انسحبت من الاختبارات بسبب ظروف اجباريه افيدوني

[عميد بلا كليه]

الله يستر عليكي ويفقك وان شاء الله بيقبلون عذرك وبدون كذب بس الحي في الدعاء الى الله ان يفرج همك اللهم امين
وخلينا نعرف وش صار معك واذا تبين اي شي انا مستعد اروح لهم الجامعه واكلمهم لاني في جده الا الى يوم الاربعاء القادم وبعدها بنزل الشرقيه.

[طير بلا جنحان]

مشكور أخوي,, انا حجزت طيران حجزت سكن ورحت مع زميلاتي وبعد ماوصلت السكن تعبت فجأه بدون سبب صرت مانام لمدة 3 ايام متتاليه وأثر على مذاكرتي كنت ابي انام ولما احاول انام مايجيني نوم وصرت ابكي طول الوقت وتجمع علي التعب واغمى علي يوم السبت اول يوم اختبارات نقلوني طالبات السكن لمستوصف سبأ بالسليمانيه وقال الدكتور انه النفسيه مررره تعبانه ومايصلح أقدم اختبار وكلموا زوجي ومررره خاف ورجعني الشرقيه,, الحين انا مرره زعلانه يعني بعد ماذاكرت وتعبت وتخسرت مصاريف سكن مارجعوا لي منه ولا ريال ومصاريف طيران رجعت!! والمشكله زوجي يشتغل بالرياض وانا بالشرقيه عند اهلي وماعندي حد يطلع معي للاختبارت الا زوجي ياخذ اجازه وقت الاختبارات البديله او الترم الجاي:( ومررره ضايق صدري مدري وش اسوي حتى فكرت اسحب ملفي من عبدالعزيز الله يعين بس

[طير بلا جنحان]

,,,,,,,,,

[kikah.81]

ربي يعينك لا تتهوري وتسحبي الملف ما بقى شي عليك إن شاء الله كل امورك تتعدل والل في خير وصلاح ربي يسويه من جد ضاق صدري عليك ..

[عميد بلا كليه]

المشاركة الأصلية كتبت بواسطة طير بلا جنحان مشكور أخوي,, انا حجزت طيران حجزت سكن ورحت مع زميلاتي وبعد ماوصلت السكن تعبت فجأه بدون سبب صرت مانام لمدة 3 ايام متتاليه وأثر على مذاكرتي كنت ابي انام ولما احاول انام مايجيني نوم وصرت ابكي طول الوقت وتجمع علي التعب واغمى علي يوم السبت اول يوم اختبارات نقلوني طالبات السكن لمستوصف سبأ بالسليمانيه وقال الدكتور انه النفسيه مررره تعبانه ومايصلح أقدم اختبار وكلموا زوجي ومررره خاف ورجعني الشرقيه,, الحين انا مرره زعلانه يعني بعد ماذاكرت وتعبت وتخسرت مصاريف سكن مارجعوا لي منه ولا ريال ومصاريف طيران رجعت!! والمشكله زوجي يشتغل بالرياض وانا بالشرقيه عند اهلي وماعندي حد يطلع معي للاختبارت الا زوجي ياخذ اجازه وقت الاختبارات البديله او الترم الجاي:( ومررره ضايق صدري مدري وش اسوي حتى فكرت اسحب ملفي من عبدالعزيز الله يعين بس

اختي الفاضله زي ماقلت لك انا موجود في جده اذا تبين اراجع الجامعه قسم رجال ماعندي مانع واذا تبين يتواصل معي زوجك برضوا مافيه مشكله بس الاسبوع القادم لان يوم الخميس راجع ان شاء الله الشرقيه

[طير بلا جنحان]

أوكي أخوي مشكووور الف الف شكر ,, ماقصرت فرجت علي هم ,, بخلي زوجي يكلمك..

[jo0odi]

اذا احتجتي شيء مني بلغيني و ترى قسم الرجال افضل من الحريم بمرآحل
..

