طآوله التحقيقآت بعد آنقضآء ترم من التحضيرية / - شَآرككونآ - ! =)

[شوششآ]

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

كنت آحس برهبه صرآحه لإنهآ مرحله جديده وعالم جديد وتوقعت اسوأ التوقعات
لإنو من قبل ماعندنا فكره عن نظام الجامعه
بس كانت سلسه وحلوه صحيح انكرفنا شويات وانضغطنا بس تظل هالمرحله لها طعمها =p

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

آكيد ,, جامعة الملك عبدالعزيز حلم كنت اطمح له من زمان وهي غنيه عن التعريف

3- هل كنت محدد ميولك وتخصصك قبل ان تبدآ بمشروع التحضيريه ؟

كنت اطمح لتخصص علوم سياسيه بس للأسف التخصص متاح للطلاب فقط =(
حاليًـا مااطمح لشيء حشوف معدلي يأهلني لـِ إي تخصص !

4- رآيك الصريح ف .. / تعاون دكاترة القسم / سهولة المواد / .. "

قبل ما ادخل الجامعه وايضًـا اثناء دراستي كنت اسمع اسوأ التعبيرات من الطالبات بخصوص الدكاتره
وصعوبة اسئلتهم +صعوبة التعامل معاهم ,, بس اكتشفت العكس تمامًـا
كل إللي درسوني جدآ متعاونات وطيوبات وشرحهم سو بيرفكت
وحدا بس شرحها مو قد كيذا بس اسلوبها وطريقة تعاملها مع البنات تشفعلها =)
ممم مدري يمكن حظي حيلو مع الدكاتره =p
بس اكرر نصايح إللي قبلي واقولهم لاتاخذو رأي احد في الدكاتره
الأراء تختلف فَ آلأفضل إنتو تقيّموهم

5- دوام التحضيري .. كيف تشوفه ؟ ضغط أو بالنسبة لك أريح ؟

انا دوامي من 8 إلين 2 ويوميًـا عندي بريك ساعة فَ بالنسبه ليا مايختلف عن دوام الثانوي كلها 6 ساعات
بآلنسبه ليآ آلضغط في التحضيري إنو بعض المواد دروسها كثيره والوقت قليل +مادة الإنجليزي 3 ساعات يوميًـا
وكل يومين لازم نخلص وحدة من غير الملف إللي غثونا فيه والإختبارات القصيره كل اسبوع ,, جد شي مُمل ومُتعب

6- الاختبارات الدوريه و النهائية .. كيف تشوف مستوى اسئلتهـا ؟

آلدوري آلأول بالنسبه ليا مرا حيلو وسهل بس بعدين بدأو يكشفو وجههم الحقيقي =p
آحس صعبّو الأسئله كثير ,, يعني بشكل عام اسئلتهم تتدرج بين الصعوبه والسهوله

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

حتكلم عن إللي درسوني وكم وحدا درسو عندها صديقاتي مرآ طيوبات ومتعاونات عكس ماسمعنا تمامًا

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

لسآ مآنزل ,, بس إن شآء الله مرتفع =)

9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

صراحه ماشفت فيها اي فايده اساسا السنه التحضيريه بالنسبه ليا مافيها اي فايده مجرد تعقيد لا اكثر
نظام الجامعه قبل احسن بكثير

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

ممم علمتني الإعتماد على النفس +الصبر + المثابره =)

11- تكلم عن كل مآده على حدده - بالتفصيل - ؟

-الإنجليزي: كرهت هالماده من الجامعه ,, ماله داعي ندرس اربع مستويات اصلا الدروس مكرره وبكل مستوى إضآفآت بسيطه عن إللي قبله
+ عدد ساعاتها كثير+ والإختبارات مش ولـآبد خصوصًا الرايتنق الوقت كله يضيع فيه
بس عمومًا هي سهله نوعا ما لكن هم الله يهديهم معقدينها مرا =(

- الإحصاء :يتنوع مابين الصعوبه والسهوله بحكم إني ادبي فَ عانيت شويا في الإستيعاب =p
بس الحلو في الماده إنو وقت الإختبار يكون فيه ورقه مكتوب فيها كل القوانين يعني تساعد كثير
ممم بس آلإسئله في الدوري الثاني والنهائي كانت معقده شويا =(
عمومًـأ يبغالها اجتهاد كثير وحضور المحاضرات ومتابعة الدروس اول بأول ,, لإنو إذآ مُحاضره فاتت تضيع


- مهارات الإتصال : مادة مهضومه وهيَ من واقع حياتنا يعني اشياء بديهيه ماتعبت فيها كثير
حتى وقت الإختبار بس برضو يبغالها شوية تركيز وقت المذاكره عشان ناخذ الدرجه كامله =)
الشي إللي ماحبيتو فيها التكاليف لإنو عليها 30 درجه وكل استاذه ومعاييرها
يمكن تكليف يكون سو بيرفكت بس مايعجبها يعني ال30 درجه ماحتكون مضمونه


- مهارات التفكير :سهله بس مُتعبه شويا لإنو معلوماتها مرا كثيرا وبعضها تتشابه بس بشكل عام ماده حلوا واختباراتها احلى =)

11- نصيحة .. ممكن تقدمها للطلاب المستجدين في التحضيري .. ؟
مآفي شي صعب في التحضيري بشكل عام و راح تمر بسرعة
شي طبيعي تنكرفو في البدايه لإنو نظام جديد عليكم وفي اشياء مو متعودين عليها من قبل
بس سهّلوها وتتسهل اهم شيء هيئو نفسيتكم لها ولاتصعّبوها وترهبو نفسكم ع الفاضي
يعني تجاوزتو كل السنين إللي راحت وَ وصلتو لمرحلة التحضيري فَ اكيد رآح تجتآزوها كمان =)
اهم شي اجتهدو وشدو حيلكم وحاولو على قد ماتقدرو ترفعو المعدل من اول ترم
بالتوفيق للجميع =)


غلا روحي
ربي يعطيك العافيه ويسعدك على جهودك =)