اخوكم حايس الرجاء المساعده

[دعدعيه]

بما إنك مستوى ثالث فأكيد عندك المواد التاليه
استماع: استمع للسي دي واحفظه صم. الاختبار بالعاده ما يطلع منه ولو اعتمدت عليه لوحده راح تجيب فوق ال70 في الاختبار + السيلبلز تعرف الكلمات كم تحتوي على سليلبرز .. والحكايه يبغالها مجهود
القراءة: شد حيلك جداً فيها وركز على المربعات اللي تلخص لك الفكره
الكتابه: عادةً سيطلب منك تكتب آساي بسيط + راح تكون فيه اسأله عن المربعات اللي تلخص فكرة الشابتر يجي اسمها باور قرامر
.
الدورة التأهيليه فائدتها كبيره جداً في حال كان بإمكانك الحضور فراح تاخذ الزبده من دكاترة المواد وفي حال ماقدرت تحضر, استنى وشوف الطلاب هنا المتطوعين واللي حضروا الدورة التأهيليه وشف وش بيقولون عن الاختبار, لأن غالباً الأسئله ما تخرج من تحديد الدكاترة
.
المنتدى مليان معلومات مفيدة وهامه, تقدر بأي وقت تبحث عن الدورات التأهيليه السابقة و الأسئله السابقة وشرح بعض الطلاب للمواد اللي عندك
.
الحكايه ماهيب سهله ولاهيب صعبه , الموضوع موضوع اجتهاد. لا تقول أحد ظلمني وحط اسئله صعبه وأنت لسى لحد الآن مابديت تذاكر؟ وإن كانك حسيت نفسك متوهق في هالقسم راجع حساباتك ولو عندك طموح في هالقسم اجتهد وفالك التوفيق