[الانس]

الله يفرج همك حبيبتي وييسر أمورك وبإذن الله تنحل

الجئي لله بالدعاء .. وصدقيني رح تفرج بإذن الرحمن

لاتستعجلي حبيبتي وتسحبي ملفك .. الأخوان ماراح يقصروا الله يجزيهم كل خير

وقبل كل شي ربنا معاك يآرب .. وطمنينا عليك

[NOKIA]

السلام عليكم ورحمه الله وبركاته

اول شي كان الله في عونك

ثاني شي الامر سهل وبسيط لا تضيقين صدرك ابداً شوفي وانا اخوك انا الترم الي راح نمت عن اختبار ماده وماصحيت الا لما انتهى الاختبار انهبلت الا شوي . وراسلت الاخوان الي هنا الاغلبيه قالوا لي عذر طبي ومن مستشفى حكومي . ارسلت لدكتور المادة شرحت له كل شي وبكل صراحه . قال لي اراسل وكيل الكليه وان شاء الله يتفهم وضعي . ماكذب عليك ماتصلت على الوكيل قلت لو بكلمه بيكون عذر غير مقبول عنده. رحت لمستشفى مابي اذكره هنا قدام الكل علشان لا يصير تشويه صوره للمستشفى ورحت لدكتور معين وذكرت له ماصار لي . والله يجزاه خير عطاني تقرير طبي اجازه وقال رح قدمه للجامعه وللمعلوميه مستشفى اهلي وليس حكومي . صدقت التقرير من الشؤون الصحيه بجدة ووديته للجامعه وانقبل العذر ...

في حالتك انتي الي بيصير معك كالتالي :

عدم حضورك الاختبار بيرصدون لك علامه dn عند كل مادة ماحضرتيها وهذي طبعا تسبب نزول المعدل واذا جبتي العذر الطبي وقدمتيه لهم وانقبل ان شاء الله بعد فتره تطول احيانا يغيرون من علامه dn الى علامه at يعني اختبار بديل بالحاله هذي اذا صارت كذا وجاء الترم القادم ان شاء الله تختبرين المواد الي ماحضرتيها وقبلوا عذرك فيها . وللمعلوميه ان شاء الله يقبلون عذرك بس تحذفين جميع المواد الي صار لها علامه at من جدولك تحذفينها من قائمه الحذف والاضافه واذا اختبرتيها الترم القادم ان شاء الله كل شي يتعدل ولا ينزل معدلك ولا شي وكأنك حضرتي الاختبارات .

وبما انك كليه الاقتصاد عندي رقم شخص مسؤال فيها ان شاء الله يفيدك خلي زوجك يكلمه اذا قدمتي العذر وهو ان شاء الله يتفهم . لاني كلمته والرجال كان خلووق ومحترم.

مجرد وجهه نظر : ماتوقع الجامعه بتقبل عذر لاربع او خمس مواد وانتي بترسلين لهم مجرد رسائل ، من وجهه نظري لو تدبرين تقرير طبي واذا تبين اعطيك اسم المستشفى الي رحت له روحي له او زوجك يروح له واسم الدكتور اعلمك وهو يتفهم ان شاء الله بيعطيك تقرير يشرحه على كيفه هو .

والله يسهل عليك ويشرح صدرك

[B N D R]

الله يعينك ..

لكن لا تخافي ولا تقلقي ولا تتضايقي .. انا برضوا مريت بنفس مشكلتك .. تخيلي اني اخطيت بتوقيت الاختبار ولما تجهزت بروح ورحت بتأكد من مكان الامتحان اي مبنى .. شفت الوقت !!! وانصدمت .. تضايقت لدرجه اني تحطمت نفسياً .. تعبت تعب الله اعلم به .. لان معدلي ولله الحمد كويس وماكنت بودي اخسر شي .. االزبده اسودت الدنيا بعيني وكرهت كل شي وجلست لنهاية الاختبارات بوضع مزري وكل لحظه اتذكر فيها الموضوع واحس بحسررره .. لكن الحمدلله بعدها قدمت عذر وقبلووووه وانحلت الامور .. خلاصة المووضوع انك لا تتحطمي ولا تطفشي وتكبرب الموضوع .. صدقني الموضوع اسهل من مما تتوقعي .. بس انتي خوذي نفس عميق .. وارتاحي شوي .. وفكري بهدوؤ وما طايرن شي .. يعني معاااك وقت كثير .. وبتلاقي حل .. صدقيني الهدؤ هو اهم شي .. وعسى ان تكرهوا شيئا وهو خير لكم ... وترى الدنيا ماتتوقف على كذا .. لان فيها اشياء اهم بكثير من الدراسه ومن كل هالاشياء .. والخساره بالعمر ..

اتمنى بكلامي اني اكون خففت عنك لو شي بسيط .. تمنياتي لك بالتوفيق ..