اختبار بحوث عمليات 2 bus 427 لعـام 1433 هـ

[عآآآدل]

السؤال الأول 15 درجه ...

سهل جدا ومبآشر .. عن نظرية المباريات يعني مايبيله شي ,

آلسؤال الثاني عليه 25 درجه .. أيضا عن نظرية المباريات لكنه دبلة كبد وقعدت أعفس فيه الحاله نص الوقت طبعا مامر علينا من اول حتى بالكتاب ماتطرق له بالتفصيل يعني مرور الكرام .. لكنه ظلمنا بهالسؤال وظلمنا يوم حط عليه 25 درجه ..

طبعا السؤال عن يحل بطريقة التجزئه ..

السؤال الثالث عن المحاكاه والطيارين .. حآط الأحتمال وقدامه كم طيار مريض .. عاد انت تستنتج الأحتمال التراكمي ... عقبها تنتبه ان عدد الطيارين خمسه وليس ثلاثه كما هو الكتاب يعني لن تلغى الرحلات الا اذا تعدى احتمال الطيارين المرضى خمس طيارين .. وتبدا تعبي الجدول وكل مايصير عندك طيار مريض يصير محله واحد يعني بيكونوا الطيارين بلا عمل 4 نقص منهم واحد اكيد فهمتوني :)


السؤال الرابع عن راعي اللوموزينات الله يقلعه .. طبعا السؤال مقلووب كليا ومو نفس الكتاب .. ومن الحل ان راعي اللومزينات ينطق على ورشته أبرك له من الأنتقال لورشه بديله .. طبعا السؤال فيه خطأ يمكن ماحد انتبه له يومه يقول ينتقل لورشه بديله ويوفر 300 ريال ونسي انه مغير 300 وحاطها 400 :) يعني شكل الاسئله مكتوبه على عجله..


السؤال الأخير عن الدفعات الأنتاجيه ومكتوب نصا وبالأرقام من الكتاب .. لكن حل الكتآب فيه خطأ والي معتمد على حل الكتآب ربنا وربه آلله ,,,


هذا ملخص للي جانا لكي يستفيدوا منه الأجيال القادمه ^_*