أخر فرصـة لـ أختبار الحاسب (حقك لا تسكت عليه ). أخر المستجدات للأختبار :(

[the change]

الله يوفقك ويسهل لك اخويا سملق إنتا واللي معاك

زي ماقالو كلهم الحل حاليا إنك تجيب عذر, والعذر عندك والحمد لله روح بكرا وأديهم إياه

يمكن حيكون فيه مناقشات وكلام وما إلى ذلك يعني ما أظن بسهولة حيقبلوا العذر ويقولولك خلاص حتختبر

فخليك "محاور" جيد واتكلم وناقش ولا تسكت , واهم شيء الثقة , يعني إنت عندك عذر وغير العذر الطبي عذرك إنك اعتمدت على جدول خاطئ ولخبطة فشيء أكيد حيكون فيه حالات مشابهة لحالتك ولخبطة في الجدول والموعد

روح والله يسهلك ويفتحها عليك إن شاء الله .. كلنا بندعيلكم وحاسين فيكم والله


+ فيه حل كمان انا لو كنت لاازم أعمله غير اني اجيب العذر

روح لاي مسؤول في الجامعة , يافي العمادة او أي احد وكلمه وخليه يساعدك

حيكون سند لك كذا ولاكذا حتحتاجه يوقف معاك , عشان تختبر ويمشي موضوعك في المادة

يعني لو كنت مكانك حركز على هذا الشيء بشكل كبير بالاضافة للعذر



والله يسهلك مرة ثانية , وطمنا

إن شاء الله تجي بكرا وتقلنا انو موضعكم انحل ^^

[M!SS Lara]

الله يوفقك يااارب ويعيدو لك الاختبار :"(

[the change]

++

ناخذ عظة وتجربة من اللي حصل \\ لاحد يعتمد على كلام المنتديات نهائيا , والمصدر الموثوق والصحيح والمؤكد يكون من دكاترتنا "دكتور المادة نفسه وبعينه" خصوصا فيما بتعلق بالاختبارت والاشياء المصيرية هذه + المنتدى والموقع الرسمي للجامعة اللي هو المنتدى الاخضر << على قولنا

أما هنا احتمال يكون نقل خاطئ ولخبطة زي ماحصل الحين , فخذوا الشيء من مصدره ولااااتعتمدوا على غيره أبدا

انتبهووووا



وإن شاء الله درس لحقون الحاسب , ولنا جميعا

[.special.]

^

1+

[شموخي كبرياء]

لاتسكت عن حقك وقدم عذر ما قبلوه روح لأسامه الطيب >> مسؤل السنه التحضيريه زودوها لا اسلوب ولا اسئله ولاشرح واللله عجايب ..

[noonz]

الله يفتحها عليكم وييسرها
بشرونا اذا سار شي قلوبنا معاكم والله وحاسين فيكم :")

[سملّق :)]

أشكرر كل الاعضـــــااء ( الاخوان والاخوات ) اللي ساعدوني .. في هالموضوع

ولو بكلمــة ،، ولو بدعاااء .. ولو مساعدة معنوية فقط بالتأثرر

واقول لهم ، شكرا لكم من كل قلبي ( فعلاً الانسان بدون اصدقاء = الانسان بدون روح )


فعلاً في هالموضوع تبين معنــى كلمة : الاخووة .. + الصدآآقةةة .. الله يخليكم يارب ولا ننحرم منكم ..

....................

شكر خآآآص ، للأخت : { لنغيّر } .. التي ساعدتي بكل ما تملك من معلومـات .. ووقفت معي وقفةةة

اقل مايقال عنها أنها ( وقفة بنت رجـــــــــــــــااال )


والله يوفقها ياررب ويوفقكم كلكم :)

ويوفقكم للتخصصات اللي تبغونهااااا .. ويسهل عليكم الاختبارات ..

..................................

بالنسبــة : للموضوع ..

رحت لهم وطلعت لي عذر طبي ( من مستوصف ، دفأ الطبي ) مادري يعتمدونه ولا لا ؟

المهم اني انا قلت لهم أني كنت هناك ،، وقالوا لي ترى بندق عليهم .. قلت دقوا

............

اول مارحت لهم ، قالوا لي أنت اللي جيتنا أمس .. قلت : اييه ، لكن الدنيا صارت زي الوحوش

تبزوط ، وتعاند ( تحصل على أحترامك ) ولكن تسير طيب .. وتقول الحقيقة ؟؟

تأكلها على وجههك !!

