حسبــــــــــــي الله ونعم الوكيــــــــــــل

[مـلآكــ]

المشاركة الأصلية كتبت بواسطة سوسو العمودي يسلم فمك خيتو من جد احنا الاجانب مره مظلومين بالجامعه انا جبت قدرات وتحصيلي مع نسبتي بالثانوية معدل 89.98 رفضووو الجامعه يقبلوني انتظام ليش لانو مطلوب لغير السعوديين 90% مع انو مافي فرق الا شي بسييييط مره وهذا انا سجلت انتساب وماياست وان شاء الله اجيب معدل واحول انتظام بعدين احنا دافعين فلوس عشان نبغى نتعلم ليش الشروط التعجيزيه هادي فلاحد يقول الاجانب يبو يمشو بالماده وخلاص اغلب طالبات الانتساب الغير سعوديات نسبهم عاليه بس بسبب دي الشروط اضطرو يسجلو انتساب واتمنى محد يزعل من كلامي كلنا اخوان وحبايب

كأنك أنا نفس النسبة بالزبط بالملي ماشاء الله ..

لكن ربك كبير و قادر و ما حيضيع تعبنا ...

فكرت كذا مرة بالتخصص كان حلمي من يوم كنت صغيرة أكون طبيبة و ما غيرتها و لا ثانية كل الصغار يكبروا و تتغير أحلامهم إلا أنا كبرت هذاك أنا بقلبي الصغير و اتحطم حلمي مرة وحدة من دخول القسم العلمي بكبره عشان 2 \100 ليش ؟؟ عشاني اجنبية مثل ما يقوالوا كمان ما لي حق بدخول الطب ..

لكن الآن بجيب نتيجة عالية و بحول انتظام و ادخل القسم اللي ابغاه بس ما حكتفي في يوم حتسمعي عن الشخص اللي اتحطمت احلامه في شئ و بعدها صار أكبر تذكري يمكن أكون أنا ..

يمكن ما يصير و يكون حلم بس مهما يصير حكون أكبر بتفكيري لأني ما فكرت إن في انسان ما يستحق عشانه مو من هذه البلد مع انه انتي لو تعرفي صح تعرفي ان في ناس كانوا من زمان و اقصد زمان مرة من هذه البلد و الآن هم مو منها لأنه كان عندهم انفتاح اكبر في تفكيرهم و إن الإنسان واحد فين ماكان لكن الآن أمثال هذا التفكير اللي تفكريه ترجعوا البلد لوراء ...

على فكرة حكرة البيت هي الصح للي ما تبغى تتعلم أو مخها مقفل بدل ما تضيع أماكن في ناس يستحقوها أكثر منها و لا تقولوا ما في زي كده قدامي بالعمادة و أنا أطلع البطاقة وحدة تقولها أنا انتظام علمي و سجلوني و أنا ما أبغى أدخل و الآن أبغى أسحب سلامات ياماما ضيعتي المكان على غيرك و الآن تقولي بسحب يعني وحدة زي كده أجنبية تجي مكانها أشرف من انها تظل و تحطم معدل الجامعة قدام الجامعات الثانية ..

على فكرة عشان لاحظت إن في كثير يفتي بدون علم أقصد بمعدل الجامعة قدام الجامعات الثانية الآن في العالم بيسوا ترتيب للجامعات من حيث المناهج و معدلات الطلبة و نظام التعليم و بالتالي كل طالب يساعد في نزول أو صعود مستوى الجامعة ...

آخر رد لي بالموضوع بخصوص الأجانب زي ماتقولوا فمحد يعقب على ردي إن فيه خطأ لأني ما رح يهمني لأني أدري إني صح ..

على العموم صاحبة الموضوع مدربة تنمية بشرية الله يعوضك خير و ترفعي النسبة إن شاء الله بالمستوى الثاني ..