حلممي انهدم من التحضيري افيدوني الله يخليكم

[skh]s]

شوفي مح اتفلسف
بقولك ع قصة قالتلنا هيا دكتورة حنونة الشاذلي درسنا الأحياء (فديتها)<<هيا درست طب قبل
تقول وحده من البنات كانت تبغى طب وماكانت عارفة ايش يعني تحضيري ورسبت في كم مادة سحبت ورجعت درست تحضيري مرة ثانية وجابت 5 من 5 ودخلت طب..
وناجحة ماشاء الله فيه..
وفي النهاية استخيري واستشيري ناس خبرة وثقة ^__^..
لأنو هذا مستقبلك ماينفع تستشيري في منتدى وخلاص ..=)

[maryam.n]

انا كنت بقول مثل الاخ (( ريتشارد )) لو مهما شديتي في خطه ب ما ينفع لانك محمله مادة مرة مهمة في حساب الموزون و هي الفيزكس !

استخيري .. و اتوكلي على الله و اسحبي ..

و شوفي ابن سينا يمدحو فيها كثير و عندي 4 من صاحباتي فيها داخلين طب و ما شاء الله احوالهم مرة تمام احسن من البترجي غير معتمدة !

و اولا و اخيرا استخيرررررررررررري .........


موفقة يارب و يارب يفرج همك و يسر امرك

[saya chan]

انتي مو تبغي طب !!!اجل ايش اللي مقعدك في عزوز .... اقولك لا تتحطمي ولا شي ولا تضيعي ترم نمن عمرك
اسحبي ملفك و قدمي ع السنة ألجاية في البترجي والا ابن سينا ماعرف ايش الافضل و استغلي الاشهر القادمة في انك تسجلي في دورة انقلش وطوري لغتك الانجليزية عشان ما تجي السنة الجاية والا انتي تب في اللغة .... وبعدها اتخضي طب .. وان ساء اللله تصيرين افضل طبيبة .... هذا مجرد راي ولازؤم تستشري اهلك

[Amjad BaHusayn]

تعقيبا على القصة ..

الزيتون عندما يُضغط: يأتي لنا بالزيت الصافي,, ~
الفواكه عـنـد عصــرها: تعطينــا ألــذ العصــائر,, ~
فإذا شعرت بمتاعب الحياة تضغطك بهمومها .. وتعصر قلبك بآلامها .. فلا تحزن !!
إنه >> الله يريد أن يخرج أحلى ما فيك: >> إيمانك << لتنال الأجر، فاستعن بالصبر . لاَ تحزَنْ إذا مَنعَ اللهُ عَنْكَ شَيء تُحِبُه فَلَو عَلِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته

[العيال كلهم]

أن الصبر في مثل هذه المواضع لايفيد
وإنما التحلي بالذكاء وحُسن التصرف ،
رُبَّ نقمة جلبت نعمة ، ورُبًّ نعمةً جلبت بعدها نقمةٌ .

[DedoOo]

المشاركة الأصلية كتبت بواسطة ريتشارد انتي تبين الطب ؟! اوك اجل لا تجاملين احلامك ومُستقبلك عشان تفاهات ، خصوصا انك شاطره وما ينخاف عليك لازم تآخذي خيار حاسم ، واللي يبغى يوصل للي يبغاه لازم يتعب .. استمرارك بالجامعة ما راح يحقق اللي في بالك حاليا والحل هو انك تسحبي وترجعي للسنه الجايه او انك تقدمي على كلية ابن سينا او البترجي بفلوس لحد ما تدفع عنك الحكومه وتذكري ان معدلك بالثانويه جدا ممتاز وما راح يخيبونك ابدا .

+1 <~ مع رأيه وبقققوه

آنآ مثلك كنت بالثانويه والحمد لله معدلي كآن حلو

بسسس صدددددددمه وانتكاااسه كانت نتيجتي دآ الترم برضو ..

وحلمي زي حلمك آتمنى واحلم بالططب .. ولكن الحمد لله على كل حآل

وانا اقلك اسسحبي وخشي السنه الجايه بمعنويات عاليه وثقه تامه وبتصيبيها وتخشي طب ان شأ الله ..

