~~ شــــــتــــــات ~~ ♥ مُصرهـ علـى قــراري ♥..

[مصره على قراري]

الحمد الله على سلامتي

قبل صلاة الفجر كنت بموت برصاصه طايشه من بندق الوالد

كان بنظفها وانا مسنتره قباله<<اكيد بتسألون ليه بنظفها بهالوقت؟؟ بقلكم هذا ابوي
اذا كان بأجازه ومل من البالوت والكشتات هو واعمامي واخواني
طلع احباب قلبه
ويقعد ينظف فيهم كأن الحرب بكره

نرجع لسالفتنا

مسنتره جنبه واهذر<<مو شي جديد هذي العاده

يوبه بكم شريتها؟؟ وشوله شكلها كذا؟؟ غير عن حقت محمد؟؟.......الخ من الهذره الي توجع الراس<<اعرف نفسي

وهو يا حرام له ساعه
يا بابا وخري عني ترى الشيطان ما مات
والله ياما ناس راحوا من رصاصه محشوره داخل ولا انتبهولها

والله ما كمل كلمته الا والرصاصه طايره وبالجدار الي وراي

كان يسحبها وهي على جنب وطلعت الرصاصه

الحمد الله ربي سلمني ولا كان صرت في عداد الموتى اليوم


الله لايعيده من موقف ويكفينا شر الاسلحه يارب