ايش تتوقعون يسير

[ابو علي.]

وش ذا الانذار وكيف جاك وانت انتساب

[طموح متواصل]

الله يعينك..
اخوي لازم تترك التوتر والتفكير في الفصل
فكر كيف ترفع معدلك وصمم على تحقيق هدفك وانشاءالله انك قدها
اول شي لازم تسويه انك تضيف مادتين تخصص مثلا مع ثقافه ولاماده حره
وركز عال3مواد واحفظها زين زين واكيد انشاءالله بتحل زين ويرتفع معدلك شوي
بعدين الترم اللي بعده سو نفس الطريقه مواد قليله وجهد كبير يعني حاول تدف نفسك لين تتخرج بسلام
وفيه موضوع في ملتقى المنتظمين عن كيف ترفع معدلك تدريجيا مرا مفيد الموضوع وتقدر تتواصل مع صاحب الموضوع يعطيك التقسيم الصحيح للمواد وعدد الساعات
اذا افدتك..دعوه صادقه من القلب بتوفيقي وتفريج همي..ولك بالمثل

[bnadr202o]

اشكرك اختي على الرد الجميل والله يفرج همك وهمنا المشكله انه مابقي لي الا مواد صعبه من المستوى الثامن حتى ماقدر آخذ مواد حره لاني من الخطه القديمه سويت معادله بعد انقطاعي قالت الاستاذه ماعندي مواد حره وبالنسبه للمعدل لازم يرفع هذا الترم اللي فات مو اللي جاي باقي لي معاملات ماطلعت مصيري فيها ياحياه ياموت ولازم بدرجه عاليه ومادري كيف تصحيح الدكتور عبدالله نذير في احد مر بنفس التجربه والشي الاخر تنصحوني ارسل ايميل للدكتور يساعدني بعد الله ولاماينفع

[غيم تايه]

المشاركة الأصلية كتبت بواسطة ابو علي. وش ذا الانذار وكيف جاك وانت انتساب

غريب سؤالك ،، كيف الانتساب ما يجيهم انذارات .. ؟؟


بالنسبة للاخ صاحب الموضوع :

الفرصة مازالت امامك ، كل ما عليك انك تغير طريقتك في الدراسة ،، مواد مثل المواريث

ومثل الفقة المقارن ، وتعتمد فيها على اسئلة سابقة ، وانجازات واجتهادات بعض الأخوان

هذا غير صحيح ، لازم تغير طريقتك تماما .. المواد العامة مثل الثقافة لما تجيب الاسئلة

وتجمعها في موضوع واحد اقولك ممكن يجي منها ، لأنها تعرض على شريحه عامة من الطلاب

اما المواد التخصصية فهذا ما يحصل ، خصوصا اذا كان الدكاترة مثل الشخصيات اللي انت ذكرتهم ..

توكل على الله واعد العدة للفصل القادم ،، حتى لو عندك انذار راح يعطونك فرصة اخيرة .. فلا تترك

نفسك ،، كلام الاخت ساكو في حكاية الترقية غير صحيح ، مسألة المقبول وخلافه يكون في الأداء

الوظيفي للموظف ،، لما يكون نازل عن 95 لما يترقى ما يعطى علاوة تشجيعيه .. خلافه ماله علاقة

المهم اخوي استعن بالله واعتمد على نفسك ، وأي ملخص لايكون شامل للمنهج ،، لا تعتمد عليه ..

يجب قراءة المنهج ثم اخذ فكرة عن طريق الاسئلة ،، والمخلصات للوقوف على جزئيات معينه ..

وإذا تغير الحال وتخرجت ولقيت نفسك مازلت في مصاف تقدير المقبول قدم على الجامعة في فصل

اضافي راح يعطونك الموافقه ،، تذاكر مواد سبق دراستها ودرجتك غير مرضيه وترفعها ويرفع

معدلك ،، اتمنى اسمع عنك الاخبار السارة ،، لك تحياتي ""