وانا غالبا بكون معاك بـ القرار دآ <~ يعني بلحقك واسحب مثلك .. =)

والله يختار اللي فيه الخير لنآ ولكم .. ولا تنسي الاستخارررررره

والله الموفق

[Dr.Malak12]

مو انتي بس الي حطمك الفيزياء الا انا دمرني المواد كلها a+ الا ذا الزفت 76
وربي شوي وانهآآآر اصلا شكله غلط بين الدرجاات
والي ذابحني اكثر انه مادة سهلة بس مافهمناه والله اجتهدت ولا خليت ولا ملخص
الا ذاكرته ولا اسئلة سابقة والا ذاكرتها بس الحمدلله ..
بالنسبة لحلمك مااظن له نصيب فجامعة عزوز روحي ابن سينا اشرف لك ريحي بالك
ونسبتك عالية ماشاء الله قدمي منحه وعلى طول تجيك انا بنت خالي فاابن سينا ..ولااوصيك تمرين على طبيب نفسي بعد التيارات العصبية الي عشتيها وحالات القلق والتوتر
لان اول نتيجة نحصل عليها من التحضيري نفسية منهارة
وادعي لنا معاك انو نفوز بالمعركة والقتال من اجل التخصصات >>ضرب عقلهااا

[lujain.alsagh]

مرآآ لا تزعلي نفسك .. قولي الحمد لله وربي اكيد بيفرجها ..!!

مافي احسن من الله يقدر يدلك على الانسب لكِ صلي صلاة الاستخاره والله راح يخيرلك الخير ..

ثاني شي .. اذا عندك المجال انك تروحي كلية اهليه طبيه .. انا اقلك ابتسمي لعبد العزيز وشيلي اغراضك والله معاكي ..

فكرة انك تشدي حيلك الترم الثاني على امل انك ترفعي المعدل وتاخدي صيفي وتدخلي طب ؟؟
التخصصات الصحيه يطلع تسكينها قبل بداية الترم الصيفي او معاه ..

ولو اخدتي صيفي وجبتي معدل قوي جدا ممكن تدخلي طب بالمناحله ممكن لا حيقولولك سنه زياده وبعدين حولي وحليها يا انك تحولي او لا..


المختصر <<<< بدري ..

اذا عندك مجال لكلية اهليه احسنلك الطب طب في عبد العزيز في اي مكان الطب طب اهم شي انك تضمني انك دكتوره وحتصيري دكتوره ان شاء الله واقلك روحي كلية اهلييه وشدي حيلك ..


بالتوفيق قلبو

[بترولي مآكل هوآ]

المختصر المفيد ..

درجاتك ما تساعد انك تكملين في عزوز وتدخلين الطب ..

عندك اختيارين .. لازم تستخيرين وتسألين اهل الخبرة في اختيارهم :

الأول / تسحبين ملفك وتقدمي السنة الجاية ،، وخلال الفترة اللي بتعطلي فيها تقوين لغتك الانقليزية ..
الثاني / تحولين من السمستر القادم لأي كلية صحية أهلية ،، سواء ابن سينا او البترجي او الفارابي .. ماعندي خبرة فيها ،،

هذي أنسب اختيارين ،،
لكن لا تضيعين وقتك بالجامعة وتكملين وتتعبين حالك والنتيجة معروفة ..

الله يكون بعونك،،

موفقة

[التحضيري لعبتي]

الحل وآآضح جدآ .. لآ تجآملي نفسك أبدآ ولآ تكملي في الجآمعة
أسحبي ملفك وقدمي من جديد السنة الجآية
وكويس أخدتيلك تجربة جديدة في حيآتك دآ الترم
اسحبي ملفك وفي الفترة دي ذآكري الأحيآء والفيزيآء كأنك لسآ طآلبة في الجآمعة
والسنة الجديدة شدي حيلك وإن شآء الله تزبط معآكي

مرة لآ تيأسي ولآ تتحطمي
أنآ ضيعت 3 سنين من عمري في البترول لكن في الأخير تعبت ورجعت عزوز
ودحين الحمد لله مرة مبسوط .. لآ يهمك كلآم النآس .. محآ تخسري شي .. بالعكس كسبتي تجربة جديدة في حيآتك وشخصيتك