هـذا مـا قــدره ربـي لـي&درجاتـي:مرئياتكـم\نصائحـكم\نقدكـم\هـل لازال بالامكـــــان ؟!

[قادم]

المشاركة الأصلية كتبت بواسطة ميثان حلقي السلام عليكم اخوي شوف نصيحة من متخصص ابدا لا تشيل هم يبغالك شغل , احتمال كبير ما تشيل مواد في الصيف لأن البونص في بعض المواد يوصل 15 لا سيما ان وضع السنة ذي مزري للغاية و حتى لو حملت بالعكس الصيفي يرفع بقوة بشرط انك تجيب في ال b قلت تبغى هندسة و انا اقول لك مو مستحيل , خطة أ سهلة و ترفع المعدل بقوة زي ما سوت معي ^^ خلص التحضيري و عليك بالخير و بعدها ادخل تخصص سهل في كلية العلوم و نزل مواد قليل و تكون سهلة و هنا يبدأ الشغل , خلي ال b+ عندك زي ال f مرة لا تنزل تحتها و بعدها راح تشوف تغير جذري في معدلك و بعدها حول ان شاء الله تدخل هندسة و برضو كليات العلوم فيها مواد هندسة يعني راح تخف عليك الهندسة بموادها شوي الهندسة فيها تحضيري سنة و نص يعني يبغالها شغل هذا الا اشوفه بس لو سحبت ..... حقيقة الا سحبوا قبلك ما تغير وضعهم بل بقي كما هوا هذا الا عندي لأن الا معاي في القسم هذا مخططهم و ما اشوف فيه شي و انت شوف المناسب لك و سويه ميثان حلقي

لك ان تتخيل اخي كم ان كلماتك اسعدتني كثيرا سطور تبعث الروح والتفاؤل اشكرك من الاعماق

لكن ابي اسال اخوي وش التخصصات اللي راح تسساعدني في كلية العلوم وبتوصلني للهندسة وكيف بتوصلني اصلا تقصد احول مابين الكليات؟ اعذرني ماعندي خلفية كافية عن هالامور ياليت توضح اكثر لاهنت يالغالي ومدى فاعلية نجاحها

[BIgBOoOS]

في واحد من اصحابي نفس الشي صار معه
جاب العيد في الدوري الاول والثاني طبعا هو خطة أ

هو سأل عن موضوع السحب والترم الصيفي و الامور هذي

فالنتيجة كانت معه كالتالي

اذا انت سحبت ترم (قبل النهائي وقبل ماتحمل مادة )تقدري تعيد الخطة كاملة

مثل انت خطة ب لوسحبت الترم هذا اللي هو خطة ب بالنسبة لك
وتكمل وتدرس الترم الجاي خطة أ وترفع معدلك
والسنة الجاية تدرس خطة ب كاملة مرة ثانية في الترم الاول
وتنتظر حتى تخلص الدفعة 13 وتخصص معهم



ان شاء اكون قدرت اوصل معلومة

[ميثان حلقي]

المشاركة الأصلية كتبت بواسطة قادم لك ان تتخيل اخي كم ان كلماتك اسعدتني كثيرا سطور تبعث الروح والتفاؤل اشكرك من الاعماق لكن ابي اسال اخوي وش التخصصات اللي راح تسساعدني في كلية العلوم وبتوصلني للهندسة وكيف بتوصلني اصلا تقصد احول مابين الكليات؟ اعذرني ماعندي خلفية كافية عن هالامور ياليت توضح اكثر لاهنت يالغالي ومدى فاعلية نجاحها

اخوي العزيز

ترا والله قلت ذا الكلام من باب الانسانية

اما حكاية التخصصات , حقين الهندسة المستجدين ( تحضيري هندسة ) ينكرفوا مواد كثيرة و غريبة لكن الا اعرفها معمل كيمياء و معمل فيزياء و رياضيات 202 و فيزياء 202 و مواد في الحاسب

لا تدوش دماغك في المواد ^^

عندك الكيمياء و الفيزياء و الرياضيات , هذه اساسيتها هي نفسها اساسيات الهندسة , اختار الا تحبه منها , الاحياء بعيد عنهم بس مواد الاحياء نصها عربي

التحويل

هذا الا علمه عند رب العباد , مثلا في عدد من طلاب الهندسة يبغون يحولون طب او اي شي ثاني و تم قبول تحويلهم , راح تبقى اماكن شاغرة في كلية الهندسة و راح تفتح باب التحويل , طبعا في عدد من الطلاب راح يقدموا و الاولية للمعدلات العالية , اما مدى قبولك في الهندسة او لا هذا شي راجع للجامعة فعشان كذا قلت لك ادخل شي سهل و حط عدد ساعات قليل ( 12 ساعة اقل شي ) و بعدها سهل تطير بالمعدل

انا في شمال جدة علوم كيمياء و الوضع ميسر يسر و سهولة في التعليم و سلاسة الدكاترة مساعدتنا , قسم الكيمياء فيه 10 طلاب , الفيزياء 4 و الرياضيات 3 , بس الرئيسي ما اعرف وضعه فأنا قلت لك ذا الكلام من باب الا اشوفه بعيني لكن لو تقدر تسأل الي عنده خبرة لا تتردد

اخي ترا انا تكلمت من باب المنطقية بس لو الله كاتب لك رزق راح تاخذه و زي ما وصوك الجماعة استخير و الله يكتب لك الا فيه الخير

موفق عزيزي ^_^