلكس اخر شي تذاكر وبعد ماتنهتي من مذكرة الطيار ابداء بمذكرة عادل العرابي وخليها مراجعه لك قبل الاختبار باسبوعين مكونه تقريبا من 30صفح المرفق مذكرة الطيار المنقحه والاخيره ومذكرة العربي واسئلة اختبار للترم الاول من عام 1433هـ والشكر لمن قام بتنزيلها من الطلاب بالمنتدى الله يوفقه ولا انسى لاتكثر الاسئله وتسوي لنفسك دوشه وتشتت ذهنك ابداء بالطيار لانها كلها اسئلة اعوام سابقه محلوله وموضحه بالتفصيل و بعدها خليها على جنب وابداء راجع مذكرة العربي وخلي مذكرة الطيار مرجع لك اذا ماعرفت شي من مذكرة العربي ارجع للطيار وخذ تفاصيل الحل اتمنى لكم التوفيق والنجاح ........ واتمنى انو تبداؤ بدري ..... واي شي تبونه انا اقدر اشرحه لكم انا مستعد .... بس اهم شي لاتستفسرون الا وانتم مذاكرين ........

تستاهل اخوي انس
حقيقتاً شخص خدوم ومحب للخير والله لايضيع لك تعب

الف مبروك

[مشوار طويل]

المشاركة الأصلية كتبت بواسطة أبو دانا تستاهل اخوي انس حقيقتاً شخص خدوم ومحب للخير والله لايضيع لك تعب الف مبروك

اهلين ابو دانا

الله يوفقك والله ويسعدك

[abunasser55]

السلام عليكم

مبرررررررررررررررررررررروك

الله يوفقنا واياك يارب

ياليت اسم وجوال المدرس اللي درسك وهل المذكره حقت الطيلر والعربي لازم تذاكر منها والا المدرس هو الي يجيب لك كل شي وهل المدرس حل لكم اسئلة الاترام الماضية

وبيض الله وجهك

[العسيلي]

هلا اخوي انس مشكور جدا على الطرح الجميل والله يوفقك إن شاء الله بس حبيت الله يحفظك توضح لنا المكان الي يدرس فيه الاستاذ الغزالي او اي شي نقدر نتواصل فيه مع الاستاذ وشاكرين لك من الاعماق

[مشوار طويل]

المشاركة الأصلية كتبت بواسطة العسيلي هلا اخوي انس مشكور جدا على الطرح الجميل والله يوفقك إن شاء الله بس حبيت الله يحفظك توضح لنا المكان الي يدرس فيه الاستاذ الغزالي او اي شي نقدر نتواصل فيه مع الاستاذ وشاكرين لك من الاعماق

تقصد بجده او الرياض الموقع

الرجال بمصر الحين وله رغبه يجي للرياض

[فهد العنزان]

المشاركة الأصلية كتبت بواسطة مشوار طويل تقصد بجده او الرياض الموقع الرجال بمصر الحين وله رغبه يجي للرياض

نحتاج الغزالي للمراجعه والشرح نبي قروب للطلاب الرياض مرة آخرى بس يكون يكون موجود قبل الاختبار بوقت كافي وسوف آخذ بنصائحك اخي انس لمادة بأذن الله.

[نايف1]

المشاركة الأصلية كتبت بواسطة فهد العنزان نحتاج الغزالي للمراجعه والشرح نبي قروب للطلاب الرياض مرة آخرى بس يكون يكون موجود قبل الاختبار بوقت كافي وسوف آخذ بنصائحك اخي انس لمادة بأذن الله.

بارك الله فيك اخوي لطرحك لمثل هذا الموضوع الجميل الذي يريح الكثير من الطلبة وفعلا اخوي فهد نحتاج نجلب الغزالي للرياض مرة اخرى ونحتاج لمن يقوم بهذة المهمة

[فهد العنزان]

المشاركة الأصلية كتبت بواسطة نايف1 بارك الله فيك اخوي لطرحك لمثل هذا الموضوع الجميل الذي يريح الكثير من الطلبة وفعلا اخوي فهد نحتاج نجلب الغزالي للرياض مرة اخرى ونحتاج لمن يقوم بهذة المهمة

إن شاء الله يجي الاستاذ احمد بس هذا الترم بنسبة لي ما اقدر اكون المنسق لان المادة ليست لدي
الترم القادم إذا كتب الله لنا ولك عمر بأذن الله انسق مع الاستاذ احمد الموضوع وأقنعه يكون موجود قبل الاختبار بوقت كافي إن شاء الله أكون مضيف المادة ونتوكل على الله :)
انت الخير والبركة اخوي نايف1 نسق مع الشباب في المنتدى اكتب موضوع وشوف عدد الطلاب ونسق مع الاستاذ احمد وتواصل مع أخوي انس وسوف يفيدك عن طريقة التواصل مع الغزالي بحكم انه مر بالتجربة الترم الماضي
حاول تأخذ جواله عن طريق الخاص وسوف يفيدك
موفقين

[المتسبب]

اضم صوتي لكم بمجيئ الاستاذ / الغزالي الى الرياض .......
ارجوا التفاعل ,,,,