مركز الإبداع الكندي أم المجلس البريطانيbritish council

[لوديا]

المشاركة الأصلية كتبت بواسطة أنســام صباحك جوري أهلين لوديا الله يريح قلبك مثل ما ريحتي قلبي , طيب ممكن تكتبين لنا عن اسعارهم مواعيدهم مدة كل مستوى واختباراتهم أبيك تكبين كل شيء تعرفينه إذا ما عليك أمر نتظرك

أهلين حبيبتي .. وأعتذر منك جدا على التأخير ..
المهم .. حقولك على السيستم تبعهم بالتفصيل ..
البريتش كاونسل عنده 18 مستوى >>>> لا تنفجعي :)
اول شي التمهيدي وفي له 3 مستويات أو اثنين إذا ما خاب ظني .. بعده يجيك المرحلة الابتدائية وفيها 4 مستويات بعد ما تخلصيها تاخذي شهادة دبلوم في المرحلة الابتدائية .. بعده يجيك ما قبل المتوسط وفي له 3 أو 4 مستويات لو خلصتيها يصير تاخذي دبلوم في مرحلة ما قبل المتوسط و هكذا لحد ما توصلي لمرحلة التوفل ( اللي هوا المستوى 18)
إن شاء الله تكون وضحت الصورة ..

طبعا كل مستوى مدته 6 أسابيع ...
كل مستوى سعره 2250 ... لاحظي كل مستوى مش كل مرحلة، يعني حتكحي فلوس.
خخخخ...
الدوام إما س ، ث ، ر وهنا حيكون مدة الكلاس ساعتين .. أو ح ، ل وهنا يكون مدة الكلاس ثلاثة ساعات .. وطبعا هذا الشئ اختياري اللي يناسبك ..
وبرضو وقت الدوام تختاريه انتي .. وهذي الأوقات : 9 - 11 ، 1 - 2 ، 4 - 6 ، 6 - 8 هذا بالنسبة لأيام س ، ث ، ر وقيسي عليها أحد وثلوث بزيادة ساعة وحدة ( بس مش متأكدة من جدول دوام الأحد والثلوث لأني قرأته مرة وحدة بس فماني فاكرة مزبوط ) ..

اممممممممم شو كمان .. ايوة صح الإختبارات ... بالنسبة لإختباراتهم ، هيا حلوة بس بعضها سهل وبعضها سهل ممتنع .. يختبروك في speaking , listening, writing , reading .. وتقولك بموعد الإختبار طبعا ... والتقييم ع أساس هذي الإختبارات والمناقشات في الكلاس يعني لازم تجتهدي فيها ..

إن شاء الله أكون جاوبت كل أسئلتك .. وأي خدمة أنا موجودة ..
موفقة يا ألبو ..