طالبات - اختبار الاحصاء

[asma'a]

نسيت اضيف إنوو خميس 4/2 قابلت اعتراض على طوول بدوون نقاش حتى :p ..

وكمان بعد ماتكلمت واعترضوو البنات.. تذكرت صاحبتنا اللي تكلمت عنها قبل كذا كمان ^_^..

المشاركة الأصلية كتبت بواسطة asma'a فيه وحدة من البنوتات مو من جدة وملكة أختها يوم الأربعاء ويومتها حتكون في المدينة وماحترجع جدة إلا الخميس ^^.. وصراحة البنت من حقها تعترض خصوصا إنو ماعندها برمجة والمادة متعادلة عندها فيعني الجدول القديم كان موو مشكلة بالنسبة لها ^^..

^_^..

فيا يوافقوو على 11/2 احصاء .. ي يبقى الجدول زي ماهوا

بالتوفيق ^^..

دمتم بخير ..

[Sona 66]

asma'a
اول شئ اضم صوتي لصوتك
واللهي يا سمعت كلام الليوم زي السم
من البنات المشكله انا ما طلعت كلام من راسي و مشيت
الاقتراح كان من وحده من البنات هنا و انا حسيتو افضل حل
و يوم السبت كنسلت كل محاضراتي عشان اشوف الشعب
و اقول الاقتراح دا
بعد ما رسلت المسج وصلتني ايميلات مرا كتير
و للأسف ابدا مو اسلوب حوار ان الواحد يبدا الكلام " انتي غبية "
ولا حتى سبب مقنع " شايفتنا تحضري نختبر الخميس "
التحضيري مرحله مرينا بيها و بسببها تخصصنا
فمالو داع التحقير دا ولا لها داعي الالفاظ دي
شئ تاني قبل ما ترفضي فكره تأيدي فكرة ممكن تقيسي الفكره على عقلك
باللهي ايش حيقدركم انكم تخرجو من الحوسبه 3:30 و تختبرو احصاء 8:30
و ياريت أننا فاهمين
انا ما قلت لازم الخميس اللي قبل البرمجه
ولا قلت لازم بعد الثقافه
شوفو اللي يريحكم
لكن كدا كل وحده بتفكر في نفسها و في ظروفها
واللهي اعرف ناس عندهم ظروف فوق كلمة قاهره
بس سكتو و رضيو عشان الكل
لكل للأسف مافي احد يقدر ولا يحس
و انا كمان بصراحه اخاف على معدلي و درجاتي
و ابغا مصلحتي زي ما الكل يفكر في مصلحتو بس
فإما ان :
الحوسبه مع تغير الاحصاء فأي خميس سواء بعد معمل الاحصاء او بعد الثقافه
او الحوسبه يكون لوحدو يوم التلوت
او ناكلها كلنا و نجلس على الجدول دا
و بصراحه ابدا ما اشوف انو في وقت نزاكر اختبارات معامل و اختبارات دورية و تسليم الريبورت و البريزنتيششن
و متى نمسك حوسبة اللي مرره كتير و دسم و متى نمسك اساليب اللي درجات البنات جدا جميله فيه و اللي فعلا الجزئية
دي يبغالها مزاكره ...
و قدامكم اسبوع واحد عشان تسوو دا كلوووو
و المفروض تفكرو شويه و ترضو بالقليل احسن من ولا شئ
اعتذر لاني ضيعت وقتكم
و للأسف مرا ما كنت حابه اقولها بس
ابدا ما تستاهلو وقتي اللي ضيعتو و محاضراتي اللي كنسلتها
عشان مصلحتكم
و فعلا التجربة دي تعلمت منها كتير
و تعلمت كيف الناس تقلب فجأه عليكي
و تعلمت مين من جد يقدر التعب
و مين يفكر بعقلانيه و مين بس يبغا يمشي كلامو
فعلا الله يعينكم على نفسكم في السنين الجايه و في ابحاث التخرج
لو من دحين مو قادرين تتفقو
والله يعطي كل شخص على قد نيتو