استاذه جوهره الزبيدي كلنا معاك

[أميرة الذوووق]

قال سبحانه وتعالى فيما رواه رسول الله في الحديث القدسي: { يا عبادي إني حرمت الظلم على نفسي وجعلته بينكم محرماً، فﻼ‌ تظالموا } [رواه مسلم].

وعن جابر أن رسول الله قال: { أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم } [رواه مسلم].
انا حدخل في الموضوع على طول بدون مقدمات
يوم السبت اللي فات وصلت ورقة للاستاذة الجوهرة الزبيدي من الدكتور اسامة الطيب يطالب بفتح تحقيق معاهم والسبب
انه بنت درست معاها العام راحت اشتكت على الدكتور اسامه الطيب ان الاستاذة الجوهرة تجيب اسماء البنات اللي حملوا المادة معاها وانها تكلفنا باشياء فوق طاقتنا

واليوم عرفت انها راح تتوقف عن العمل

هنا لازم كل طالبة درست مع الاستاذة الجوهرة الزبيدي واي طالبة اتعاملت مع دي الانسانه الراقية لازم توقف معانا ضد قرار توقيفها عن العمل
لانها ماتستاهل عاملتنا زي بناتها وطولت بالها علينا وتحبنا وتراعي الله فينا وتعاملنا بكل رقي واكيد الكل يعرفها
حرام تجي بنت وحده تحرمنا من استاذة في اخلاق وحنية ورقي الاستاذة الجوهرة لازم كلنا نوقف جنبها في هدا الظرف لانها أمنا وأختنا قبل ماتكون استاذتنا
اتمنى نلاقي اكبر عدد من الطالبات اللي يوقفوا جنبها اكيد هيا في امس الحاجة لنا
واتمنى البي سي دا يوصل لاكبر عدد ممكن
وحتى الناس اللي من خارج قسم الجغرافيا ساعدونا في نشره لانكم كدا بتنصفوا انسانه انظلمت

واي طالبه حابه تكون معانا ترسل البي سي دا وتكتب اسمها
يلا يابنات دا وقت وقفتنا جنبها (y)


اللهم من أراد الاستاذة الجوهرة الزبيدي بسوء فأشغله في نفسه واجعل تدبيره في تدميره وزلزل الارض من تحت قدمه انك سميع الدعاء :( </3

كلنا معا الاستاذه وحسبي الله على كل ظالم

[أميرة الذوووق]

وصلني هالبي سي بالبيبي وحبيت اوصل صوت البنات
وكمان كان كثير اسماء البنات الا واقفين معاها بس ماحبيت انزل الاسماء
تكفوووون اي احد بيده يوقف هالظالمه عند حدها حتى لو قالت كدا ماظلمتها قالت حقيقه
وانا درست هالماده مع كل استاذات النظم والله الماده اساسا صعبه ويبغالها تركيز ومجهود
الله معاك يأستاذه وقلوبنا بكل لحظه تدعيلك وتدعي عليها وربي راح ينصرك يأستاذه لانك ماظلمتيها كدا ولا كدا راح تاخذي حقك اذا مأخدتيها بالدنيا تاخدي بالاخره وربي مارح يوفقها طول حياتها

[(*_^)]

معقوله طيب دعوت البت صادقه ؟؟؟
لازم يتاكدوا الدنيا مو لعبه

[سكر جدهـ]

اذا كانت من طالبات العام فـ اكيد من اللي درسو معاهم تدريب 1

الحقيقه تنقال , طلبت منهم بيانات صعب جدا يحصلونها وفي قروبات عندها رسبت بسبب هالشي

صح انا درست معاهم نظم وكانت كويسه وشرحها كويس بس في التدريب 1 محد كان يمدحها ابد


ممكن انتي متعاطفه معاه وكذا ويحق لكـ ..

بس ما انفتح معاها تحقيـق الا وعليها شكاوي من قبل > وطبعا اقصد طالبات تدريب 1 ماره اغلبهم كانو مستائين منها


, اللهـ ينصر الظالم سواء كانت الجوهره او الطالبـه