ينفع أأجل الترم الثاني والا لا

[المعادن]

السلام عليكم

انا طالبة ماجستير درست ترم واحد واكملته من المواد التكميلية
والترم الثاني بنصه قدمت اعتذار وقبل اعتذاري

أقدر أجل الترم الجاي بعد والا عشاني مواد تكميلية مااقدر ؟؟


ياليت اللي تعرف تفيدني ضروري الله يجزاكم خير

[t3bt ashtag]

وعليكم السلام
والله ماعندي خلفية ان شاء الله يفيدونك البنات
لكن ابي اسألك عن المواد التكميلية اللي درستيها اول ترم ايش هيه المواد وشلون كانت سهله والا صعبه
وبالنسبه للمعامل شلون كانت
ابي نصيحتك تكفين

[عماد الحسن]

عليكم السلام ورحمة الله ،،

نعم من حقك طلب تأجيل الفصل الحالي قبل يوم 3 صفر ولكن أنصحكم بالمحاولة لأن الفصل قرب ينتهي، ويجوز للطالب تأجيل فصلين في الدراسات العليا حسب النظام.

ملاحظة/ حسب المشاركات في المنتدى لاحظت أن أكثر التخصصات في الصعوبة من ناحية المواد التكميلية هم طالبات قسم الكيمياء ،، فما هي الأسباب لهذا الموضوع؟
وأقترح عليكم في حالة اتفاقكم على وجود مشاكل أو معوقات أن تتواصلوا مع الدكتور خالد أبو النجا وكيل كلية العلوم للدراسات العليا ، علماً بأني أقابله باستمرار في مجلس الدراسات العليا وممكن أوصل خطابكم له.

[t3bt ashtag]

جزاااك الله خير دكتور عماد
بحاول أسأل واشوف الاسباب ولي رجعه

[المعادن]

هلا فيكم

وشكراً لافادتي ،، انا مشكلتي ماهي مع المواد وصعوبتها مشكلتي بصحتي
ادعو لي تتحسن واكمل دراستي على خير

بالنسبه لك تعبت :
المواد الترم الاول كانت ثلاثة مواد
كيميا عضوية
كيميا غير عضويه عناصر انتقاليه
كيميا تحليليه ولها معمل سهل

الاولى فهم صح كثيرة بس حلوة مثل ماموجود بالمنهج بيجي بالاختبار وكثير عدو فيها
الثانية دسمة وغلسه وفوق هذا الاسئله تجي كأنها ألغاز وانتي تفكي الشفرة
تطلعي برا القاعه تكتشفي ان الحل سهل وبسيييييط جداً لكن لان طريقة الاسئله كأنها أحجية
بتخليك ماتركزين ومن كل اختبار بتطير كذا درجة الين يجي اختبار الترم وتتمني تعدي رغم صعوبة المادة
اسئلة الاختبار جداً سهله ولكن من السهل الممتنع اللي صعب تحليه بدون ماتفكري وتفكري ولاحظي الوقت تبع الاختبار جداً قصير وهذي وجهة نظري على حسب الدكتورة اللي كانت تعطينا ومع العلم قليل جداً اللي نجحوا بهالمادة

والمادة الثالثة حفظ تماماً كلها اجهزة وشروحات ورسومات سهله بس كثييييرة برضو كثير عدوا فيها



واما مواد الترم الثاني كانت
تكملة العناصر الانتقاليه بس شكل الدكتورة كانت طيوبة وبتشرح زين واسئلتها واضحه
انا ماكملت الترم بس كان واضح من الشهر الاول
ومادة كيميا فيزيائة مع دكتورة نهى جداً ممتازة والمادة دسمة جداً ورغم هذا شرحها ممتاز واسئلتها اللي مذاكر يحلها الله يجزاها خير قد ايش تعبت في هذيك المادة
اما المادة الثاثة فهي اطياف المركبات لها معمل حلو المادة حلوة حبيتها وحبيت شرح الدكتورة رحاب
بس المشكله في الاسئله
يحتاج لك خلفيه ممتازة للكيميا بشكل عام اسماء المركبات بشكل خاص

ممكن يجيك سؤال تحليل الطيف ع حسب مادرستي الان وسهل بعد التدريب تعرفي كيف
بس المشكله باسم المركب ممكن يجيك اسم تعرفيه سامعه فيه بس راح تخبصي بالحل كله
لأن المشكله مو بالمادة المشكله بانقطاعنا عن الدراسه كذا سنة لين نسينا
عشان كذا حاولي تذاكري العضويه اول باول اسماا المركبات بتفيدك فيها وبمادة العناصر الانتقاليه اللي بالترم الاول

لان لما تروحي تحكي للدكتورة كنت اعرف احل مثل ماعلمتيني بس اسم المركب ماعرفت اكتبه
تقولك مو ذنبي انا ماحادرس عضويه من جديد
وهذي مشكله واجهتها مع دكتورتين الله يسامحهم

والمشكله الاكبر ان انا مو جايه عشان اتقيم واكر اللي بالملزمة واحطه بالاختبار
انا جايه اتعلم حابه يكون التعليم ارقى من هذي السلطه اللي مو مخليتنا نعرف نتعلم

[t3bt ashtag]

الله يعطيك الصحه والعااافيه يارب
بجد مشكوووووورهـ كثييييير استفدت من كلامك
الله يوفقك يارب