بطاقة الجامعة ضاعت واختباري باكر ؟؟

[عاشــ الريم ــق]

السلام عليكم
أنا طالب سنة تحضيرية انتساب خلصت الترم الأول واعتذرت الثاني
المهم رجعت الحين بكمل الدراسة وكل شي سليم
بس بطاقتي ضاعت
وأنا بالرياض واختباري هنا يعني مافي مجال اراجع الجامعة


أفيدوني بالحل وجزاكم الله خير ؟

[طــبــعــي خــجــولــه]

الله يكون بعونك خيوو

والله لو اقدر افيدك مابقصر

بس ماحبيت ادخل الموضوع واطلع بدون رد

[نوفل؟؟؟]

مالك الا تتصل على العمادة االصباح

[Nasser H]

ما عندك مشكله ياخوي الامور سهله إن شاء الله

احضر اختبارك ببطاقة الاحوال و حاول تطبع جدولك الدراسي
وقبل يبدأ الاختبار قوله انك مضيع بطاقتك و راح يرسلونك لواحد من المشرفين يتأكد من انك طالب بالنظام و بسس

[أبوسطام الحارثي]

اتصل على عمادة التسجيل القبول الإفادة

عمادة التسجيل القبول مسؤول في بطاقة جامعي ،، رقم الهاتف
7
7
7
7
أضغط هنا

[عاشــ الريم ــق]

طبعي خجولة

يكفي دخولك ودعوتك لي
يسلمو


أخوي نوفل
مايمديها اتصالات لأنهم مايردون
كان عندي موضوع بداية السنة وحااااااااااااااااااااولت كثير الاتصال لو على أي تحويلة .. بس حسيت اتصل على مقبرة مو جامعه .. وبكل الأوقات .. لكن عسى الله يسهل

أخوي ناصر
جد مالها الا كذا .. يبون ولا يحطون لي حرمان بكيفهم
أنا الي علي بروح بدري واشوف حل .. لو تفاهمو معي وتعاونو كويس
ولو لا (الله يستر) غلطتي وأنا اتحملها .. وهم متعودين منهم عدم التعاون بكلش



أبو سطام
مشكوووور على الاختصار كثير .. وبحاول الصباح وعساي أطلع بنتيجة

[silentelove]

المشاركة الأصلية كتبت بواسطة nasser h ما عندك مشكله ياخوي الامور سهله إن شاء الله احضر اختبارك ببطاقة الاحوال و حاول تطبع جدولك الدراسي وقبل يبدأ الاختبار قوله انك مضيع بطاقتك و راح يرسلونك لواحد من المشرفين يتأكد من انك طالب بالنظام و بسس

كلام أخوي ناصر صحيح بطاقة الأحوال و الجدول الدراسي تفيان بالغرض

[تشاتشا 7]

كثير يدخلون الاختبار بدون بطاقة الجامعة بالتوفيق

[عاشــ الريم ــق]

الله يجزاكم خير على الاهتمام والردود


ويطمن بالكم .. لأني فعلا كنت متخوف بس مبين ان الموضوع بسيط

أما الجدول الدراسي ماظنه بيفيد .. باخذ معي اشعار السداد حق العالمية لأني بالرياض مع البطاقه وعسى الله يسهل

ماقصرتو يالاخوان

[نورهنوره]

حبيبتي انا مثل حالتك
استاذة الرياضيات بنفسها قالت ااذا البطاقه مو معك
جيبي الاحوال او الجواز اهم شي فيه صورتك انتي
و جدولك والرقم الجامعي
جدول المواد والاختبار طبعاً

والله يوفقك