المشورة ياهل الخير ( وش الحل اكمل ولا افصل والا اشق ثيابي )

[70707]

مساكم الله بالخير ياجماعة الخير
انا الحين مستوى ثاني وزواجي ان شاء الله قريب
بس الراتب الحين ما يوفي للبيت والايجار وللجامعه
يعني الحين انا ملزم بمصاريف البيت ومصاريف الجامعه
والراتب 3000 ومعدلي الدراسي ماراح يكون اعلى من 2 ونص عشان ادور الاعفاء
لاني قريت عن موضوع طلب الاعفاء من شروطه يكون المعدل فوق 3ونص تقريبا
الحين انا امام خيارين وكلها اصعب من بعض
وش ابدي؟
البيت او الجامعه؟
مع العلم اني دافع لحد الان اكثر من 12000 ريال للجامعه
هل اسحب من الجامعه؟
او اكمل واتدين؟ وانشب بالسلف؟
عطوني المشورة الزينه الله يوفقنا جميع

[عادل الحربي]

هلا أخوي

اذا معدلك 2.5 يحق لك تقديم الاعفاء مو 3.5

وظبط لك معروض من الي يحبه قلبك وقدمه لوكيل الجامعة الدكتور اليوبي تراه رجل محترم ويقدر الظروف

سوا معاي موقف وللمصلحة لا أود ذكره بين لي شهامة الرجل وموقفه النبيل يعني توكل على الله وروح له

وان شاء الله تتيسر أمورك

[*غند*]

الله ييسر امرك

[batisa]

الله ييسر امرك
جرب مشورت الرجال وش خسران
إن شاء الله تتيسر امورك
تحيــــــــــــــاتي

[ابوالاء]

جرب والفرص تجي علي شكل تحديات

[جنوبي77]

المشاركة الأصلية كتبت بواسطة عادل الحربي هلا أخوي اذا معدلك 2.5 يحق لك تقديم الاعفاء مو 3.5 وظبط لك معروض من الي يحبه قلبك وقدمه لوكيل الجامعة الدكتور اليوبي تراه رجل محترم ويقدر الظروف سوا معاي موقف وللمصلحة لا أود ذكره بين لي شهامة الرجل وموقفه النبيل يعني توكل على الله وروح له وان شاء الله تتيسر أمورك

نصيحة موفقة جزاك الله خير..اتمني ان يأخذ بها .

[هتان الزهراني]

اعانك الله
وجعلك من سعداء خلقه

[أبو بيان]

السلام عليكم ورحمة الله وبركاته

أخي المبارك

الم تسمع هذا الحديث :

عن أبي هريرة - رضي الله تعالى عنه - قال: قال رسول الله -صلى الله عليه وسلم-:(( ثلاثة حق على الله عز وجل عونهم: المكاتب يريد الأداء، والمتزوج يريد العفاف، والمجاهد في سبيل الله )). رواه أهل السنن إلا النسائي .

وظبط لك معروض من الي يحبه قلبك وقدمه لوكيل الجامعة الدكتور اليوبي تراه رجل محترم ويقدر الظروف

واما الدكتور اليوبي فهو بلا شك رجل خير متعاون - نحسبه كذلك والله حسيبه ولا نزكي على الله احد - فاتكل على الله ومن ثم قدم له معروضا كم ذكر اخونا "عادل الحربي" من قبل والله يقدم كل خير ..


" ما ندم من استشار ... ولا خاب من استخار "


روق وصل لك ركعتين اطلب الله ييسر امورك .. ومابعد الشده الا الفرج ..(فإن مع العسر يسرا * ان مع العسر يسرا ) .


الله يرزقك الزوجه والذريه الصالحه ..

[سعودي اول]

مانملك لك اخي الكريم الا الدعاء..

عسى الله ان يوفقك ..

[كوكتيل]

شوف توكل على الله وكمل واذا مرررره الاموض مقصره معك اعتذر ترم على الاقل وبنفس الوقت قدم طلب الإعفاء بس لا تترك الجامعه وانت قاطع نص المشوار بارك الله فيك

وجهة نظر شخصية وان شاء الله بتكون مناسبه لك


والله يوفقنا ويوفقك ويوفق الجميع ان شاء الله