بصراحة لا أقدر المرأة

[RHF]

مممممممممم

تلفتني ردود ( عروقي شمالية ، فروتا دايمن تقنعني ، مصرة دايمن حكيمة )

والي يعجبني اكتر تونا الحمدولله راحت قبل ما تعلن الحرب

فهد = الي كنت اناديه آدم ممممم ردو بسيط و معبر :)

//

عمومن

ازا ما قدرت المرأة ، ما راح تقدرك ،

حتقولي ايش يهمني ما احتاجها تقدرني ؟؟

ازا كدا احنا كمان ما نحتاجك تقدرنا ،

//

عمومن صدقني كلامك محا يأثر لا فيا ولا في تونا ولا في فروتا ولا عروقي شمالية ،،، ولا كل البنات اللي هنا ،

المشكلة انوو حيأثر في اقرب الناس لك ،

امك و اخواتك ومرتك ، ونحط بنات عمك وبنات خالتك و خالك و الكلام دا ,,

//

قولتلنا امك استثناء ؟؟ غلطان ، لو امك استثناء وعارف قيمتها كان قدرت الباقين ،، !!

الله يخليها لك ,, ويخليك لها و يرزقك برها ، ( ويخليلي حبيبت قلبي وما يحرمني منها )

//

واخواتك ؟؟ دا واحد من الاسباب الي خلتك زي كدا

للاسف انا الوالد ما عندو اخوات ، وسوبحان الله ، تتكلم عن نفسك كانك تتكلم عنو ، :)

//

بنات خالتك و عمتك و خيلانك والكلام دا كلو ، طالما البنات ما يهموك يعني محا تهمك نظرتهم لك

وان شاء الله ما تكون عارفها ، لانها حتكون تعاطف وحزن عليك :)

//

والمصيبة الاكبر لو اتجوزت !!!!

شوف نصيحة وحدة لك < ما ابا اقول اخت خخخخخخخ

لو تبا تتجوز ، بينك و بين نفسك لازم تقتنع انك تقدرها ، تقرا كتب ، تحضر دورات ، تشوف احاديس الرسول ، تروح استشاري ،,,

لانك لو اتجوزت بدا التفكير مو بس حتعيش في تعاسة و تعيش المدام في تعاسة مالها زنب فيها

الزنب الاكبر انك ممكن ربنا يدخلك النار بدا السبب ،

فازا ما اقتنعت تكون كويس مع مدامتك ، احسلك ما تتجوز ،

لانو كل حاجة حتنكتبلك ، وحتسأل عنها يوم القيامة ،

//

الله يوفقك يا رب ، ويهديك ،

( ع فكرة انا من اول شفت الموضوع بس ما دخلتو ، اتوقعتو مقال ، ما كنت اعرف انو في احد يكتب كدا من جدو ) هههههههه