اختبر شطارتك بالاحصاء

[شاشه]

المشاركة الأصلية كتبت بواسطة R.B.Love u السلام عليكم ورحمة الله وبركاته في اشياء مو فاهمتها فالاحصاء اللي هووا معامل بيرسون للارتباط الخطي معامل بوينت بايسيريال للارتباط معامل سبيرمان للارتباط الرتب معامل الاقتران (فاي) بليززز ادوني اي مثال واشرحوه ليا للي فاهمين ودارسين

في معامل بيرسون يشترط انا يكون كلا المتغيرين نسبي او فترة < يعني بيانات كمية رقمية ،، يعني الارقام يمكن جمعها وطرحها >
عند حل مسأله اول شيئ نكتب القانون ،، بعدين نجهز المتطلبات حق القانون وهي ( جمع كل الاكسات عشان نطلع سجما اكس ،، جمع كل قيم الواي عشان نطلع سجما واي ،، بعدين نربع كل اكس ونجمع نواتج التربيع عشان نطلع سجما اكس تربيع،، بعدين نربع الواي ونجمع نواتج التربيع عشان نطلع سجما واي تربيع ،، بعدين ناخذ كل اكس وما يقابلها من الواي ونضربهم في بعض عشان نطلع سجما اكس واي )) طبعا كل خطوة لحال ،،
n تكون عددها = عدد الاكسات
<< الاستاذه قالت ممكن تجيب كل المجاميع جاهزه اللي ذكرتها فوق جاهزه وانتِ بس تطبيقين في القانون >>
بعد كذا نطبق عالقانون حطي كل معلومه في مكانها في القانون واجري العمليات
بعدين الرقم اللي يطلع من القانون نشوفه في الجدول اللي يبين قيمة الارتباطات هل هو (طردي متوسط او طردي متوسط ......... جدول (4-2) ))
وبس
،،،،،،
معامل بوينت بيرسونال قانونه محذوف ما يجي منه تمارين ،، معانا بس الجزء النظري
،،،،،،

سيبرمان
يستخدم عندما يكون المتغيرين ترتيبي او اسمي <يعني الارقام مجرد قراءات ورموز ولا تعطي دلاله رقميه ،، مثل ارقام السيارات ، قرائات الزلازل ،،،،،>
مهم فيه انه احنا نرتب والوايات عشان نقدر نحل ،،
نبدأ في الحل بترتيب الإكس والواي مثل ماهو موجود في الكتاب ( إما ترتيب تصاعدي او تنازلي زي ما انتِ تبغي )
بعدين نطرح رتبة كل إكس من كل واي ويرمز للناتج من هذه العمليه D
وبعدين كل ناتج طلع من الطرح ربعيه ،، وبعدين جمعي ناتج كل الاعداد اللي ربعتيها وهذا يسمى D تربيع اللي راح نستخدمه في القانون
اما n فهي زي اول نعرف عددها من عدد الاكسات
الناتج اللي يطلع من القانون تشوفيه في الجدول حق اول (4-2) نوع الارتباط وقوته
وبس

،،،،،

معامل الاقتران فاي
نوجد متطلبات قانونه
يكون عندنا معطى جدول زي تمارين الكتاب
نرتب الخانات فيه من اليسار اللي فيها الارقام بالترتيب a ,, b ,, (هذا الصف الاول )
الصف الثاني c,,d

قانونه يقول بالنسبه للبسط نضرب (a x b)-(bxc)
-------------------
جذر كبير يحتوي على (a+b) يعني نجمع خانة a مع b اللي حددناها فوق في الجدول زي ماهو موضح في القانون وكملي باقي القانون حق المقام كذا لاني ماكتبته كامل <هذا المقام >

بعدين تنضرب نواتج كل جمع خانتين مع بعض يعني في المقام يتكون عندنا اربعة ارقام ناتجة عن عمليات الجمع نضربها في بعض
بعد الضرب نحسبها كل تحت الجذر بالاله طبعا ،، والبسط ونتمم العمليات اللي فيه القوسين
بعد كذا خلاص نقسم البسط عالمقام ،،
وبكذا نكون طلعنا الناتج

يارب اكون وصلت للي تبغيه
واي سؤال ثاني انا حاضرة ^ـ^
بالتوفيق