للأهمية القصوى...فقط

[*ديـــم*]

طيوف المملكة معاها حق ..

الجامعة هي اللي مفروض تطبق النظام ع الاستاذات .. لانه ابدا مافيه وحده بترضى باي اسلوب ..

مســــــــك ..
شكلك بنفس قاعتي .. بس والله قرت لنا الارقام واضحه *_^

[hibara]

طبعا الاخطاء ما تنوصف لانها برأيي ظالمة لاقصى درجات الظلم
من ناحية زمن المحاضرات فبعض الشعب ما عندهم اي بريك بين المحاضرات و منهم شعبتي انا
من ناحية المواد : الانجليزي حلو و سهل ما فيه ظلم كبير( الا في حالات خاصة لبعض الشعب)
اما الاحياء فكان قمة الظلم من نواحي كثيرة : لغة الكتاب الصعبة و غير المفهومة للطالبات ( الكتاب بحاجة لمستوى عالي جدا من اللغة الانجليزية)
ثانيا: كمية المنهج الكبيرة اللي ما يكفي الترم لانهائها ( الكمية محتاجة سنة لانهائها)
ثالثا: بنك المعلومات ( و هادا اللي اعتبرناه كارثة في تاريخ الجامعة لانهم خلونا مجرد آلات للحفظ و النسخ )
رابعا : طريقة وضع الاسئلة ( تركيزهم على جزئيات معينة )
و نجي للكيمياء
المنهج كان حلو ولكن الاسئلة كان التركيز فيها على جزئية معينة من بداية الكتاب و هذا في نظري ظلم لانه المفروض انه الاسئلة يكون اكثرها من الاجزاء الاخيرة اللي ما اختبرنا فيها
اما الاحصاء:
المادة جميلة و شرحها كان ممتع مع الاستاذة و لكن .... الاختبارات للاسف تعجيزية و كتير من الاسئلة الغاز و في اشياء و لا اشطر طالب يقدر يحلها
و الدليل على كلامي انهم عملو اختبار شامل نهاية الترم حتى يحسنو مستوى الطلاب و الطالبات
في الختام احب اقول يا ريت انهم ما يعيدو نفس الاخطاء و ما يقضو على احلام طلاب و طالبات ابرياء مالهم ذنب غير انهم طلاب سنة تعجيزية ... اقصد سنة تحضيرية

[كنت متفائله]

والله أنا جاتني عقده من الجامعه لانه كل نظام يطلعوه أحس أنه موفي مصلحه الطالب
والمناهج طووووووووويله وبالانجليزي والفصل الدراسي مررره قصير
وهذا كله وأنا لسا ماذقت حلاوه خطه ب ولالسا شفت الأحياء
الرحمه والله إحنا ماسوينا لكم شي

[صــمـود الأقصى]

السلام عليكم جميعا ..
أضم صوتي للبنات .. صراحة تطبيق النظام كان فاشل لأبعد الحدود .. والبنات ماشاء الله عليهم كفوا ووفوا ....
لكن أكبر مشكلة واجهتني بالإضافة للمشاكل اللي قالوها البنات هي مشكلة الصلاة ..حسيت اني في مكان علماني بعد ماتعرضت أنا وصديقاتي لموقف من أحدى الأستاذات ..كانت بداية المحاضرة مع الأذان فاستأذنا منها نصلي ..تخيلوا وش قالت .. قالت إذا تعارض وقت العمل مع وقت الصلاة لازم نقدم وقت العمل وممنوع تطلعون ..واحنا مبققين عيونا فيها.. طبعا احنا مشينا للصلاة وتركناها...كمان وحدة تقول إذا الجامعة ماتعطيكم وقت للصلاة أنا مالي دخل ...
صراحة الموضوع مخربط من كل النواحي ..ابتداء من الخطة الدراسية وكمية المناهج مرورا بتنظيم الأوقات .....

واااااااااسفة عالإطالة ....
تقبلوا مروري ... تحية طيبة لكم [/color][/b]

[sweet cat]

ما ابغى احطمكم بس انا اتوقع انو ما يسير شي جديد
احنا حااولنا كتير وكلمنا نااس كتير من اللي يقدرووا يسووا شي وما سووا
يعني تعبنا ع الفاضي فلا تعيدوا نفس التعب وكمان بما انو احنا عدينا بشي في ( خطه ب) محا يغيروا للباقين ولا حيغيروا شي من خطه أ عشان نتساوى انا كدا اتوقع عموما اللي نقدر نسويه اننا نستفيد من اللي مرووا بالخطه نفسها وما نغلط نفس الاغلاط واهم شي نتفاءل

[BaZizo]

اولا احب اشكرك على الموضوع الخطير هذا ..
لانو احنا في امس الحاجة له..


ثانيا المشاكل..

انا بصراحة اعتقد المشاكل الي واجهتني في دا الترم هي اللخبطه الي صارت للانجليزي .. ( بالنسبة للبنين وما ادري لو صارت كمان للبنات حيكون مشكلة اكبر )

يعني انا عارف انو تعب لمن الواحد يسوي اختبار بـ75 سؤال .. وغير انو في اربعة نماذج

بس يعني ياكبر الجامعه ويا كبر الشغاليين فيها .. ما قدرتوا تسووا لجنة لمراجعة الاوراق ومراجعة الاسئلة ..

مو بس للانجليزي .. كمان للاختبارات كلها ..

هذا سبب لخبطه كبيره طول السنة .. ولسوء حظنا انو الخطأ هذا طلع في اول اختبار وسبب البلاوي الي بعدو

وثاني مشكلة هي الوقت
بصراحة انا الى الان ماني شايل هم ولا نتيجة من الاختبارات الي فاتت غير اختبار الفيزياء

والله مرة مقهور الوقت كان مرة قليل .. وكان تقريبا باقيلي 7 اسئلة .. قام جا الدكتور وسحب الورقة مني .. حتى بدون ما ارمي حظي واحط اي اجابة لعل وعسى تطلع صحيحه

فان شاء الله يلاقولنا حل لكل المشاكل مو بس مشكلتي .. وانا عارف انو صعب انو يحلوها كلها .. لكن بعض احسن من لا شي ..


وآسف اني طولت عليكم بس سؤال اخير لصاحب الموضوع ..

مشكور جدا على موضوعك بس انتا كيف حتوصل هذا لاكلام كلو للمسؤوليين ؟؟؟؟؟