نزلت درجات المحاسبة 213.. طلاب .. باشنيني

[باور هورس]

المشاركة الأصلية كتبت بواسطة alembra6or يمسيك بالخير اخوي .. درست عند هالرجال الفاضل محاسبة 117 - و محاسبة 213 والحمدلله ما شفت منه الا كل خير واعرف ناس يتمنون يدرسهم وهم في مستويات متقدمة . واللي فهمته من كلامك انك ما قعدت معه الا اسبوع وماعجبك , حتى اول يوم لنا معه باول محاضرة خوفنا وقالنا نسبة الرسوب بالعربي كبيرة اجل كيف بالانجليزي وتخويف لكنه في الحقيقة ووسط المعمعة يراعي كثير خاصة من كان منضبط بالوقت واللبس المناسب . على العموم كلن له رأيه وعلى قول الشاعر "ولي نظرة وله نظرة" اعيد وابارك للجميع والفال لباقي المواد إن شاء الله بدرجات أعلى لكل الطلاب والطالبات .

المفروض باشنيني يعطيك شهادة شكر وعرفان

لا من جد تستاهل

حبيبي باشنيني الدكاترة والمحاضرين اللي معاه في القسم مو طايقينه
فكيف بالطلاب

صرررررراحة أنت أول واحد يمر عليّ يمدح باشنيني

با شنيني

يتكلم عن الأخلاق وحسن التعامل وهو بعيد كل البعد عنها
انسان متشائم لأبعد الحدود لدرجة انه زرع فينا التشاؤم
من اول محاضره الى اخر محاضره تحطيم في تحطيم

كنت ناوي اتخصص محاسبة لكن
والله اني كرهت المحاسبة بسببه

من ناحية الشرح يجلس عالكرسي في اخر الكلاس ويجلس يقرا من السلايدات
ولا عمره مسك القلم وحل تمرين
كيف يبغاني احل في الاختبار
يبغانا نحضر الكلاسات الاضافية ( كأن ماعندنا في الدنيا هذه الا المحاسبة )بالنسبة لي وقت المحاسبة عندي هوه وقت المحاضره اللي مسجله عندي في الجدول يعني هذا وقتي المخصص للمحاسبة والمفروض يحل تمارين فيه ولا وش الفايدة من وجوده وهذا من حقي مو يجلس يقرا من السلايدات كاننا في حصة مطالعة غير كذا ما اقدر
ماني فاضي له احضر كلاسات زيادة عشان احل التمارين

وبسبب با شنيني

نجحت بدرجة سيئة عكس 117 ناجح فيها بــ a
لالالا لتخصص المحاسبة مجنون انا اروح لباشنيني وامثاله برجولي



الله يهديك يالامبراطور
قهرتني وانت تمدح فيه
ياخي صدقني اهله مو طايقينه
ماحد يحبه حتى امه ماتحبه

صراحة ودي اعرف مين خلف ( الامبراطور )

لا يكون انته باشنيني وجالس تمدح في نفسك

كل شيء جائز

لأنه كلامك غريب ومناقض للواقع ويدعو للشك والريبة

[ALEMBRA6OR]

المشاركة الأصلية كتبت بواسطة باور هورس المفروض باشنيني يعطيك شهادة شكر وعرفان لا من جد تستاهل حبيبي باشنيني الدكاترة والمحاضرين اللي معاه في القسم مو طايقينه فكيف بالطلاب صرررررراحة أنت أول واحد يمر عليّ يمدح باشنيني با شنيني يتكلم عن الأخلاق وحسن التعامل وهو بعيد كل البعد عنها انسان متشائم لأبعد الحدود لدرجة انه زرع فينا التشاؤم من اول محاضره الى اخر محاضره تحطيم في تحطيم كنت ناوي اتخصص محاسبة لكن والله اني كرهت المحاسبة بسببه من ناحية الشرح يجلس عالكرسي في اخر الكلاس ويجلس يقرا من السلايدات ولا عمره مسك القلم وحل تمرين كيف يبغاني احل في الاختبار يبغانا نحضر الكلاسات الاضافية ( كأن ماعندنا في الدنيا هذه الا المحاسبة )بالنسبة لي وقت المحاسبة عندي هوه وقت المحاضره اللي مسجله عندي في الجدول يعني هذا وقتي المخصص للمحاسبة والمفروض يحل تمارين فيه ولا وش الفايدة من وجوده وهذا من حقي مو يجلس يقرا من السلايدات كاننا في حصة مطالعة غير كذا ما اقدر ماني فاضي له احضر كلاسات زيادة عشان احل التمارين وبسبب با شنيني نجحت بدرجة سيئة عكس 117 ناجح فيها بــ a لالالا لتخصص المحاسبة مجنون انا اروح لباشنيني وامثاله برجولي الله يهديك يالامبراطور قهرتني وانت تمدح فيه ياخي صدقني اهله مو طايقينه ماحد يحبه حتى امه ماتحبه صراحة ودي اعرف مين خلف ( الامبراطور ) لا يكون انته باشنيني وجالس تمدح في نفسك كل شيء جائز لأنه كلامك غريب ومناقض للواقع ويدعو للشك والريبة

تعرف ليه يكرهونه لأنه دايم صريح ويحكي الواقع وعلى ما يقولون الحقيقة دائماً مرة ومحد يحب الصريح بهالزمن للأسف لازم نجامل على أساس نكون مية مية بعيون الناس .

هو يقولنا دايم يختلفون معه بهالقسم يعني في مواضيع عامة عن الشباب مثلا وهكذا ويقول الحق واللي بيصير والباقيين يحاولون يجملون وعلى هالمنوال .

المهم يابعدي درست عنده والحمدلله عجبني اسلوبه وشرحه مامثله حتى اللي يكرهونه يعترفون له بالشرح . وبالنسبة للتمارين هو بنظره الوقت ضيق والكتابة بتاخذ وقت طويل ولو استمر كذا ماراح يغطي المنهج بالوقت المطلوب , لكن كان يقول حل اي سؤال يخطر ببالك وتعال مكتبي . وكويس قالكم كلاسات اضافية يوم درست معه ولا كلاس اضافي , مدري يمكن انت رحتله بالصيف والوقت ضيق شهرين ونص عكس الترم العادي 4 شهور .

اما السلايدات ترا هي هي الكتاب لكن ملخص النقاط المهمة والأساسية ولو تقراها لحالك اظن بتمر عليك شرايح كثيرة ماتفهمها وارقام مدري من وين جات فاهو يشرح لك السلايدات كاملة واشوف انها طريقة ممتازة ومطبقة في دول متقدمة على كلام أحد الأخوان .

أما لو طموحك المحاسبة المفروض تكون ارادتك قوية وما تسمح لأي أحد يكون عقبة بطريقك .

أبد ما خلف الامبراطور الا طويليب مسيكين .

على العموم احترم وجهة نظرك وعلى راسي والله وماودي اخرب الموضوع اكثر خل الناس تبارك


العذر والسموحة من الجميع .