راح علي الاداره العامه

[الواصل/م]

السلام عليكم ورحمة الله وبركاته

اخواني راح علي اختبار مبادى الاداره العامه طبعا انا من الرياض وكان موعد الطياره

الساعه 11 الصبح والاختبار الساعه 8 بالليل ، السالفه ومافيها اني حضرت للمطار

قبل الاقلاع بنصف ساعه يعني عشره ونص ، قالو لي الموظفين مايمديك تركب الطياره

قالو لازم تكون في المطار قبل موعد الرحله بـ 45 دقيقه يعني تاخرت ربع ساعه فقط

ورفضو يدخلوني الطائره مع إن حجزي كان موكد سؤالي هل فيه طريقه اقدر اختبر

فيها يعني لو شرحت ظرفي للجامعه تتوقعون يوافقون اختبر ،، ولا بيقلون احملها معك

الترم الجاي . (( ياليتهم يحطون اختبار مناطق ويريحونا من المشاكل ))

[اوطان]

اقول الله يعينك

وبيني وبينك المفروض عندك اختبار او موعد مهم تجي بدري

لكن مانقول الا قدر الله وما شاء فعل

[ليل الرياض]

شف وانا اخوك

ما اتوقع يقبلون عذرك لأن اللي عنده اختبار مفروض يكون موجود بجده قبل يوم او يومين على الاقل من وجهة نظرهم

ولكن اعطيك من الآخر ومثل ما يقولون بالعربي
دبر لك عذر طبي من مستشفى حكومي بنفس تاريخ الاختبار وتقدمه للمختصين بالأعذار والغياب عن الاختبارات في الجامعة
وبعد كذا راح يقبلونه ان شاء الله اذا صار مستشفى حكومي ومعروف مو اي مستشفى او مستوصف
وراح يكون لك اختبار بديل يتحدد لاحقاً تضمن انك ما تكون راسب في المادة

[مملكة مساعد]

الله يختار الخيره ومااصابك لم يكن ليخطئك...
مثل ماقال اخوي مالك الا عذر طبي من مستشفى حكومي او عذر بعيد الشر عنك وعن احبابك حاله وفاه او حادث هذي الاعذار اللي تجبرنا عليها الجامعه غيرها مايقبلو