والحين انا ماني ساكت لكم ابداً على اللي سويتوه فيا أما تقبلون العذر الطبي ، واعيد الاختبار بشكل ( قانوني )!!

أو اني اروح أشتكي على عمادة القبول والتسجيل ، التي اعطتنا جدول مكذوب ( وقاموا بتغييرة بعد 5 ايام )

عشان يغطون على تصرفهم الغير منطقيي ابداً !!

ولعلمك ترى الجدول المكذوب ،، حتى لو غيروه العمادة عندي نسخةةة منه ، يعني ماراح تغطون على شيء !!

قلت كل هالكلام في وجوههم وبلحضة غضب وب اعلى صوتي ..

انا يوم رجعت البيت ، وربي ندمت اني قلته ،، :(

المشكله عندي عذر طبي ويحق لي اعادة الاختبار بشكل قانوني // فماله داعي اسوي تهديد وكلام

بس يالله الي حصل حصل وراح أخذها درس ( الدنيا دروس )

وبيني بينكم ، كنت موااصل .. يوم رحت وقااافلة الاخلاق h .. منهم ..

حتى هم والله راعوا مشاعري ، يوم شافوني غاضب وحاولوا تهدئتي ( توهم يحسون ) ههههههههههه

المهم الخلاصة : قالوا بندق عليك .. اذا اعتمدنا العذر ونعطيك موعد للأختبار .. بس باقي الجامعة تدق ع المستوصف :(


ودعوااتكم ..

انا على أنتضاار التليفون منهم ..
...................

للعلم أختي ( لنغير ) ترى الجدول اللي في المنتدى ، ماخوذ من جدول العمادة ( يعني العمادة هي اللي جابت العيد فينا )

مو المنتدى ههههههههههه

والمنتدى والادارة ( مساكين ) مسوين اعتذار ، المفروض العماادة اللي تععتذرر ، ماهو المنتدى !!

وبالتوفيق يارب .. لنا ولكم في الاختبارات الجايية :)

[عآشق الريم]

^

آهاا

الحمد لله يعني تفهموآا الموضوع ^_^

ان شآء الله تختبر و تفرح بالفلل مآرك بعدْ

[Astronomer]

احلى شي انه الاخلاق تكون قافلة معاك يصير حماس هههه

ويارب ويارب ويارب في هذا الوقت الفضيل يدقون عليك ويقولون اخي سملق سوف نعيد لك الامتحان ..

والله كل الشعب داعي لك ...

بالنسبة لمستوصف دفأ هع كان رحت لمستوصف خالد الطبي << لكنهم حرامية

ولا تخاف راح يقبلون عذرك حتى لو ابوك كاتب ورقة غياب هع بيقبلوها دونت ورري

[سملّق :)]

^

خالد الطبي 2 .. قصدك اللي في السامر ؟؟ رحت له .. صرفوني الاستقبال قالوا رح للدكتور

طلع الاستقبال فيهم واحد شغلته مراقب للمستشفى ، ويبغا يشوف هل الدكتور يسوي اعذار كذب ولا لا ؟؟

وهو اللي قابلني ، قال رح للدكتور شوفه هناك (ويبتسم ابتسامة شريرة كذا ) ،،

ههههههههههه شوفي الملعون ( حرامي يلعب ع حرامي )

على طوول فهمتها ، رحت للدكتور ، وسولفت معه شوي ، ماقلت له ع الموضوع بس سولفت معه شوي

عن الكشف وما الكشف بس ولا جبت طاري الموضوع ،

المهم عرفت ان المستشفى مراقب ، ويمكن اروح فيها لو اكلم الدكتور ..

يعني على الاقل لو مسكوني وانا اسولف مع الدكتور ، اقول لهم اسألوه وش قلت له ؟؟ وراح يقول لهم السالفة

وانه كان يكلمني عن اسعار الكشوف التخصصية :) واطللع منهها < كليفر قاي :)

المهم رحت دفأ ( كلها 150 ريال حطيتها فوق الطاولة // ههههههههه المصري عيونه بغت تخرج يوم شاف الفلوس )

...........

المهم انتبهي ، ترى خالد الطبي 2 اللي في السامر ، هذي حركاتهم ، يستغل المراقب الوضع ويستغل حاجتك

عشان يمسك الدكتور ( وانت طبعا الضحييية )

أنتبهي :)