المشاكل الحقيقية للطلاب وطالبات ألسنة التحضيريه عام 1433-2012 رسالة لمن يهمه الامر

[مدام - المصري]

يعطيكم العافية على هالموضوع

أنا الصراحة في نقاط معها وفي نقاط ضدها
1) أنا معاكم أنه وقت الإختبار ضيق أنا عن نفسي إختبار الثقافة تخيلو قالو باقي ربع ساعة ويخلص الوقت وأنا مو محددة شي بورقة الإجابة
2) إزعاج المراقبات صراحة يوترو الواحد بالمحاضرة اللي يعطوها كل يوم قبل الإختبار ( لاتستخدمي القلم الحبر - لا تحددي إجابتين - بطاقة الجامعة ...... ) كل يوم كل يوم و بصراخ ونرفزة كمان, المفروض أول يوم وخلاص مو قاعدين يتكلمو مع بنات 3 إبتدائي , مع إحترامي ما جتني الا مراقبة وحدة حسيت إنها فاهمة شغلها
وكمان مرورهم بنص الإختبار ما ازيد على اللي قلتوه المفروض بأخر الإختبار تجلس الدكتورة على طاولتها وتستدعي الطالبات بالترتيب مو كلهم يقومو مع بعض بكذا تكون ضمنت إنه الكل وقع و كمان الأوراق مرتبة حسب ورقة التوقيع
3) و أخيرا وقت الإختبار اللي يخلص الساعة 10 بالليل صراحة دمار يعني العصر ماشي المغرب ماشي إحنا نقدر إنه الجامعة عليها ضغط
بس إختبار يخلص الساعة 10 حرام ( أولا لمذاكرة الإختبار اللي بعده مافي وقت ثانيا في نساء تختبر يعني متزوجات عندهم بيوت مسؤولين عنها وفي رجال عندهم بيوت وأولاد إذا خلصنا الساعة 10 بزحمة الشوارع ماندخل البيت قبل 11 و أكثر )
4 ) أنا ما عندي مشكلة إنه الإختبارات كلها ورا بعض أصلا المفروض إنه دارسين المواد قبل مو يوم الإختبار
بس طبعا إذا مافي وقت في الجامعة إلا إنهم يختبرونا الساعة 8 ونخلص 10 لا طبعا أفضل تتزود أيام الإختبارات وتتوزع بحيث ما أحد يختبر بهالوقت
5 ) وهذه المشكلة الأكبر مواقف السيارات وتنظيم السير داخل الجامعة وأمام البوابات مأساااااة والله لا إنت وداخل ولا إنت وطالع في غلط فضيع يسبب الإزدحام وهوه اليوتيرن الصغير اللي قبل مدخل بوابة مباني الإختبارات هذا اللي السيارات بتخبط ببعض عنده بسببة بتصير زحمة مو طبيعية قسم بالله عنده بس بجلس نص ساعة
6 ) داخل الجامعة عانيت معاناة الجامعة كبيرة و ماني عارفة وين المباني وأنا حامل وما أقدر أمشي والله كنت أمشي مشي و أنا ضايعة مو عارفة شي بسبب إنه مافي ولا لوحات ولا شي يدلك
لازم يكون في لوحات إرشادية عليها أرقام المباني
وكمان لازم يرسلو لكل شخص وين راح يختبر مو هوه يجلس يخمن ويدور لربة يفرجها
وأخيرا
إنتقاد على الطالبات
والله إنصدمت ببنات الجامعة الـ full makeup و القصير و تسريحات الشعر
يعني أنا مو معقدة كنت أحط كحل ومسكرة و ملمع
وأحب أشوف البنات مترتبات و عادي البلاطين والبلايز المخصرة
بس الأشكال اللي كنت أشوفها
لا توحي بشكل طالبات جامعة مع إحترامي كان في أشكال كإنها رقاصة رايحة كباريه حتى جاين بكعب طوله مشالله
المفروض تكون عقلياتهم أكبر من كذا

أتمنى يصير في إهتمام من المسؤوولين ولو لبعض المشاكل ويسمعو لحلولنا لأنها مو صعبة